Friday, April 26, 2024

Tag: Rogelio Neil P. Roque

Valencia hosts Biennial Conference 2023

Posted on by cmn

In what marks a momentous occasion for the City of Golden Harvest, Valencia City proudly hosted the prestigious Biennial Conference 2023, organized by the Association of Fundamental Baptist Churches in the Philippines (AFBCP). This highly esteemed 4-day event has drawn delegates from various regions nationwide, making it a significant gathering of religious leaders and faithful attendees

Valencia City Mayor Azucena P. Huervas expressed her profound honor and gratitude as the city was chosen as a venue for this year’s AFBCP Biennial Conference. During the opening salvo, Mayor Huervas warmly welcomed all the delegates. They emphasized the importance of religious gatherings in fostering strong relationships within the community and strengthening one’s faith in God.

Notably, Governor Rogelio Neil P. Roque of the Province of Bukidnon also greeted all participants and congratulated the AFBCP for successfully organizing this significant gathering.

The Biennial Conference 2023 commenced on July 24, 2023, and continued until July 27, 2023.

This remarkable event holds special significance for Valencia City, as it marks the return of the conference after 56 years since Valencia Town first hosted it in 1967.

Moreover, hosting the Biennial Conference 2023 is a significant milestone in Valencia City’s pursuit of becoming the Meetings, Incentives, Conferences, and Exhibits (MICE) Capital of Bukidnon. This occasion presents a remarkable opportunity to enhance the city’s tourism sector and promote economic activity. (LGU Valencia)

Mass surrender sa NPA supporters, nahitabo sa San Fernando

Posted on by cmn

Nahitabo ang mass surrender sa NPA supporter ngadto sa Local Government Unit sa San Fernando, Bukidnon, niadtong Hulyo 10, 2023 sa Municipal Covered Court sa maong lungsod

42 ka mga igsoon (27 ka Milisya ng Bayan nga adunay bitbit nga 7 ka armas ug 15 ka mga Masa) sa Sitio Sabolwan, Barangay Magkalungay ang kinasingkasing nga mibalik sa sabakan ug misuporta sa mga initiatibo sa

gobyerno, ingon man ang 35 ka mga igsoon nga nahimong Masa sa Barangay Sacramento Valley, tanan sakop sa maong lungsod.

“Mga kaigsuonan, duol kamo sa gobyerno. Ayaw kamo kahadluk kay kaning gobyerno inyoha ni, mao bitaw nga naa mi diri kay ga-serbisyo sa katawhan para mangitag pamaagi unsaon paglambo ang atong mga katawhan”, tipik sa mensahe ni Provincial Governor Rogelio Neil P. Roque, kinsa mapasalamaton sa mga misurender sa ilang pagsalig sa gobyerno.

“Nagpasalamat ko nga misurender namo, nga wala namo sa pikas kay kana nakahatag ug dugang kalisud kaninyo, ang inyong mga bata dili maka-eskwela”, gipadangat nga mensahe ni Municipal Mayor Rogelio S. Yeke, kinsa nanguna sa pagpa-panumpa sa pagsalikway sa mga misurender sa ilang daan nga kinabuhi isip NPA.

Nahitabo usab ang Peace Covenant wall signing sa tanang mitambong sa maong kalihukan, dungan sa pag surrender sa 7 ka armas nga mao ang musunod; 1 ka Garand Rifle with SN. 8445566, 1 ka Garand rifle with

detached serial number ug 5 ka homemade Shotguns (12 gauge).

Nagtapos kini pinaagi sa press conference nga gitambungan nila Provincial Governor Rogelio Neil P. Roque, 1002nd Brigade Commander BGen Patricio Ruben P Amata, Commanding Officer sa 48IB LTC Gilbert F Gomez INF (GSC) PA, Company Commander 1003 RMFB PCAPT Rustariel B Murillo, Municipal Mayor Rogelio S. Yeke, Municipal Vice Mayor Levi C. Edma, San Fernando Chief of Police PMAJ Jose Regner M Sevilleno, ug President of Socio Economic Uplift Literacy Antropological Development Services (SULADS) Pastor Ephraim Pitogo, ug ang mga partners gikan sa prensa. (LGU Bukidnon)

Pinaka-unang mga PGO-PSWDO Extension Offices, gitukod sa Bukidnon

Posted on by Diego M. Hidalgo

Gitutukan sa Provincial Government of Bukidnon (PGB) ang pagpaduol sa mga labing gikinahanglang serbisyo ngadto sa katawhan, pinaagi sa katukuran sa pinaka-una nga mga PGO-PSWDO Extension Offices sa probinsya

Sa pahibalo sa PGB, ang maong mga opisina nahimutang sa Bukidnon Provincial Hospital (BPH) Maramag ug Dacayana Building (2nd Floor), Sayre Highway, Valencia City, Bukidnon.

Giablihan ang maong mga opisina niadtong Mayo 18, 2023.

