Saturday, April 13, 2024

0-17 anyos nga PWDs gipailalom sa mobile screening

Gipailalom sa Mobile Screening ang mga Persons with Disabilities (PWDs), nga naa sa edad nga 0-17 anyos ug adunay kapansanan nga buot mupahimulos sa libreng operasyon ubos sa Tebow Cure Children’s Hospital (CCH)

Ang maong aktibidad gitimbayayongan sa Provincial Government of Bukidnon (PGB) niadtong Agosto 24, 2023, Kaamulan Open Theater, ning dakbayan.

Matod sa PGB, gihimo ang interview ug counselling para sa libreng serbisyo medical sama sa bungi, adunay gisi sa ngala-ngala, mga tiil nga baliko ug hiwi, mga batiis nga bakang ug kimpi, mga depormidad sa kamot og tiiil, mga bali nga bukog, mga nagatihin nga tiil (tight tendon), ug danlak.

Ang operasyon ipahigayon sa itakda nga petsa didto sa Davao City, kung aha ang transportasyon abagahon sa lokal nga kagamhanan diin sila naggikan. (Diego M. Hidalgo)

Sportsmanship sa 45th NDPR Week, gipakita sa PWDs

Gipakita sa mga Person’s with Disability (PWDs) ang sportsmanship sa nagkalain laing kalihukan atol sa gipahigayon nga 45th National Disability Prevention and Rehabilitation (NDPR) week celebration, nga gipasayon sa Provincial Governor’s Office- Person’s with Disability Affairs and Division (PGO-PDAD), Hulyo 20-21, 2023, Barangay 9 covered court, syudad sa Malaybalay Bukidnon

Kini alang sa mga kalihukan, sama sa 1st Bukidnon PWD Annual Paragames, Zumba Dance Contest, ug Miss Inclusion 2023, diin gihimu ang tukmang koordinasyon, kalig-on, paglahutay, og paglakip sa mga PWDs sa katungod ngadto sa malungtarong kaugmaon, ingon man sa pasalig sa patas nga dula, tukmang pamatasan ug integridad ug maayong kabubut-on ngadto sa usag-usa.

Ang 1st Bukidnon PWD Annual Paragames gilangkuban sa mga musonod flag raising, shot put, javelin throw, chess, table tennis, wheelchair race, setting volleyball, ug basketball wheelchair nga sa official result giila nga over-all champion ang lungsod sa Maramag, first ang lungsod sa Pangantucan, second ang syudad sa Valencia ug third ang syudad sa Malaybalay.

Alang sa zumba dance contest naangkon sa lungsod sa Impasug-ong ang first prize, second prize ang lungsod sa Don Carlos, third prize ang syudad sa Valencia, ug consolation prize usab ang nakuha lungsod sa Cabanglasan.

Gi-koronahan isip Miss Inclusion 2023 si Miss Shanelle S. Bahala nga nag gikan sa lungsod sa Pangantucan, first runner-up si Miss Mary Ruth Zhaira Dalaguan sa syudad sa Valencia, second runner-up si Miss Maria Diala L. Tinoy sa lungsod sa Talakag, third runner-up si Miss Edy Rose Payag sa lungsod sa Quezon ug fourth runner-up si Miss Hannah O. Candole sa lungsod sa San Fernando.

Gipartisiparan sa 2 ka syudad og 20 ka munisipyo ang gipahigayon nga 45th NDPR week nga nagtangag sa tema nga “Persons with Disabilities Accessibility and Rights; Towards a Sustainable Future where No One is Left Behind.” (LGU Bukidnon)

796 ka mga pasyente naatiman sa medical and surgical mission sa Maramag

Niabot sa kinatibuk-ang 796 ka mga pasyente ang nahatagan og pagtagad ug kasulbaran sa ilang tagsa-tagsa ka mga balatian, atol sa gihimong duha ka adlaw nga medical and surgical mission nga gipangunahan sa Senate Spouses Foundation, Inc., ubos sa ilang presidente Audrey Tan Zubiri, Marso 15-16, 2023, sa Bukidnon Provincial Hospital–Maramag, Purok 2, Poblacion, Maramag, Bukidnon

Sulod sa duha ka adlaw, adunay 60 ka mga pasyente sa surgical, 356 sa medical, 163 sa pediatric, 52 sa OB, og 165 ka mga senior citizens og PWDs nga mga pasyente ang kinatibuk-ang natambalan.

“𝐷𝑖𝑙𝑖 𝑙𝑎𝑛𝑔 𝑘𝑎𝑦 𝑝𝑎𝑔𝑎𝑡𝑎𝑚𝑏𝑎𝑙𝑎𝑛 𝑎𝑛𝑔 𝑚𝑔𝑎 𝑠𝑎𝑘𝑖𝑡 𝑖𝑠𝑖𝑝 𝑛𝑔𝑎 ℎ𝑎𝑚𝑢𝑏𝑜 𝑛𝑔𝑎 𝑠𝑜𝑙𝑢𝑠𝑦𝑜𝑛, 𝑎𝑝𝑎𝑛 𝑝𝑤𝑒𝑑𝑒 𝑘𝑖𝑡𝑎𝑛𝑔 𝑚𝑎𝑘𝑎ℎ𝑖𝑚𝑜 𝑠𝑎 𝑠𝑢𝑟𝑔𝑖𝑐𝑎𝑙 𝑛𝑔𝑎 𝑝𝑎𝑚𝑎𝑎𝑔𝑖 𝑛𝑔𝑎 𝑖𝑙𝑎𝑛𝑔 𝑔𝑖𝑘𝑖𝑛𝑎ℎ𝑎𝑛𝑔𝑙𝑎𝑛 𝑎𝑟𝑜𝑛 𝑚𝑎ℎ𝑎𝑡𝑎𝑔𝑎𝑛 𝑠𝑎 𝑖𝑘𝑠𝑎𝑘𝑡𝑜 𝑛𝑔𝑎 𝑘𝑎𝑠𝑢𝑙𝑏𝑎𝑟𝑎𝑛 𝑠𝑎 𝑘𝑜𝑛𝑑𝑖𝑠𝑦𝑜𝑛 𝑠𝑎 𝑖𝑙𝑎𝑛𝑔 𝑏𝑎𝑙𝑎𝑡𝑖𝑎𝑛”, matud pa ni Zubiri.

Ang mga surgical volunteers nihimo sa major and minor operations sama sa pagtanggal sa cyst, thyroidectomy, mastectomy, hysterectomy, tonsillectomy, incision and drainage, og ang hemorrhoidectomy.

Ang tanang serbisyo gikan sa screening ngadto na sa operasyon libre og walay bayad lakip na ang medikasyon og bitamina nga gihatag sa mga pasyente.

Ang maong proyekto gitimbayayongan sa World Surgical Foundation Philippines, Provincial Government of Bukidnon pinaage sa Bukidnon Provincial Hospital-Maramag, kauban ang mga volunteers gikan sa Bukidnon Medical Society, Philippine National Police, og ang Armed Forces of the Philippines. (PR)