Friday, April 04, 2025

Tag: Municipal Police Station

Php34k droga, nasakmit sa drug buy-bust sa Cabanglasan

Posted on by cmn

Duha ka lalaki ang nakuhaan sa gituohan nga illegal nga droga nga adunay gibana-banang mukabat sa Php34,000.00 ang presyo

Ang mga suspek giila nga sila Rodolfo Panaguiton JR. y Areja, 35, minyo, motor mechanic ug residente sa Purok 5, Poblacion, Kibawe, Bukidnon; ug si Nilcris Matanog y Arpon, 39, minyo, habal-habal driver ug residente sa Purok 8, Poblacion, Kibawe, Bukidnon.
Si Police Lt. Anwar Pendatun, OIC sa Cabanglasan Municipal Police Station nitaho nga ang mga suspek nasikop niadtong Mayo 9, 2023, sa alas 8:47 sa gabie.
Ang nakuhang droga sa mga suspek gibana-bana nga mutimbang og 5gramos.
Ang mga suspek u gang mga nasakmit nga mga ebidensya gidala na sa Cabanglasan MPS alang sa hustong disposasyon. (MG Mayumi B. Madera)

4 patay sa aksidente sa Quezon

Posted on by cmn

Upat ang patay sa nahitabong panagbanggaay sa National Highway, P-10, Puntian, Quezon, Bukidnon niadtong Mayo 1, 2023 sa alas 9:20 sa gabie

Ang mga biktima giila nga si Jossie Ondoy y Alo (driver), 26, dalaga; ug ang iyang backriders nga sila Florida Macolata, hingkod; Vecinte Alo (DOA), hingkod; ug si Junriel Mendoza, 18, ulitawo, ug tanan mga residente sa P-1, Cebole, Quezon, Bukidnon.

Si Police Maj. Noel F. Cano, OIC sa Quezon Municipal Police Station nisaysay sa iyang report nga isa ka motor ug isa ka Hino Truck Bus ang nalambigit sa insidente.

Gisulti niya nga ang upat ka biktima, tanan sakay sa motorsiklo.

Ang Bus gi-drayban ni Christopher Sellar y Labador, 41, minyo, ug residente sa Balangay-6, Poblacion, Quezon Bukidnon.

Human sa insidente, ang mga biktima dali-daling gidala sa Health Center Infirmary, Quezon, Bukidnon apad gideklara silang tanan nga dead on arrival (DOA).

Ang bus driver uban ang mga sakyanan gidala ubos sa kustodiya sa Quezon MPS alang sa hustong disposasyon. (MG Mayumi B. Madera)

Top 1 Region-10, Top 10 Bukidnon MWP, nakorner

Posted on by Diego M. Hidalgo

Nasikop sa mga kapolisan ang CIDG Top 1 (Region 10) ug Top 10 (Bukidnon) most wanted persons sa managlahing lugar ug higayon

Ang Top 1 Region-10 MWP giila nga si Junel Ricarte y Lumista, 35, minyo, driver, ug residente sa P-6, Brgy. Bangcud, Malaybalay City, Bukidnon.

Siya nasikop sa hiniusang pwersa sa kapolisan kaniadtong Mayo 2, 2023.

Siya gisikop pinasubay sa warrant of arrest sa kasong Frustrated Murder ug kasamtangang gidala sa Malaybalay City Police Station alang sa hustong disposasyon.

Samtang ang Top 10 MWP sa Bukidnon giila nga si Michael Juban y Emboy, 18, ulitawo, ug residente sa P-5, Zigzag, Maluko, Manolo Fortich, Bukidnon.

Siya nasikop sa hiniusang pwersa sa kapolisan niadtong Abril 28, 2023.

Siya gisikop pinasubay sa warrant of arrest sa kasong Rape.

Si Juban anaa ubos sa kustodiya sa Manolo Fortich Municipal Police Station alang sa hustong disposasyon.

