Adunay mga high-powered nga mga armas ang narecover sa mga kapolisan sa Barangay Lapok, Talakag, Bukidnon niadtong Hulyo 2, 2023
Si Police Lt. Col. Carlito R. Chua Jr., OIC sa 1st Buk PMFC, nisulti nga isa ka former rebel informant ang nitudlo sa lokasyon sa mga armas.
Ang maong mga armas nakita sa mga kapolisan sa isa ka drum nga nakalubong sa yuta.
Sulod sa maong drum ang isa ka cal. 50 improvised sniper rifle; tulo ka 5.56mm M16 rifles; upat ka 5.56mm upper receiver M16 rifles; tulo ka 7.62mm M14 rifles; tulo ka 7.62 CZ rifles; ug duha ka cal. 45 pistols. (MG Mayumi B. Madera)
