Wednesday, January 22, 2025

Tag: AGP

100 pamilya nakabenepisyo sa outreach program

Posted on by Melchor Madera

Nakabenepisyo sa gipasiugdahan nga outreach program sa Provincial Government of Bukidnon ang anaa sa 100 ka pamilya sa Sitio Mampalanay, Barangay Lilingayon, Valencia City, Bukidnon niadtong Agosto 26, 2024

Ang kalihokan alayon sa 2nd Bukidnon Press Freedom Week (BPFW) Celebration nga gisaulog sa Agosto 25-31, 2024.

Sa pagpasayon sa PGO-Public Affairs, Information and Assistance Division, napalawig sa nagkahiusang hugpong ug pwersa sa prensa sulod sa probinsya sa Bukidnon ang kalihukan nga nagtumong sa pagtabang ug pagsuporta sa komunidad nga nanginahanglan.

Sa sayo pa, isa ka motorkada ang gipahigayon diin ang mga media sa amihanang bahin sa probinsya, ug ang mga media sa habagatang bahin nagkatagbo sa Barangay Aglayan dayon nagkahiusa padulong sa Sityo Mampalanay, Brgy. Lilingayon subay sa dalan sa Barangay Basac, Lantapan, Bukidnon.

Natunol sa mga residente ang food packs, school supplies, school armchairs, mga tsinelas, used clothings, ug ang mga binhi sa utanon nga gipangtisok usab sa grupo nganha sa ilang communal garden, agig suporta sa Bahay Kubo Program ni Provincial Governor Rogelio Neil P. Roque.

Lakip sab sa kalihokan ang feeding program ug free haircut.

Natanum sab ang 500 ka seedlings sa calamansi nga sa umaabot mamahimong isa sa tinubdan sa kahinguhaan sa komunidad.

Niadtong Agosto 25, 2024, unang gipahigayon ang KBP Bukidnon Interaction diin bisita si Mr. Walter Balane, associate professor sa BukSU alang sa hisgutanang “Free and Responsible Media in partnership with the government, a perfect tool for Peace and Development.” (PGB/melbmadera)

Hedcor turns over ₱5.1M royalty shares to Bukidnon IP communities

Posted on by cmn

MANOLO FORTICH, Bukidnon (December 29, 2024) — Hedcor, the renewable energy asset manager of AboitizPower, has turned over ₱5,140,167.01 in royalty shares to Indigenous Peoples (IP) communities in Bukidnon for 2022-2023. These funds directly benefit the host communities of Hedcor’s Manolo Fortich 1 and 2 hydroelectric power plants, advancing inclusive growth and sustainable development

Five Indigenous Peoples (IP) organizations received their royalties, signifying progress for their communities. The Santiago Tribal Community (SANTRICO), Inc. and Impakibel, Apo Man Asilan Tribal Association were each awarded ₱1,401,529.47. Meanwhile, the Lumikapaw Ka Guihean Tribal Council of Elders and Guilang-Guilang Apo Datu Nanikunan Association, Inc. each received ₱935,578.60. The Buklod Kayantang Tribal Association, Inc. was granted ₱465,950.87. These funds embody a commitment to empowering and uplifting Indigenous communities, going beyond mere financial support.
The funds will be used for initiatives identified by the IP communities themselves, including livelihood assistance, skills training to strengthen economic resilience, scholarships for Indigenous youth, and elder care programs.
The projects will also help empower women entrepreneurs, preserve traditional practices, and advance environmental efforts such as reforestation.
Bae Priscilla Cariaga, President of Buklod Kayantang Tribal Association, Inc., expressed gratitude for the turnover.
“Ang pagtinabangay uban sa Hedcor nagpalambo sa among komunidad. Ang mga pondo makatabang sa pagpreserba sa among kultura, pagtubag sa mga kinahanglanon, ug paghimo og mga oportunidad para sa umaabot nga henerasyon,” she said.
(Working together with Hedcor has developed our community. The funds help preserve our culture, address our needs, and create opportunities for future generations.)
Implemented closely with the National Commission on Indigenous Peoples (NCIP) Region 10, the program ensures that projects align with cultural preservation and ancestral domain protection.
“Through joint efforts, we achieve meaningful progress for Indigenous Peoples, safeguarding their heritage while promoting development,” said lawyer Dexter B. Precioso, NCIP regional legal officer.
Hedcor Vice President for Corporate Services Noreen Vicencio said the giving out of royalty shares underscores Hedcor’s zeal to collaborate with IP organizations to enhance community well-being.
“This turnover is more than just meeting our obligations—it reflects our commitment to a meaningful partnership. We are honored to support the IP organizations’ efforts to advance livelihood, education, and cultural heritage.
By working side by side, we help ensure a lasting, positive impact that strengthens their communities and enriches their future,” Vicencio said.
She reiterated that by returning these royalty shares to the communities, Hedcor continues to advance renewable energy while strengthening communities, protecting cultural identities, and fostering long-term growth and opportunity. (Hedcor-AboitizPower/PIA-10/Bukidnon)