Kini nga kasayuran nakuha gikan sa report nga nahipos sa Bukidnon Police Provincial Office. (Diego M. Hidalgo)

2 ka Watch listed nakuhaag droga sa Don Carlos

Posted on by Omar Rashid Z. Abdullah

Duha ka watch listed ang nakuhaag droga sa kapolisan sa gipahhigayon nga drug buy-bust operation sa P-2, Brgy. Sinangguyan, Don Carlos, Bukidnon, kaniadtong Abril 7, 2023

Ang mga nasikop giila nga si Amer Obligado y Balangitao, 27, minyo, mag-uuma ug si Angel Obligado y Sumalinog, 22, minyo ug parehong residente sa P-6, Brgy Kili-kili, Wao, Lanao Del Sur.

Nasakmit gikan sa mga arestado ang tulo ka pakete sa gidudahang shabu nga adunay gibug-aton nga 15.147gramo ug gibana-bana nga nagkantidad og Php103,000.00.

Gisulti ni Police Major Patrick D. Castro, OIC sa Don Carlos Municipal Police Station nga ang mga nasikop gidala sa buhatan alang sa hustong disposasyon.

Kasong paglapas sa RA 9165 ang giandam batok sa mga suspek. (Omar Rashid Z. Abdullah)

Kapin Php77k nga shabu nasakmit sa Manolo Fortich

Posted on by Diego M. Hidalgo

Mikabat sa Php77,616.00 nga kantidad sa gidudahang shabu ang nasakmit sa drug buy bust operation nga gipahigayon sa Purok 9, Brgy. Damilag, Manolo Fortich, Bukidnon kaniadtong Abril 7, 2023

Giila sa kapolisan ang nasikop nga si Marlon Salvaleon y Soliano, 42, new identified, minyo, ug residente sa maong dapit. Nasakmit gikan sa suspek ang onse ka pakete sa gidudahang shabu nga adunay gibug-aton nga 11.12 gramos. Ang arestado kasamtangang gidala sa Manolo Fortich Municipal Police Station.

Kasong paglapas sa RA 9165 ang giandam na batok sa suspek. (Diego M. Hidalgo)

P68k kantidad sa shabu nasakmit sa Kalilangan

Posted on by cmn

Nasakmit sa kapolisan ang P68,000.00 kantidad sa shabu sa gipahigayon nga drug buy-bust operation sa P-6, West Poblacion, Kalilangan, Bukidnon, kaniadtong Marso 31, 2023

Ang mga suspek naila nga si Jalil Wali y Ali, 31, minyo, ug residente sa Panang, Wao, Lanao del Sur, DI Watchlist personality ug si Rose Marry Perez y Bustamante, 37, minyo, lady guard ug residente sa Paitan, Quezon, Bukidnon, Newly Identified drug personality.

Sa report ni Police Maj. Merlin M. Macawili, OIC sa Kalilangan Municipal Police Station, iyang gibutyag nga mukabat sa 10 gramo sa gidudahang shabu ang nakuha gikan sa mga suspek.

Ang mga arestado ug mga nasakmit nga ebidensya gidala sa Kalilangan MPS alang sa hustong disposasyon. (MG Mayumi B. Madera)

Bukidnon no. 6 MWP gisikop sa Talakag

Posted on by Diego M. Hidalgo

Gisikop sa hiniusang pwersa sa kapolisan ang top 6 most wanted person sa Bukidnon niadtong Marso 24, 2023

Base sa nahipos nga kasayuran sa Bukidnon Police Provincial Office, ang suspek giila nga si Jonito Linaynon y Cubay alyas “Donet Linaynon”, 47, minyo, mag-uuma, ug residente sa Sitio Imbatog, Barangay Lapok, Talakag, Bukidnon.

Siya gisikop sa kapolisan subay sa warrant of arrest sa kasong Double Murder.

Ang arestado gidala sa Talakag Municipal Police Station alang sa hustong disposasyon. (Diego M. Hidalgo)

Managsuon gipangdunggab sa Kibawe

Posted on by Diego M. Hidalgo

Duha ka managsuon gidunggab sa ilang balay sa Purok-1 Old Kibawe, Kibawe, Bukidnon niadtong Marso 26, 2023

Ang mga biktima giila nga sila Ali Rosell y Catalbas, 45, minyo, driver, ug residente sa Rosario, Agusan del Sur, ug si Isidro Rosell y Catalbas, 49, minyo, taxi driver, ug residente sa Tablon, Cagayan De Oro City.

