Ang Panggamhanan sa Dakbayan sa Malaybalay nagdan-ag sa kapistahan sa kapaskuhan pinaagi sa tinuig nga Christmas Lighting Ceremony nga gipahigayon sa City Hall niadtong Disyembre 6, 2023, alas 6:00 sa gabii
Nagtapok sa City Hall ang mga opisyal, empleyado, ug residente sa dakbayan aron pagsaksi sa seremonyal nga pagpasiga, isa ka tradisyon nga nagsimbolo sa mga mithi sa kalinaw, gugma, paglaom, ug pagpasaylo.
Si Mayor Jay Warren R. Pabillaran, sa iyang pakigpulong, mipadayag sa kamahinungdanon sa kalihokan isip kabahin sa tinuig nga tradisyon sa dakbayan.
Iyang gipaabot ang mainiton nga imbitasyon sa mga residente ug mga bisita, nga nag-awhag kanila sa pagsaksi sa mga suga sa Pasko samtang ang Siyudad nagsaulog sa malipayong kapaskuhan.
Ang kalihokan nagtimaan sa isa ka malipayon nga pagsugod sa kapaskuhan, nagpalambo sa isa ka pagbati sa panag-uban ug kalig-on sa mga residente sa Malaybalay City. (melbmadera)
