Wednesday, November 20, 2024

Tag: Don Carlos Municipal Police Station

Batang babaye patay, 2 angol sa road mishap sa Don Carlos

Posted on by Omar Rashid Z. Abdullah

Patay ang isa ka batang babaye samtang angol ang duha ka mga drayber human sa road mishap nga nahitabo sa Purok Mauswagon, Barangay Pinamaloy, Don Carlos, Bukidnon hapon sa Marso 2, 2024

Si Police Major Cipriano V. Bazar, Jr., OIC sa Don Carlos Municipal Police Station, miingon sa iyang report nga ang bata nadusmogan sa 10-Wheeler Truck samtang anaa sulod sa ilang panimalay nga anaa sa daplin sa dalan.

 

Ang bata uban sa duha ka mga drayber ang gidala sa Don Carlos Doctor’s Hospital.

 

Apan ang bata gideklarar nga patay nasa wala pa mahiabot.

 

Ang drayber sa truck nakaangkog grabeng kadaot sa lawas ug gi-refer sa Bukidnon Provincial Hospital, Maramag, Bukidnon.

 

Samtang ang drayber sa Bao-bao nagpabilin nga naadmit sa Don Carlos Doctor’s Hospital.

 

Nasuta sa imbestigasyon nga ang 10-Wheeler Truck nagdagan gikan sa habagatang bahin.

 

Sa pag-abot sa dapit sa insidente, nag-overtake kini sa high speed sa tuo nga outer lane, nawad-an og control, nabangga sa solar post ug sa Bao-bao ug nadusmo sa isa ka balay diin tua ang batang babaye.

 

Ang duha ka mga sakyanan nakaangkon og kadaot, nagpabilin sa dapit ug nagpaabot sa isa ka tow truck. (Omar Rashid Z. Abdullah)

Babaye gipusil sa Don Carlos

Posted on by Omar Rashid Z. Abdullah

Isa ka babaye ang biktima sa pagpamusil sa Purok 6, Brgy. Embayao, Don Carlos, Bukidnon hapon sa Pebrero 21, 2024

Si Police Major Cipriano V. Bazar, OIC sa Don Carlos Municipal Police Station, miila sa babayeng biktima nga isa ka 47-anyos nga babaye.

 

Ang biktima naigo sa iyang wala nga bitiis, wala nga abaga ug wala nga likod.

 

Siya daling gidala sa Kibawe Provincial Hospital aron matambalan.

 

Sa inisyal nga imbestigasyon, nasayran nga ang biktima nagpahulay/natulog sulod sa iyang barong-barong dihang gipusil sa wa mailhing tawo gamit ang improvised shotgun.

 

Ang suspek nisibat human sa krimen padulong sa wala masayring direksyon.

 

Sumala pa sa biktima nga dihang naigo siya, nisinggit siya og tabang, nikamang paingon sa barangay mga 50-metros ang kalayoon diin isa ka concerned citizen ang nakakita ug mi-rescue kaniya ug nanawagan og police assistance sa PNP Patrol Base sa Brgy. Embayao.

 

Gibutyag pa sa biktima nga ang ilang yuta giangkon sa isa ka lider sa mga lumad nga grupo.

 

Sa pagkutlo ning balita, padayon pa ang imbestigasyon sa Don Cralos MPS alang sa kasolbaran sa maong kaso. (Omar Rashid Z. Abdullah)

Top 2 MWP sa Bukidnon nagtingkagol sa selda

Posted on by cmn

Nagtingkagol sa selda ang Top 2 most wanted person (MWP) sa Bukidnon human kini nakorner sa hiniusang pwersa sa kapolisan

Ang suspek giila nga si Jessie Laforteza y Leal, 48, minyo, construction worker ug residente sa Purok Pag-asa, Buhay Pait, Tantangan, South Cotabato.

Si Police Maj. Cipriano V. Bazar Jr., OIC sa Don Carlos Municipal Police Station nitaho nga si Laforteza nasikop sa P-2 Poblacion Sur, Don Carlos, Bukidnon niadtong Sept. 05, 2023 sa alas 3:30 sa hapon.

Gisikop ang suspek subay sa warrant of arrest sa kasong murder.