Ang maong programa napatuman pinaagi sa inisyatiba ni Provincial Governor Rogelio Neil P. Roque, uban sa suporta sa Sangguniang Panlalawigan. (Diego M. Hidalgo)

Kapin 4k ka mga estudyante, nakabenepisyo sa TABUK Educational Assistance sa Bukidnon

Posted on by cmn

Kinatibuk-ang 4,630 ka mga college students ang nakabenepisyo sa Tabang Bukidnon (TABUK) Educational Assistance Program gikan sa Pangagamhanang Probinsyal sa Bukidnon

Ang Provincial Government of Bukidnon nipahibalo nga ang educational assistance gipang-apod-apod niadtong Mayo 11-17, 2023.

Gibutyag ni Provicial Governor Rogelio Neil P. Roque nga ang pagtabang sa mga estudyante ang isa sa iyang nahimong prioridad ug ang katumanan niini makahatag og dakong tabang ngadto sa mga estudyante.

Gipakisayod ni acting Provincial Social Welfare and Development (PSWD) Officer Ellen T. Salumintao nga mikabat sa Php14,125.00.00 ang pundo nga nahatag sa probinsya.

Ang matag estudyante nga benepisyaro nakadawat sa Php2,000.00 ngadto sa Php3,000.00.

Kakulangon sa PGSO, PGO-PICTD gilauman nga masolusyonan sa PGB

Posted on by cmn

“The Sangguniang Panlalawigan—we are one with you to make to province of Bukidnon more efficient and more effective.”, tipik sa mensahe ni acting Provincial Governor Clive D. Quiño, atol sa gipahigayon nga Monthly Convocation nga gipaluyohan sa Bids and Awards Committee (BAC), Provincial General Service Office (PGSO) ug PGO- Provincial Information and Communications and Technology Division (PICTD), Mayo 8, 2023 sa Kaamulan Open Theater, Malaybalay City, Bukidnon

Gipahayag ni acting Governor Quiño nga andam sila sa paghatag ug suporta, ilabi na ang gipaabot nga kakulangon sa warehouse nga pundohan sa mga supplies sa dili pa e-apod-apod sa mga hingtungdan opisina ug ang gisugyot sa PGO- Provincial Information and Communications and Technology Division (PICTD) nga pagpalambo sa ICT equipment.

Gipasabot ni Atty. Nestor E. Cajes, Jr., kinsa mao ang Provincial General Service Officer ug Bids and Awards Committee (BAC) Chairman, ngadto sa mga opisina, ang kinatibuk-ang procurement process alang sa goods and services. Samtang, gilantaw sa ilang buhatan nga tutukan karong tuiga ang iplementasyon sa One Time Cleansing ubos sa COA Circular 2020-006 ug Executive Order No. 73 ni Provincial Governor Rogelio Neil P. Roque, diin adunay team nga magbisita sa matag opisina aron magpahigayon ug physical inventory, sa ingon malimpyo ang inventory records sa probinsya, ilabi na kadtong karaan na nga mga files.

Gibutyag usab ni Mr. Joel S. Victoria, ITO II sa PGO-PICTD nga ang ilang buhatan nagsiguro nga ang Pangagamhanang Probinsyal epiktibong naggamit sa mga teknolohiya kalabot sa pagpalambo, pag-implementa ug pagmintinar sa software application ug databases nga gikinahanglan sa matag opisina. Lakip niini ang paghatag ug technical support sa operasyon sa Enhanced Tax Revenue Assessment and Collection System (ETRACS) sa nagkadaiyang lokalidad sa probinsya, ug ang SUBAY nga ginagamit sa Pangangamhanang Probinsyal alang sa pagmonitor sa dagan sa mga dokumento ug archival system niini, sa ingon masiguro nga matipigan ug maprotektahan ang mga importanteng impormasyon. (LGU Bukidnon)

Produktong lokal sa mga mag-uuma, gipasigarbo sa 2023 Agri Fair Contest

Posted on by cmn

Gipasigarbo ang nagkadaiyang produktong local sa mga mag-uuma ug kooperatiba sa mga lungsod ug syudad sa Bukidnon, pinaagi sa Agri Fair Contest sa Kaamulan 2023, niadtong Abril 20, 2023, sa Capitol Compound, Malaybalay City, Bukidnon

Nahimung mananaug ang booth sa Impasug-ong isip 1st placer, Lantapan 2nd placer ug Manolo Fortich 3rd placer. Mipartisipar usab ang lungsod sa Kitaotao, Sumilao, Maramag, Quezon, Libona, Pangantucan, Talakag, Cabanglasan, Malitbog, Dangcagan, Don Carlos, Kadingilan ug syudad sa Malaybalay. Adunay tulo ka hugna sa paghukom niadtong Marso 25, Abril 12 ug Abril 19, 2023 nga gihukman nila Butch Anthony Melendez, Rogelou P. Cagatin, Lalaine A. Narreto, Engr. Alson G. Quimba ug Archt. Naïve P. Capinpuyan.

