Sunday, May 28, 2023

Malaybalay, Valencia Centenarian nakadawat og cash gift

Isa ka babayeng centenarian nga residente sa Barangay Sumpong, Malaybalay City ug isa ka lalaking centenarian gikan sa Purok 3b, Barangay Poblacion, Valencia City ang nakadawat sa ilang P100,000.00 nga cash gift gikan sa national government pinaagi sa Department of Social Welfare and Development 10

Ang Malaybalay centenarian nailang si Victoria Doliente Bulasa, kinsa gianak niadtong Disyembre 23, 1921. Samtang ang Valencia centenarian giilang si Carlos Cataloña Silva kinsa nagsaulog sa iyang ika 100 ka tuig niadtong Marso 29, 2023, isa ka World War II Veteran.

Si Silva nakadawat og dugang P50,000.00 gikan sa City Government sa Valencia.

Ang maong gasa natunol niadtong Marso 29, 2023 sumala sa pahibalo sa Malaybalay ug Valencia City Social Welfare Development Office.

Ang matag pinoy kinsa naka abot sa edad 100 ka tuig adunay katungod nga makadawat sa award ubos sa Republic Act 10868, nga nailhan usab nga “Centenarian Act of 2016.”

Ang balaod naghatag pasidungog sa tanang Pilipino nga moabot sa maong edad, nagpuyo man sa Pilipinas o sa gawas sa nasud, isip pag-ila sa ilang taas nga kinabuhi. (MG Mayumi B. Madera)

Pag-implementar sa livelihood program aprobado na sa SP

Giaprobahan na sa Sangguniang Panlungsod ang Resolution Nos. 2023-0283 mao ang Memorandum of Agreement tali sa City Government of Malaybalay ug Department of Social Welfare and Development (DSWD) Regional Field Office 10 mahitungod sa pag implementar sa livelihood program

Base sa pahibalo sa lokal nga panggamhanan, kaniadtong Marso 3, 2023, si Mayor Jay Warren R. Pabillaran nag endorso ngadto sa SP uban sa paghangyo nga siya pagatugutan sa pagsulod sa isa ka kasabutan mahitungod sa nasangpit nga programa.

Tumong ug tinguha sa programa nga matabangan og mapalambo ang panginabuhian sa katawhan labi na sa mga kabus dinhi sa dakbayan.

Gi-uyunan usab sa duha ka partido ang uban pang mga termino nga natala sa nasangpit nga kasabutan. (Diego M. Hidalgo)

DSWD prepositions food packs in N. Mindanao with El Niño threat

CAGAYAN DE ORO CITY – The Department of Social Welfare and Development in Northern Mindanao Region (DSWD-10) prepositioned Friday 34,518 family food packs (FFPs) amounting to PHP23.4 million amid the looming drought-induced El Niño season

In a statement last March 24, the DSWD-10 said the FFPs delivered to local government units (LGUs) in the region as reserved supply in case calamities will occur.

The agency said the FFPs form part of the disaster management protocols for LGUs to provide augmentation to communities and families in need.

The FFPs also serve as an addition to the 400 metric tons or 10,000 bags of milled rice donated by the South Korean government earlier this week.

The donated rice from Korea will be distributed to DSWD offices in the Zamboanga Peninsula, Davao, and Northern Mindanao.

In Northern Mindanao, DSWD-10 Undersecretary for Disaster Response Management Group Marco M. Bautista said the rice supply will be dispensed to the severely affected families by the shear line flooding last year.

“These are not only food donations but donations for life – as they will serve sustenance for families of the victims. Rest assured that this will be given and distributed to the affected families,” he said.

DSWD-10 will distribute the donated rice to 68 of the 112 affected families in Northern Mindanao whose homes were destroyed by the calamity. (Nef Luczon/PNA)

Supplementary feeding program sa kabataan edad 2 ngadto 5 anyos nga anaa sa child development centers, mapatuman na

Giaprubahan na sa Sangguniang Panlungsod ang SP Resolution No. 2023-0268 mao ang Memorandum of Understanding (MOU) tali sa City Government of Malaybalay ug sa Department of Social Welfare and Development (DSWD) mahitungod sa supplementary feeding program alang sa mga bata nga anaa sa child development centers.

Base sa pahibalo sa lokal nga panggamhanan, sulod sa maong tahas, pagatutukan ug hatagan og masustansyang pagkaon ang mga bata nga undernourished sa dili moubos sa 120 ka adlaw.

Nauyunan usab ang uban pang mga termino ug kundisyon nga natala sa nasangpit nga MOU. Tungod niini, mas mahatagan ug pagtagad ang mga bata nga anaa sa Child Development Center labi na kadtong mga bata nga kulang sa sustansiya. (Diego M. Hidalgo)

DSWD mipahigayon og community forum sa SLP sa Malaybalay

Ang Department of Social Welfare and Development (DSWD) inubanan sa Building Resources Across Communities (BRAC), Asian Development Bank (ADB), ug Australian Aid malampusong nipahigayon sa isa ka community forum kabahin sa Padayon Sustainable Livelihood Program (SLP) niadtong Enero 17, 2023

Ang lokal nga panggamhanan nisaysay nga tumong sa maong kalihokan nga mapaabot ngadto sa mga gitumbok nga 3rd level o graduating 4Ps beneficiaries ning dakbayan ang mga programa sa ubang ahensiya sama sa Department of Agriculture, City Veterinary Office (CVO), Philippine Crop Insurance Corporation (PCIC), Social Security System (SSS), ug PhilHealth, nga makatabang sa pagpalambo sa livelihood assistance nga ilang nadawatan ubos sa Padayon SLP.

Gihanyag usab sa mga lending institutions sama sa Center for Agriculture and Rural Development (CARD) Incorporated, ASA Philippines, ug Cebuana Lhuillier ang ilang mga serbisyo nga makasuporta sa pagpadagan sa nagkadaiyang panginabuhian sa mga benepisyaryo. (Diego M. Hidalgo)