Ang arestado gidala ubos sa kustodiya sa Don Carlos MPS alang sa hustong disposasyon. (MG Mayumi B. Madera)

Laborer gidunggab sa kainom, patay

Posted on by cmn

Isa ka laborer ang gidunggab sa iyang kainom sa Purok-8, Brgy. Calaocalao, Don Carlos, Bukidnon niadtong Agosto 17, 2023

Ang biktima giila nga si Andy Enora y Lindongan, 52, balo, ug residente sa maong dapit.

Samtang ang suspek giila sab nga si Joselito Retazo y Loria, hingkod, ulitawo, ug residente sab sa maong dapit.

Gitaho nga nag-inom ang biktima ug ang suspek sa dihang nagkalalis kini hinungdan nga gidunggab sa suspek ang biktima sa makadaghang higayon gamit ang hunting knife.

Ang biktima naka angkon sa 11 ka samad dingunggaban ug siya dali-daling gidala sa Bukidnon Provincial Hospital, sa Maramag, Bukidnon apan gideklara nga dead on arrival.

Si Police Maj. Cipriano V. Bazar Jr., OIC sa Don Carlos Municipal Police Station nitaho nga ang suspek uban sa hinagiban nga gigamit gidala na sa kustodiya sa kapolisan alang sa hustong disposasyon. (MG Mayumi B. Madera)

Estudyante nakuhaan og droga sa Bukidnon

Posted on by cmn

Isa ka estudyante ang nakuhaan og droga sa gipahigayon nga drug buy-bust operation sa kapolisan sa Lower Pinamaloy, Brgy. Pinamaloy, Don Carlos, Bukidnon

Ang operasyon gipahigayon niadtong Agosto 17, 2023 sa alas 5:50 sa hapon.

Giila ang suspek nga si Johnlee Marianas y Langcasan (watch-listed), 22, ulitawo, ug residente sa Purok Matinabangon, Brgy. Pinamaloy, Don Carlos, Bukidnon.

Si Police Maj. Cipriano V. Bazar Jr., OIC sa Don Carlos Municipal Police Station nisulti sa iyang report nga nasakmit gikan sa suspek ang 1.3676 gramo sa gidudahang shabu nga mukabat sa Php 9,300.00.

Ang arestado gidala na sa Don Carlos MPS alang sa hustong disposasyon ug kasong paglapas sa RA 9165 ang giandam na batok kaniya. (MG Mayumi B. Madera)

Top 8 MWP sa Bukidnon, nasikop

Posted on by cmn

Nasikop sa hinusang pwersa sa kapolisan ang Top 8 Most Wanted Person (MWP) sa Bukidnon niadtong Agosto 17, 2023

Si Police Maj. Cipriano V. Bazar Jr., OIC sa Don Carlos Municipal Police Station nitaho nga ang suspek nasikop sa P-1, Barangay Calaocalao, Don Carlos, Bukidnon.

Ang suspek giila nga si Jerome Barnuevo y Pajaron, 18, ulitawo, ug residente sa maong dapit.

Si Barnuevo gisikop subay sa warrant of arrest sa kasong Parricide.

Ang suspek anaa na ubos sa kustodiya sa Don Carlos MPS alang sa hustong disposasyon. (MG Mayumi B. Madera)

Php1.2M nasakmit sa pagpangawat sa Don Carlos

Posted on by cmn

Mokabat sa Php 1,200,000.00 ang nasakmit sa nahigayon nga pagpangawat sa Don Carlos, Bukidnon niadtong Hulyo 10, 2023

Si Jaime Pilar y Labajan, 40, manager, ug residente sa Purok 5A, Brgy Sinangguyan, Don Carlos, Bukidnon ang ni-report sa kapolisan sa giingong pagpangawat sa CMSR Trading.

Sulti sa manager nga isa sa mga empleyado ang nakabantay nga adunay dakong bangag ang dingding sa mainoffice ug nitaho nga iyang nakita nga ang abri na ang vault sa opisina.

Sa pag review sa CCTV footage, nakita nga adunay duha ka wala mailhi nga lalaki ang nisulod og gibitbit palayo ang kwarta nga sulod sa vault.

