Thursday, April 03, 2025

Tag: Municipal Police Station

Lalaki gipusil patay sa Libona

Posted on by cmn

Isa ka lalaki ang patay human kini gipusil sa Sitio Putian, Sil-ipon, Libona, Bukidnon kaniadtong Agosto 06, 2023

Ang biktima giila nga si Robert Pucol y Saguilan, 33, minyo, mag-uuma, ug residente sa Purok 1A, Sil-ipon, Libona, Bukidnon.

Base sa report ni Police Cpt. Manolito E. Budo, OIC sa Libona Municipal Police Station, ang biktima gipusil sa wala mailhi nga lalaki.

Sumala ni Benjie Pucol, ang manghud sa biktima, saw ala pa ang insidente, ang pag-umangkon nila nga si Markinto Cogo nagka-away uban sa laing grupo sa gawas sa covered court kung aha gipahigayon ang disco. Ang manghud ug ang biktima mi-awat sa komosyon.

Ang manghud naka dungog og pagbuto sa pusil ug nakita ang natumba nga biktima nga adunay pinusilan sa likod niini.

Gidala ang biktima sa Provincial Hospital Annex sa San Miguel, Manolo Fortich, Bukidnon apan gideklara kini nga dead on arrival.

Ang kapolisan nagpahigayon og imbestigasyon alang sa posibleng pag-ila sa suspek. (MG Mayumi B. Madera)

Tawo gidunggab sa igsuon sa Malitbog

Posted on by cmn

Isa ka tawo ang gidunggab sa iyang igsuon sa Sitio Cagascas, Barangay Kalingking, Malitbog, Bukidnon

Sa taho ni Police Lt. Danilo R. Sabordino Jr., OIC sa Malitbog Municipal Police Station nga ang insidente nahigayon niadtong Agosto 06, 2023 sa alas 9:25 sa buntag.

Ang suspek giila nga si Aljun Rabe Lugcon (magulang sa biktima), 25, ulitawo, laborer, ug residente sa maong dapit.

Samtang ang biktima giila nga si Mark Anthony Rabe Lugcon (manghud), 21, ulitawo, ug laborer.

Sumala sa report, ang hubog nga suspek nagkabikil sa iyang igsuon. Ang manghud nila nga si Ariel Lucgon nisulti nga ang duha aduna nay kabikil daan sa mga niaging adlaw.

Gidunggab sa magulang ang iyang manghud gamit ang isa ka guna nga hinungdan nga naka-angkon kini og samad dinunggaban sa baba.

Ang suspek dali-daling milayas human sa insidente.

Gidala ang biktima sa Bukidnon Provincial Hospital-Annex, Malitbog, Bukidnon aron sa pagpanambal.

Ang kapolisan nag andam na sa mga dokumento alang sa pagpasaka og kaso batok sa supek. (MG Mayumi B. Madera)

Patayng lawas, nakaplagan sa Maramag

Posted on by cmn

Nakaplagan ang patay nga lawas sa isa ka lalaki sa -10B, San Miguel, Maramag, Bukidnon niadtong Hulyo 23, 2023 sa buntag

Si Police Maj. Erwin R. Naelga, OIC sa Maramag Municipal Police Station nitaho sa iyang report nga ang biktima naila nga si Jhon Mark Sagang y Calda.

Si Sagang, 21, ulitawo, ug residente sa Paglaum Village, San Miguel, Maramag Bukidnon.

Ang iyang patay nga lawas napalgan nga walay sanina pang-taas ug adunay pipila ka mga samad sa lain-laing parte sa iyang lawas.

Ang biktima gidala sa Bukidnon Provincial Hospital sa Maramag apan gideklara kini nga dead on arrival tungod sa Traumatic Brain Injury o Head Injury.

Ang Maramag MPS kasamtangang nagpahigayon og follow-up nga imbestigasyon aron sa pag-ila sa suspek. (MG Mayumi B. Madera)

Top 7 MWP sa Bukidnon, sikop

Posted on by cmn

Nasikop sa kapolisan ang Top 7 Most Wanted Person (MWP) sa Bukidnon niadtong Hulyo 14, 2023 sa Zone 10, Brgy. Agusan, Manolo Fortich, Bukidnon

Ang nasikop giila nga si Bryan Cesar y Ludiana, 27, ulitawo, factory worker, ug residente sa PCH 1, Brgy. Damilag, Manolo Fortich, Bukidnon.

Gisikop siya subay sa warrant of arrest sa kasong rape.

