Sunday, December 22, 2024

Tag: Bukidnon Police Provincial Office

3 nakorner, 1 nakasibat sa drug buy-bust sa Quezon

Posted on by cmn

Tulo ka lalaki ang nasikop samtang isa ang nakasibat sa nahigayon nga drug buy bust operation sa hinusang pwersa sa kapolisan kaniadtong Abril 13, 2023 sa Purok-1C, Balangay 1C, Transville, Quezon, Bukidnon

Ang tulo nga nakorner naila nga si Ryan Arnejo Navale alyas “Opyo”, 23, ulitawo ug residente sa Bongbongon, Balangay 6, Quezon, Bukidnon; Joren Uban y Alcabo alyas “Janjan”, 26, ulitawo ug residente sa Sinuda, Kitaotao, Bukidnon; ug si Jose Glenn Catam-isan y Cases alyas “Glenn”, 41, minyo, ug ga puyo sa Balangay 1D, Población, Quezon, Bukidnon.

Samtang ang nakaikyas naila nga si Jonel Adolfo alyas “Pitoy”, hingkod, ug residente sa maong dapit.

Sumala sa report nga nahipos sa Bukidnon Police Provincial Office, ang naka ikyas nga si Adolfo mao usab ang Top 2 PNP/PDEA Regional Priority List.

Nasakmit gikan sa mga suspek ang 8.8gramo sa gidudahang shabu nga adunay estimated market value nga Php 59,840.00.

Kasong paglapas sa R.A. 9165 kon Comprehensive Dangerous Drugs Act of 2002 ang giandam batok sa mga suspetsado.

Ang hinusang pwersa sa kapolisan gilangkuban sa BUKPPO PDEU ug Quezon MPS. (MG Mayumi B. Madera)

Php1.5M nasakmit sa drug buy-bust sa Valencia

Posted on by cmn

Nasakmit sa hiniusang pwersa sa kapolisan ang Php1,496,000.00 nga kantidad sa gidudahang shabu sa drug buy bust operation nga gipahigayon sa Purok-16A, Poblacion, Valencia City, Bukidnon kaniadtong Abril 3, 2023

Ang duha ka suspek giila nga si Angel Kate Abila y Casinao, 25, dalaga, residente sa maong dapit, ug Top 5 of PNP/PDEA Regional Level – High Value Individual; ug si Xerxes Theo Esteban y Poblete, 24, ulitawo, ug residente sa , Purok-6A, Poblacion, Valencia City, Bukidnon.

Ang ikatulong suspek nga nakaikyas giila nga si Edelbert Godinez y Comedoy alyas “Dido”, “Berto”, “Kaito”, 26, residente sa maong dapit ug giila nga Top 2 of PNP/PDEA Regional Level.

Gibutyag sa report sa Bukidnon Police Provincial Office nga nasakmit gikan sa mga suspek ang unom ka pakete sa gidudahang shabu nga adunay gibana-banang gibug-aton nga 220gramo.

Ang mga arestado gidala sa Valencia City Policfe office ug kasong paglapas sa RA 9165 ang giandam na batok kanila. (MG Mayumi B. Madera)

Top 4, Top 9 Bukidnon MWPs nakorner

Posted on by Diego M. Hidalgo

Nakorner sa hiniusang pwersa sa kapolisan ang Top 4 ug Top 9 most wanted person sa Bukidnon sa managlahing lugar ug higayon

Ang Top 4 MWP giila nga si Aldren Wabe y Salibay, 18, ulitawo ug residente sa Purok-21, Lilingayon, Valencia, City, Bukidnon.

Samtang ang Top 9 MWP giila nga si Rollen Escuadro y Bongaitan, 27, ug ulitawo ug residente sa Purok 5, Brgy. Barobo, Valencia City, Bukidnon.

Gibutyag sa report nga nahipos sa Bukidnon Police Provincial Office nga si Wabe nasikop niadtong Abril 11, 2023 sa iyang panimalay samtang si Escuadro nasikop sa Purok-1, Lilingayon, Valencia City niadtong Abril 4, 2023.

Si Wabe gisikop subay sa warrant of arrest sa kasong rape ug si Escuardo gisikop sa kasong frustrated murder.

