Ang Region-10 Top 3 most wanted person nakorner sa hiniusang pwersa sa kapolisan didto sa P-2, Barangay East Kibawe, Kibawe, Bukidnon kaniadtong Pebrero 15, 2023
Gibutyag sa report ni Police Maj. Marvin T. Enciso, OIC sa Kibawe Municipal Police Station nga ang suspek giila nga si Dante Morales y Ebag.
Siya gisikop sa kapolisan subay sa warrant of arrest sa mga kasong Illegal Possession Of Firearms And Ammunition ug kasong paglapas sa PD 1829 (Obstruction of Justice).
Si Ebag kasamtangang gidala didto sa Kibawe MPS alang sa hustong disposasyon. (Omar Rashid Z. Abdullah)