Si Police Maj. Harvey A. Sanchez, OIC sa Manolo Fortich Municipal Police Station nitaho nga ang suspek gidala na sa kustodiya sa kapolisan alang sa hustong disposasyon. (MG Mayumi B. Madera)

3 ka Top MWP sa Bukidnon, nasikop

Posted on by cmn

Nasikop sa hinisuang pwersan sa kapolisan ang 3 ka Top Most Wanted Person (MWP) sa Probinsya sa Bukidnon sa managlahing higayon

Ang nakorner sa kapolisan mao ang Top 4, Top 9, ug Top 10 MWP.

Ang Top 4 MWP giila nga si Jorge Monteverde y Benitez, 29, ulitawo, adunay kapuyo, ug residente sa P-9, Brgy. San Nicolas, Don Carlos, Bukidnon.

Nakorner siya sa kapolisan niadtong Julyo 9, 2023 sa P-4, Sitio Dagohoy, Barangay Poblacion, Dangcagan, Bukidnon.

Si Police Cpt. Ernie P. Cabrera, OIC sa Dangcagan Municipal Police Station nitaho saiyang report nga ang suspek gisikop subay sa warrant of arrest sa kasong Statutory Rape.

Samtang, ang Top 9 MWP giila nga si Jeson Jumao-As Y Balotic, 30, minyo, ug residente sa Purok 2 South Poblacion, Maramag, Bukidnon.

Gisikop siya sa kapolisan sa Maramag MPS subay sa warrant of arrest sa kasong Carnapping.

Si Police Maj. Erwin R. Naelga nitaho nga ang suspek gisikop niadtong Hulyo 7, 2023.

Sa laing bahin, nasikop usab ang Top 10 MWP nga si Roland Omboy y Ursal, 39, balo, driver, ug residente sa Sitio New Ilocos, Dalwangan, Malaybalay City, Bukidnon.

Giskop ang suspek niadtong Hulyo 9, 2023 sa Zone-3, Busco, Butong, Quezon, Bukidnon.

Si Police Maj. Jayvee G. Babaan, OIC sa Quezon MPS nitaho nga ang suspek gisikop subay sa warrant of arrest sa kasong Acts Lasciviousness in relation to RA 7610.

Ang maong mga suspek anaa na ubos sa kustodiya sa kapolisan alang sa hustong disposasyon. (MG Mayumi B. Madera)

Isa ka wala mailhi nga lalaki, napalgang patay sa Maramag

Posted on by cmn

Isa ka wala mailhi nga lalaki ang napalgang patay sa mga kapolisan sa Purok-5, North Poblacion, Maramag, Bukidnon

Si Police Maj. Erwin R. Naelga, oic sa Maramag Municipal Police Station nitaho nga ang patayng lawas nakit-an niadtong Hunyo 29, 2023, sa alas 10:00 sa buntag.

Ang biktima, naka sul-ob og itom nga sweatshirt ug asul nga shorts.

Siya gidala sa Bukidnon Provincial Hospital, Maramag, Bukidnon.

Gitaho nga ang biktima naka-angkon og mga samad dinunggaban sa iyang lawas nga miresulta sa iyang dayong kamatayon.

Aduna usab nakita nga mga crutches sa tapad sa biktima nga nagpunting nga ang biktima isa ka Person With Disabilities (PWD).

Isa ka imbestigasyon ang padayong gipahigayon sa mga kapolisan sa Maramag MPS alang sa pag-ila sa biktima ug pagpunting sa motibo sa insidente. (MG Mayumi B. Madera)

Region–10 Top 8 MWP, gisikop

Posted on by cmn

Gisikop sa kapolisan ang Top 8 most wanted person (MWP) sa Region-10

Ang suspek giila nga si Jonel Adolfo Y Gerebise alyas “Pitoy”, 24, ulitawo, construction laborer, ug residente sa Transville Homes Subdivision-Balangay 1C Poblacion, Quezon, Bukidnon.

Gisikop siya sa mga kapolisan niadtong Hulyo, 28, 2023 sa kasong paglapas sa Comprehensive Dangerous Drugs Act of 2002 (RA 9165).