Ang mga suspek kasamtangang gidala sa Valencia CPS alang sa hustong disposasyon. (Diego M. Hidalgo)

Top 5, top 7 MWP sa Bukidnon gisikop

Posted on by Diego M. Hidalgo

Nasikop sa hiniusang pwersa sa kapolisan ang Top 5 ug Top 7 most wanted person sa Bukidnon kaniadtong Marso 31, 2023

Ang mga naaresto giila nga si Jonald Colanse y Bangalan, (Top 5 MWP), 43, adunay kapuyo, ug residente sa at P-5, Sitio Mahayag, St. Peter, Malaybalay City, Bukidnon.

Samtang ang isa naila nga si Rodem Gayonhay y Cahanggan, 42, minyo, mag-uuma, ug residente sa Purok 1, Sitio Ilignan, Brgy. Guihean, Impasugong, Bukidnon.

Base sa report nga nahipos sa Bukidnon Police Provincial Office, and duha nasikop sa ilang mga panimalay ug gisikop pinasubay sa warrant of arrest sa kasong statutory rape.

Si Colanse Temporaryong gidala sa Malaybalay CPS samtang si Gayonhay anaa ubos sa kustodiya sa Impasug-ong Municipal Police Station. (Diego M. Hidalgo)

Bukidnon no. 6 MWP gisikop sa Talakag

Posted on by Diego M. Hidalgo

Gisikop sa hiniusang pwersa sa kapolisan ang top 6 most wanted person sa Bukidnon niadtong Marso 24, 2023

Base sa nahipos nga kasayuran sa Bukidnon Police Provincial Office, ang suspek giila nga si Jonito Linaynon y Cubay alyas “Donet Linaynon”, 47, minyo, mag-uuma, ug residente sa Sitio Imbatog, Barangay Lapok, Talakag, Bukidnon.

Siya gisikop sa kapolisan subay sa warrant of arrest sa kasong Double Murder.

Ang arestado gidala sa Talakag Municipal Police Station alang sa hustong disposasyon. (Diego M. Hidalgo)

Turnover, Assumption of Office Ceremony para sa hepe sa kapulisan sa Malaybalay CPS gipahigayon

Posted on by cmn

Isa ka Turnover of Command ug Assumption of Office Ceremony alang sa buhatan sa Hepe sa Kapolisan sa Malaybalay ang gipahigayon niadtong Marso 14, 2023

Si Police Lt. Col. Ritchie A. Salva gihulipan ni Police Col. Julius Clark Prisco Macariola, IV isip Officer-In-Charge sa Malaybalay City Police Station.
Sumala sa kasayuran nga nakuha sa official facebook page ni City Mayor Jay Warren R.
Pabillaran, ang maong seremonya gipangulohan ni Police Col. Reynante Reyes, Provincial Director sa Bukidnon Police Provincial Office.
Ang kalihukan gitambungan ni Atty. Mitchell Talatala – Executive IV isip representante ni Malaybalay City Mayor Pabillaran. Nitambong sab si Konsehal Royland M Orquia, Chairman sa Peace and Order Council sa Sangguniang Panlungsod sa Malaybalay City ug uban pang mga
bisita. (MG Mayumi B. Madera)

3 lalaki nakuhaan og droga sa Valencia

Posted on by Diego M. Hidalgo

Adunay tulo ka lalaki ang nakuhaan og gidudahan nga droga pinaagi sa drug buy-bust operation nga gipahigayon sa hiniusang pwersa sa kapolisan managlahing lugar niadtong Pebrerp 28, 2023

Adunay tulo ka lalaki ang nakuhaan og gidudahan nga droga pinaagi sa drug buy-bust operation nga gipahigayon sa hiniusang pwersa sa kapolisan managlahing lugar niadtong Pebrerp 28, 2023.

Sa report nga nahipos sa Bukidnon Police Provincial Office, ang tulo giila nga sila Morgan Miranda y Iganacio alyas “Gon”, Noraldni Radyamoda y Mangoramka alyas “Kim”, ug Jhalil Ale y Pendaton alyas “Lee”.

Si Miranda, 49, ulitawo, construction worker ug residente sa Purok 2, Barangay Bagontaas, Valencia City Bukidnon. Siya nakuhaan og 5.3 gramo sa gidudahang shabu nga adunay estimated market value nga Php 36,040.00.