Si Police Maj. Patrick D. Castro, OIC sa Don Carlos Municipal Police Station nisulti nga ang Don Carlos MPS nagpahigayon og follow-up nga imbestigasyon aron sa posibleng pag-ila sa mga suspek. (MG Mayumi B. Madera)

2 drug suspek tingkagol sa selda

Posted on by cmn

Duha ka mga tawo ang kasamtangan nga anaa sa selda sa kapolisan sa Don Carlos ug Malaybalay human nakorner sa nahigayon nga drug buy-bust operation sa managlahi nga higayon

Sumala sa report ni Police Lt. Col. Julius Clark Prisco Macariola, OIC sa Malaybalay City Police Station.

Nasikop si Rexon Rudas y Rabanal, isa ka newly identified drug

personality, 26, ulitawo, Job Order sa LGU Malaybalay, ug residente sa Purok 21, Barangay Casisang, Malaybalay City, Bukidnon.

Siya nasikop niadtong Hunyo 13, 2023.

Nasakmit gikan niya ang 4 gramo sa gidudahang shabu nga mokabat sa Php27,200.00.

Samtang ang isa giila nga si Erlinger Sasutil y Arabis, alyas “Minggoy”, watch listed, 31, adunay kapuyo, ug residente sa P-2, Brgy. Pualas, Don Carlos, Bukidnon.

Base sa report ni Police Major Patrick D. Castro, OIC sa Don Carlos Municipal Police Station, ang suspetsado nasikop niadtong Hunyo 11, 2023 sa lugar sa iyang pinuy-anan.

Ingon ni Major Castro, mikabat sa 15.3675 gramo sa gidudahang shabu ang nasakmit gikan kaniya ug kini mibalor sa Php104,500.00.

Ang mga suspek anaa na ubos sa kustodiya sa kapolisan ug kasong paglapas sa R.A. 9165 ang giandam na batok kanila. (MG Mayumi B. Madera)

Php74k kantidad sa droga nasakmit sa Don Carlos

Posted on by cmn

Mukabat sa Php74,800.00 ang kantidad sa gidudahang droga ang nasakmit sa kapolisan sa gipahigayong drug buy-bust operation sa P-10, Poblacion Sur, Don Carlos, Bukidnon niadtong Mayo 25, 2023

Ang Don Carlos Municipal Police Station nitaho nga ang droga nasakmit gikan sa duha ka watch-listed nga indibidwal.

Ang mga suspek giila nga si Meshail Abenion y Anislag alyas “Misael Abinion”, 30, minyo, mag-uuma; ug si Clark Angelou Abenion y Anislag, 21, ulitawo, ug estudyante ug parehong residente sa maong dapit.

Nasakmit gikan sa mga suspek ang duha ka pakete sa gidudahang shabu nga adunay gibana-bana nga gibug-aton nga 11 gramos.

Ang mga suspek gidala na hingtungdan sa kapolisan ug kasong paglapas sa R.A. 9165 ang giandam na batok kanila. (MG Mayumi B. Madera)

Php41k kantidad sa shabu, nasakmit sa Don Carlos

Posted on by Omar Rashid Z. Abdullah

Mukabat sa Php41,300.00. nga kantidad sa gidudahang shabu ang nasakmit sa mga kapolisan sa gipahigayon nga drug buy-bust operation niadtong Abril 28, 2023 sa P-6a, Poblacion Sur, Don Carlos, Bukidnon

Ang suspek naila nga si Marjun Ayunar Y Igcalinos alyas “Papo Ayunar”, watch listed, 31, adunay kapuyo, painter, ug residente sa maong dapit.

Si Police Maj. Patrick D. Castro, OIC sa Don Carlos Municipal Police Station, nisulti sa iyang report nga nasakmit gikan sa suspek ang 3 pakete sa gidudahang shabu.

Ang droga gibana-bana nga mutimbang og 6.0735 gramos.

Ang suspek gidala sa Don Carlos MPS alang sa hustong disposasyon.

Kasong paglapas sa R.A.9165 ang giandam na batok sa suspek. (Omar Rashid Z. Abdullah)