Lalaki nakuryetihan-patay sa Valencia

Posted on by Omar Rashid Z. Abdullah

Isa ka 50-anyos nga lalaki ang nakuryentihan-patay sa Purok 1, Patag, Brgy. Bagontaas, Valencia City, Bukidnon.

Nahitabo ang trahedya udto sa Agusto 19, 2024, sumala sa report sa report ni Police Lt. Col. Mitchel Clemencio, OIC sa Valencia City Police Station.

Ang biktima gidala sa Adventist Medical Center, Valencia City sa rescue team apan gideklarar sa nag-atiman nga doktor nga patay na sa wala pa nahiabot.

Nasayran sa imbestigasyon nga ang biktima nikatkat ug nagputol sa sanga sa punoan sa cotton fruit kon santol.

Ang sanga nakasangit sa three phase primary line sa FIBECO hinungdan nga nakuryentihan siya ug nahulog sa yuta. (Omar Rashid Z. Abdullah)

Template.

Illegal settlement, land squatting gidili sa Malaybalay

Posted on by Melchor Madera

Kaniadtong Hulyo 9, 2024, pinal nga giuyonan ni Mayor Jay Warren R. Pabillaran ang Anti-land squatting ordinance sa Malaybalay City

Nahitabo kini human giaprobahan sa Sangguniang Panlungsod ang Ordinance No. 1038, Series of 2024, nga mao ang ordinansa nga nagdili sa illegal settlement ug land squatting sa Malaybalay.

Sumala sa kasayoran sa city government, nakalusot sa SP ang ordinansa atol sa ika-94 nga regular session niadtong June 4, 2024.

Kini nga lakang naghatag og dakong kalamboan alang sa kalinaw ug kaluwasan sa siyudad.

Si Konsehal Erwin A. Damasco, chairman sa committee on human settlement, zoning, and land use, inubanan ni Konsehal Zoltan Dindo D. Dinlayan, ang nanguna sa pagduso ug pagpa-aprobar sa nasangpit nga ordinansa.

Ang ilang paningkamot ug dedikasyon alang sa maong isyu nakapahimo sa ordinansa nga isa ka realidad, nga gilauman nga maghatag og dugang pagbag-o sa siyudad.

Ang tumong sa maong ordinansa mao ang mapahugtan ang kampanya batok sa mga informal settler ug mga professional squatter.

Kini naglakip sa pagpasiugda og mas striktong mga patakaran aron malikayan ang mga kagubot ug mga dili maayo nga sitwasyon nga dala sa illegal settlement.

Dugang pa, ang ordinansa naglantaw nga malikayan ang pagtukod og mga building sa mga lugar nga delikado, sama sa mga daplin sa sapa, aron malikayan ang mga aksidente ug kalamidad.

Tungod niini nga ordinansa, gilauman nga mapabiling hapsay ug malikay sa peligro ang katawhan dinhi sa dakbayan sa Malaybalay.

Ang mga residente adunay mas ligdong nga pamuyo ug proteksyon batok sa mga illegal nga aktibidad nga maka-apekto sa ilang kaluwasan ug kabtangan. (melbmadera)

Notice to vacate na-serve ngadto sa BTL, MILFA

Posted on by Melchor Madera

Kaniadtong Agosto 19, 2024, na-serve na sa Sheriff Office ang Notice to Vacate ug writ of execution ngadto sa mga myembro sa Buffalo-Tamaraw-Limus (BTL) Multipurpose Cooperative ug Musuan Inhabitants’ Landless Farmers Association (MILFA)

Sumala sa kasayoran nga napaskil sa official social media account sa Central Mindanao University (CMU), ang grupo gihatagan sa 15 ka adlaw sa paghawa sa dapit.