Si Radyamoda, 22, ulitawo, ug residente sa Barangay Central, Kalilangan, Bukidnon. Siya nasikop sa Purok 2, Barangay Lumbo, Valencia City, Bukidnon. Nakuha gikan sa iyang posesyon ang 6 gramo sa gidudahang shabu nga adunay market value nga Php40,800.00.

Samtang si Ale, 28, newly identified, minyo, mag-uuma, ug residente sa Purok 2b North Poblacion, Maramag, Bukidnon. Siya nakorner sa Purok 2b, Barangay Lumbo, Valencia City, Bukidnon. Nasakimit gikan kaniya ang 7 gramo sa gidudahang shabu nga adunay kantidad nga Php47,600.00.

Kasong paglapas sa Section 5 & 11, Article II of R.A. 9165 ang giandam batok sa mga suspek. (Diego M. Hidalgo)

Unang E-clip committee meeting karong 2023 sa Bukidnon, gipahigayon

Posted on by cmn

Gipahigayon pinaagi sa Department of the Interior and Local Government Unit (DILG)-Bukidnon, ang unang Enhanced Comprehensive Local Integration Program (E-CLIP) Committee Meeting, sa pagpangulo ni Provincial Governor Rogelio Neil P. Roque, kinsa mao ang Committee Chairman

Ang maong meeting gipahigayon niadtong Pebrero 15, 2023 sa Casa Blanca Bar and Restaurant, syudad sa Malaybalay, Bukidnon.

Kauban ni Gov. Roque nga nitambong sa maong tigum sila DILG-Bukidnon Provincial Director Rhona Pedraza-Abadilla, Provincial Legal Officer Atty. Gean Yvish R. Ladesma, Acting PSWD Officer Ellen T. Salumintao, ug mga representanti gikan sa buhatan sa Provincial IPMR, Bukidnon Police Provincial Office ug 403rd Infantry Brigade, 4ID, Philippine Army. (PR)

Php20K shabu nasakmit sa Kalilangan

Posted on by Diego M. Hidalgo

Nikabat sa Php20K nga kantidad sa gidudahang shabu ang nasakmit sa drug buy-bust operation sa hiniusang pwersa sa kapolisan kaniadtong Pebrero 15 sa Sitio Ticub, Pamotolon, Kalilangan, Bukidnon

Sa report nga nahipos sa Bukidnon Police Provincial Office, ang suspek giila nga si Sonora Basher y Mala alyas “Mira Dimalipos”, 41, divorced, ug residente sa Barangay Cabasaran, Pantar, Lanao del Norte.

Kasong paglapas sa RA 9165 ang giandam na batok sa suspek. (Diego M. Hidalgo)

2 wanted men nakorner

Posted on by Diego M. Hidalgo

Duha ka wanted nga lalaki ang nasikop sa hiniusang pwersa sa kapolisan sa managlahing lugar ug higayon

Base sa report nga nahipos sa Bukidnon Police Provincial Office (PPO), ang duha giila nga si Jeffrey Hamoner y Labadan alyas “Jojo” ug Rudy Arobe Saballa alyas “Egor”.

Si Hamoner, 28, ulitawo, mag-uuma, isa ka CTG member, ug residente sa P-5, Migcuya, Dangcagan, Bukidnon.

Siya nasikop kaniadtong Peb. 8, 2023 sa 72nd Infantry Battalion (IB), Philippine Army (PA), P-7, Poblacion, Dangcagan, Bukidnon.

Gisikop siya pinasubay sa warrant of arrest sa kasong multiple frustrated murder nga nakadukit sa kaso criminal numero 28850-16 pinetsahan Hulyo 20, 2017.

Sa laing bahin, si Saballa, 53, minyo, former CTG member, giila usab nga top 10 most wanted person sa Bukidnon, ug residente sa Brgy. Malamba, Marilog District, Davao City.

Siya nasikop kaniadtong Peb. 11, 2023 sa P-2A, Malagos, Baguio District, Davao City.

Gisikop siya pinasubay sa warrant of arrest sa duha ka ihap sa kasong frustrated murder nga nakadukit sa kaso criminal numero 34597-19 ug 34598-19 pinetsahan Hunyo 15, 2020.

Si Hamoner anaa ubos sa kustodiya sa 72nd IB, PA samtang si Saballa gidala sa 1003rd Brigade, 10th Infantry Division (ID), Philippine Army alang sa hustong disposasyon. (Diego M. Hidalgo)