Monday, November 18, 2024

Tag: Person With Disabilities

Mga negosyante nga nag-empleyo og senior citizen, PWD sa Malaybalay makadawat og insentibo

Posted on by cmn

Ang mga negosyante nga nag-empleyo og mga senior citizen ug Person with Disabilities (PWD) sa dakbayan sa Malaybalay ang pagahatagan og insentibo

Nahitabo kini human gi-aprobahan ni City Mayor Jay Warren Pabillaran niadtong Nobyembre 21 ang isa ka ordinansa.

Sumala sa kasayoran, una nang nakalusot sa Sangguniang Panlungsod ang Ordinance No. 1029 serye sa 2023 atol sa ilang regular session niadtong Nobyembre 7.

Kini mao ang ordinansa nga maghatag og insentibo alang sa mga negosyante nga nag-empleyo og senior citizen ug PWD.

Tumong sa ordinansa nga madasig ang mga pribadong kompanya ug mga negosyante nga mag empleyo og mga senior citizen ug PWD kung sila kwalipikado, andam ug makahimo pa sa pagtrabaho, ug paghatag kanila sa training aron mapalambo ang ilang mga abilidad sa pagpanarbaho. (melbmadera)

Isa ka wala mailhi nga lalaki, napalgang patay sa Maramag

Posted on by cmn

Isa ka wala mailhi nga lalaki ang napalgang patay sa mga kapolisan sa Purok-5, North Poblacion, Maramag, Bukidnon

Si Police Maj. Erwin R. Naelga, oic sa Maramag Municipal Police Station nitaho nga ang patayng lawas nakit-an niadtong Hunyo 29, 2023, sa alas 10:00 sa buntag.

Ang biktima, naka sul-ob og itom nga sweatshirt ug asul nga shorts.

Siya gidala sa Bukidnon Provincial Hospital, Maramag, Bukidnon.

Gitaho nga ang biktima naka-angkon og mga samad dinunggaban sa iyang lawas nga miresulta sa iyang dayong kamatayon.

Aduna usab nakita nga mga crutches sa tapad sa biktima nga nagpunting nga ang biktima isa ka Person With Disabilities (PWD).

Isa ka imbestigasyon ang padayong gipahigayon sa mga kapolisan sa Maramag MPS alang sa pag-ila sa biktima ug pagpunting sa motibo sa insidente. (MG Mayumi B. Madera)