Si Police Maj. Jayvee G. Babaan, OIC sa Quezon Municipal Police Station, nitaho nga ang suspek temporaryong gidala sa ilang estasyon alang sa hustong disposasyon. (MG Mayumi B. Madera)

Inahan, gidunggab sa iyang anak sa Malitbog

Posted on by Diego M. Hidalgo

Isa ka inahan sa Sitio Mabuhay, San Luis, Malitbog, Bukidnon ang gidunggab sa iyang kaugalingong anak niadtong Hunyo 23, 2023

Ang biktima giila nga si Yolanda Laurente Lahimay, 43, balo.
Samtang ang suspek giila nga si Jemboy, Laurente Lahimay, 25, ulitawo.
Sumala sa taho nga nahipos sa Malitbog Municipal Police Station, gikompronta sa biktima ang iyang anak, kinsa anaa ubos sa sa impluwensya sa ilimnong makahubog.
Apan, matud pa, nga ang suspek nasuko.
Human niini, nikuha og sanggot ang suspek ug gitigbas ang biktima nga naigo sa iyang apapangig ug duha ka kamot.
Swerteng nakadagan ang biktima ug nakapangayo og tabang sa ilang silingan ug dali nga nadala sa Rural Health Unit, Poblacion, Malitbog Bukidnon alang sa pagtambal.
Ang kapolisan sa Malitbog nipahigayon og hot pursuit operation ug malampuson nga nasikop ang suspek kinsa anaa na karon sa kustodiya sa kapolisan sa munisipyo. (Diego M. Hidalgo)

4 MWPs sa Bukidnon, nasikop

Posted on by cmn

Upat ka most wanted person (MWP) sa Bukidnon ang nakorner sa mga kapolisan sa managlahing higayon

Sumala sa report nga nahipos sa Bukidnon Police Provincial Office, ang mga nasikop mao ang Top 1, Top 2, Top 4, ug Top 8 MWPs.

Ang Top 1 giila nga si Jeremy Sayana y Binatao, 38, adunay kapuyo, mag-uuma, ug residente sa Lirongan, Talakag, Bukidnon.

Si Police Cpt. Edgar M. Apog, OIC sa Pangantucan Municipal Police Station nitaho nga ang suspetsado nasikop niadtong Hunyo 11, 2023 sa Sitio Bagong Silang, Pigtauranan, Pangantucan, Bukidnon.

Gisikop siya subay sa warrant of arrest sa kasong murder.

Siya kasamtangang gidala sa Pangantucan MPS.

Samtang ang Top 2, giila nga si Abloy Man-ompong y Diyaw, hingkod, mag-uuma, ug residente sa Purok 8, Magsaysay, Quezon, Bukidnon.

Ang OIC sa Quezon MPS nga si Police Maj. Noel F. Cano nitaho nga ang suspek nasikop sa isa ka checkpoint sa Purok 1, Merangeran, Quezon, Bukidnon niadtong Hunyo 10, 2023.

Gisikop siya sa kasong paglapas sa New Anti-Carnapping Act of 2016 (RA 10883).

Siya anaa karon sa kustodiya sa Quezon MPS.

Ang Top 4 giila nga si Roben Salon y Lebor, 44, ulitawo, ug residente sa Purok 4, Barangay Bolisong, Kinoguitan, Misamis Oriental.

Sa nahipos nga report sa Bukidnon PPO, gisikop si Salon niadtong Hunyo 10, 2023 subay sa warrant of arrest sa tulo ka ihap sa kasong qualified rape.

Siya gidala sa BukPPO alang sa hustong disposasyon.

Sa laing bahin, ang Top 8 giila nga si Nheljay Bert Haro y Dehan, 20, ulitawo, ug residente sa Purok 2B Dangawan, Maramag, Bukidnon.

Si Police Maj. Erwin R. Naelga, OIC sa Maramag MPS nitaho nga si Haron nasikop niadtong Hunyo 8, 2023 sa Purok 1, North Poblacion, Maramag, Bukidnon.

Gisikop siya subay sa warrant of arrest sa kasong rape ug child abuse.

Siya kasamtangang anaa sa kustodiya sa Maramag MPS alang sa hustong disposasyon. (MG Mayumi B. Madera)

Top 9 Bukidnon MWP nakorner

Posted on by cmn

Nakorner sa hiniusang pwersa sa kapolisan ang top 9 most wanted person sa Bukidnon

Ang suspek giila nga si Dexter Taboniag y Valdecantos, 22, ulitawo, mag-uuma ug residente sa Sitio Misulong, Matupe, San Fernando, Bukidnon.

Si Police Maj. Jose Regner Sevilleno, OIC sa San Fernando Municipal Police Station nitaho sa iyang report nga ang suspek nasikop niadtong Mayo 25, 2023 sa maong lugar nga gipuy-an niini.

Gisikop si Taboniag subay sa warrant of arrest sa duha ka ihap kasong rape.

Siya temporaryong gidala sa San Fernando MPS alang sa hustong disposasyon. (MG Mayumi B. Madera)