Ang lakang may kalambigitan sa paborableng hukom sa korte sa kasong forcible entry nga gipasaka sa CMU batok sa duha ka grupo.

Ang notice gipangkatag ngadto sa mga balay nga gipatindog sa mga myembro sa BTL ug MILFA lakip ang isa ka dakong billboard sa notice of vacate daplin sa dalan.

Diha ang mga personahe sa Philippine National Police (PNP) aron masiguro nga malinawon ug hapsay ang pagpatuman sa mando sa korte. (melbmadera)

Lunsod Lunsad award midunol og P2-M nga proyekto ngadto sa Malaybalay

Posted on by Diego M. Hidalgo

Ang lokal nga pangagamhanan sa Malaybalay nakadawat og grant nga nagkantidad og Php 2 milyon gikan sa 2024 Lunsod Lunsad nga proyekto sa Department of Trade and Industry

Ang Malaybalay isa sa tulo ka siyudad sa Rehiyon 10 nga nakaangkon sa maong grant alang sa Creative Industry pinaagi sa paghatag og proposal nga proyekto.

Ang proyekto ginganlan ug 7Tribes Museum Shops (digital museum, digital marketing/e-commerce), nga nagtinguha sa pagdasig sa mga lumad ug local nga artists sa pagpromote sa nagkadaiyang kultura, produkto, arts sama sa paintings, ug uban pang kalihokan nga makahatag ug bili sa atong lumadnong piyesa ug kahibalo, alang usab sa paghatag ug dugang kakitaan sa mga miyebro sa komunidad.

Magmalipayong gidawat ni Mr. Romeo Lapeciros ang sertipiko nga pagkadawat sa award niadtong Agosto 6, 2024 sa Philippine Trade Training Center sa Pasay City, Metro Manila.

Si Lapeciros isip focal person sa proyekto ug nagrepresentar alang ni Mayor Jay Warren Pabillaran.

Dako ang iyang pasalamat nga mahimo ang maong proyekto kauban sa kolaborasyon sa nagkalain-laing opisina sa dakbayan, lakip ang Tourism Office, LEDIPO, ICT-Innovation Council, Council of Culture, Arts, and Heritage, CPDO, Konsehal Kiril Dinlayan, Mr. Erlow Talatala, ug uban pang project technical partners. (Diego M. Hidalgo)

7 sites sa Bukidnon nakaangkon og free Wi-Fi access

Posted on by Melchor Madera

MALAYBALAY CITY, Bukidnon (August 15, 2024) – Nakaangkon og free Wi-Fi access ang pito ka mga barangay sa Bukidnon bag-ohay lang

Ang pito ka mga dapit lakip sa activated nga 600 ka mga lugar sa nasud nga natabonan sa Connectivity, Capability, and Resiliency through Free Wi-Fi for All (CoRe FW4A) project sa Department of Information and Technology (DICT uban sa United Nations Development Programme (UNDP).

Nahigayon ang nationwide launching sa proyekto sa People’s Hall sa Malaybalay City, Bukidnon kaniadtong Agosto 15, 2024.

Diha sa programa si Mr. Paul Tuason, director sa DICT, Ms. Vivien Suerte-Cortez, team leader sa UNDP Philippines Institutions and Partnerships, Malaybalay City Mayor Jay Warren R. Pabillaran, ug uban pa.

Duha sa mga proyekto sa Bukidnon ang lakip sa Geographically Isolated and Disadvantaged Areas (GIDAs) diin ang Free Wi-Fi naplastar sa Barangay Hall sa Cabadiangan, Kadingilan ug sa Santa Felomina Barangay Hall sa Quezon.

Samtang ang lima pa anaa sa Indigenous People’s (IP) communities nga naplastar sa Saint Peter Barangay Hall sa Malaybalay City, Dolorosa Barangay Hall sa Dangcagan, Maraymaray Barangay Hall sa Don Carlos, Kalabugao Barangay Hall sa Impasug-ong ug Sampaguita Barangay Hall sa Kibawe.

Ang CoRe FW4A project direktang gipatuman sa UNDP nga nagsuporta sa pagpatuman sa DICT sa Free Wi-Fi for All (FWFA) Program niini subay sa R.A. 10929 kon Free Internet Access in Public Spaces Act of 2017.