Si Police Maj. Marvin T. Enciso, OIC sa Kibawe Municipal Police Station nisulti sa iyang report nga ang mga biktima gidunggab sa 12inches nga hunting knife sa suspek.

Ang suspek giila nga si Dominador Lozarita y Madcaw, 46, minyo, ug residente sa Libertad, Old Kibawe, Kibawe, Bukidnon.

Gitaho nga ang suspek gigukod sa mga barangay tanod tungod sa pagdala niini og hunting knife. Ubos sa impluwensiya sa ilimnong makahubog, ang suspek niabot sa pinuy-anan sa mga biktima nga adunay panagtapok sa pamilya ug dayong nanaksak.

Ang mga biktima dayon gidala sa Bukidnon Provincial Hospital-Kibawe ug karon anaa na sa maayong kahimtang. (Diego M. Hidalgo)

4 patay sa road mishap sa Quezon

Posted on by cmn

Upat ang patay ug isa ang naangol sa nahitabong aksidente sa Barangay Road of Purok 3, Barangay Linabo, Quezon, Bukidnon niadtong Marso 16, 2023 sa ala 1:30 sa hapon

Ang drayber giila nga si Ronald Rene Legado Pantua (DOA), hingkud, minyo, job order sa LGU Quezon ubos sa Engineering Department, and a resident of Barangay Paitan, Quezon, Bukidnon.

Samtang ang iyang mga kauban giila nga sila Ricardo Apao Saison (DOA), 56, minyo, JO sa Surveying Services, ug residente sa Purok 3, Mibantang, Quezon, Bukidnon; Alfredo Cabonillas Villamero (DOA), 42, minyo, JO Heavy Equipment Operator, ug residente sa Barangay 9, Poblacion, Quezon, Bukidnon; Ronald Catane Ratunil (naangol), 43, minyo, JO Heavy Equipment Operator, ug residente sa Purok Pag-asa, Salawagan, Quezon, Bukidnon; ug si Eduardo Tuyor Sereno, Jr (DOA), hingkud, minyo, Barangay Kagawad, ug residente sa Purok 1, Linabo, Quezon, Bukidnon.

Sa taho ni Police Maj. Noel F. Cano, OIC sa Quezon Municipal Police Station, ang boom truck nga ilang gisakyan nagbyahe gikan sa Sitio Bagong Lipunan, Linabo, Quezon, Bukidnon ug padulong sa LGU Quezon, Bukidnon sa dihang ang drayber nawad-an og control sa iyang gimanehoan ug napadulong sa may pangpang.

Tungod niini, si Pantua, Saison, Villamero ug Sereno gihayag nga dead on arrival (DOA) samtang si Ratunil gidala sa Bukidnon Provincial Hospital Maramag alang sa medikasyon. (MG Mayumi B. Madera)

3 nakorner sa drug buy-bust sa Manolo Fortich

Posted on by cmn

Nakorner sa kapolisan ang tulo ka lalaki sa gipahigayon nga drug buy-bustr operation sa Purok 16A-Menzi Village, Brgy. Damilag, Manolo Fortich, Bukidnon niadtong Marso 18, 2023

Ang tulo naila nga sila John Abella y Pechay aka “Loloy” (Watch Listed), 34, ulitawo, ug residente sa Purok 2, Brgy. Laturan, Libona, Bukidnon; Ar-Dell Torillo y Adanza (newly identified), 25, ulitawo ug residente sa Taguiban, Brgy. Damilag, Manolo Fortich, Bukidnon; ug Jomar Sumbal y Acop (newly identified), 27, ulitawo, driver, ug residente sa Purok 16A-Menzi Village, Brgy. Damilag, Manolo Fortich, Bukidnon.

Gisulti ni Police Maj. Harvey A. Sanchez, OIC sa Manolo Fortich Municipal Police Station, sa iyang report nga 11.64 gramos sa gidudahang shabu ang nakuha gikan sa mga suspek ug kini gibanabana nga mokantidad og Php79,152.00.

Kasong paglapas sa RA 9165 ang giandam na batok sa mga suspek. (MG Mayumi B. Madera)