Ang programa gikatakdang matapos sa Disyembre 31, 2025. (melbmadera)

Buntis Summit 2024 gipahigayon sa Upper Pulangi district

Posted on by Melchor Madera

Ang Buntis Summit 2024 gipahigayon kaniadtong Hulyo 9, 2024 sa Upper Pulangi District

Sumala sa kasayoran sa city government sa Malaybalay, nagkatigum sa Brgy. Mapulo ang mga batan-ong babaye ug high-risk pregnant women alang sa comprehensive day sa edukasyon ug suporta.

Ang summit gitumong sa pag-edukar sa mga partisipante sa kamahinungdanon sa luwas nga pagka-inahan, paghatag og importanteng impormasyon ug mga kahinguhaan aron matabangan sila nga luwas sa ilang mga pagmabdos ug makahimo og mga desisyon nga may kasayuran mahitungod sa ilang panglawas ug kahimsog sa ilang mga masuso.

Lakip sa mga gihisgotan ang prenatal care, nutrisyon, pagpanganak, postpartum care, family planning, ug STI/HIV awareness and prevention.

Ang Buntis Summit 2024, kabahin sa serye sa mga summit nga gipahigayon sa lima ka distrito, nga nagtanyag og mga lecture, libre nga hemoglobin, syphilis, ug HbsAg nga mga pagsulay, ug mga token sa mga partisipante.

Kini nga inisyatibo nagtinguha sa paghatag gahum sa kababayen-an nga adunay mas himsog nga pagmabdos ug pagpanganak pinaagi sa komprehensibo nga edukasyon ug suporta. (melbmadera)

Babayeng septuagenarian gipusil sa Kalilangan

Posted on by Diego M. Hidalgo

Isa ka 72-anyos nga babaye ang gipusil patay buntag sa Hulyo 13, 2024 sa Brgy. Forchacu III, Kalilangan, Bukidnon

Ang biktima nakaangkon sa grabeng samad pinusilan sa agtang hinungdan sa hinanaling kamatayon niini.

Matod sa bana sa biktima, samtang sila nangatulog sulod sa ilang kuwarto, isa ka wala mailhing lalaki ang nipusil sa iyang asawa gikan sa gawas sa ilang bintana gamit ang wala matinong kalibre sa armas.

Human sa hitabo, misibat ang suspek paingon sa wala matinong direksyon.

Ang Kalilangan MPS padayon pa nga nagpahigayon og makuting imbestigasyon alang sa pagtino sa motibo sa krimen ug posibleng pag-ila ug pagkasikop sa suspek. (Diego M. Hidalgo)

711 TUPAD beneficiaries sa 3 munisipyo gihatagan og sweldo

Posted on by Omar Rashid Z. Abdullah

Mikabat sa 711 ka mga benepisaryo sa Tulong Panghanapbuhay sa Ating Disadvantaged (TUPAD) program gikan sa tulo ka munisipyo sa habagatang bahin sa Bukidnon ang nakadawat na sa ilang suweldo

Gikumpirma kini sa Department of Labor and Employment (DOLE-X) Bukidnon Provincial Field Office (BukPFO) pinaagi sa ilang social media post.

Ang Tupad payout gipahigayon kaniadtong May 23, 2024 sa Damulog, Kitaotao ug Don Carlos, Bukidnon.

Ang kalihokan gipangunahan ni Raul L. Valmores, provincial director sa DOLE Bukidnon.

Kauban niya ang Tupad Focal nga si Reyna Tagailo ug TUPAD Coordinators.

Ang DOLE-X BukPFO nagpagawas og ₱1,014,360.00 nga kantidad sa suweldo sa mga benepisyaryo matag munisipyo.

Ang matag benepisyaryo nakadawat og ₱4,280.00 isip suweldo sa ilang 10 ka adlaw nga trabaho.

Nitambong sa kalihokan sila third district provincial board members Minerva C. Casinabe ug Joseph Palmada, Damulog Mayor Melino Buro, Kitaotao Mayor Edwin Abucayan, Kitaotao Vice Mayor Mary Ann Gawilan Angit, Don Carlos Mayor Ma. Victoria O. Pizzaro, ug si Audrey Tan-Zubiri, asawa ni Senator Migz Zubiri.

Ang TUPAD isa ka community-based package of assistance nga naghatag og emerhensya nga trabaho para sa mga bakwit, kulang sa trabaho ug seasonal nga mga trabahante. (Omar Rashid Z. Abdullah)