Dungan usab ang kategoriya sa “PINAKA DAKO” nga klase-klaseng produkto ug nahimung mananaug ang musunod: Ube–Malaybalay City, Gabi-Cabanglasan, Camote-Libona, Upo-Cabanglasan, Ginger-Impasug-ong, Cassava-Kitaotao, Carrot-Impasug-ong, Squash-Impasug-ong, Corn in Cob-Impasug-ong, Ampalaya-Lantapan, Eggplant-Malaybalay, Banana (Latundan)-Kitaotao, Banana (Saba)-Malaybalay, Jackfruit-Kadingilan, Papaya Ripe-Kadingilan, Durian-Don Carlos, Avocado-Kadingilan, Guava-Dangcagan ug Libona, Tilapia-Pangantucan ug Hito-Pangantucan. Gihukman niadtong Abril 19, 2023 inubanan sa pagsuroy ni Provincial Governor Rogelio Neil P. Roque sa maong mga booth.

Ang maong kalihukan nagmalampuson pinaagi sa Provincial Agriculture Office sa makigtimbayayong sa City ug Municipalities Agriculture Office, ug gisuportahan sa kinatibuk-ang Provincial Government of Bukidnon. (LGU Bukidnon)

1st Gov. Rogelio Neil P. Roque Cup gipahigayon sa Bukidnon

Posted on by Omar Rashid Z. Abdullah

Malampusong napahigayon sa Probinsya sa Bukidnon ang 1st Shooting Competition Governor Rogelio Neil P. Roque Cup, nga gipasiugdahan sa kagamhanang probinsyal ug Jaguar Alpha Ten Gun Club INC. (JAGCI), Abril 15-16, 2023, sa Poblacion, Pangantucan, Bukidnon

Sa pagpahigayon sa pagpadula nitambong si Governor Roque, Vice Governor Clive D. Quiño ug Board Member Armando S. Evangelista nga maoy committee chair sa maong dula. Kini base sa kasayuran nga nakuha gikan sa Provincial Government sa Bukidnon.

Ang mga partisipante misalmot sa pipila ka category.

Ang IPSC Division Open category sa maong competition gilangkuban sa, Standard, Production, Classic, Production Optics, PCC Top 3, ug Mini Rifle Top 2.

Samtang ang IPSC Categories Senior Category gilangkuban sa Classic, Open, Production, ug Standard.

Sa Super Senior Category, adunay Open ug Standard.

Sa Junior Category, adunay Classic, Production, ug Standard.

Ang Lady Category, gilangkuban usab sa Classic, Open, Production, ug Standard.

Sa Special Categories, adunay Executive PCC.

Aduna usab Lawman Classic, Lawman Production, Lawman Standard, RO Classic, RO Production, RO Standard, ug Classic .45 (8 rounder). (Omar Rashid Z. Abdullah)

 

Turnover ceremony sa bag-ong Agricultural Training Center, gipahigayon

Posted on by cmn

Gipahigayon ang turnover ceremony sa bag-ong Agricultural training center sa San Victores St. lungsod sa Malaybalay, adlaw nga Martes, Abril 18, 2023

Gipangunahan ang ribbon cutting ni Governor Rogelio Neil P. Roque inubanan nila ATI Regional Director Maria Lydia A. Echavez, Acting Provincial Agriculturist Jaqueline Julia A. Lagamon, POC Bukidnon Chief Dr. Janet D. Lopez, SP Board member committee chair on agriculture Benito U. Baguio, diin mihatag sa iyang mensahe mahitungod sa direksyon ug mga plano sa pangagamhanang probinsyal sa Bukidnon nga tutukan ug hatagan ug dakong pagtagad ang agrikultura tungod kay ang Bukidnon usa ka “agriculture province” ug usa ka “agriculture country” ang Pilipinas.

Gipasigarbo usab ni Gov. Roque ang umaabot nga dakong proyekto sa pangagamhanang probinsyal nga 132 hectares sa lugar sa Kibenton, Impasug-ong nga tukoran sa pasilidad sa agrikultura.

Ang maong proyekto natukod pinaage sa pundong nadawat sa probinsya isip premyo gikan sa Department of Agriculture, 2018 Rice Achievers Award. (LGU Malaybalay)

Pagprotekta, pagpreserba ug pagpanalipod sa katungod sa ICCs/IPs gihisgutan sa Kaamulan

Posted on by cmn

Gihisgutan ang pagprotekta, pagpreserba ug pagpanalipod sa interes og katungod sa Indigenous Cultural Communities (ICCs)/Indigenous Peoples (IP) sulod sa probinsya sa Bukidnon, pinaagi sa kalihukan sa Kaamulan nga Pag-amol-amol daw Pagdaowa hu mga Tumindok (Kaamulan) niadtong Abril 4, 2023, sa Kaamulan Open Theater, Malaybalay City, Bukidnon

Uban sa tema nga “Bunsuda daw Bigula hu Kagdapeta” (Kaamulan Indigenous Peoples Assembly), gisiguro sa maong panagtigum nga mapasabot sa mga hingtungdan ahensya sa gobyerno ngadto sa lumadnong komunidad ang ilang mga katungod ug obligasyon ilabi na sa pagpreserba sa ilang kultura sanglit ang Bukidnon puy-anan sa pito ka tribu nga mao ang Higaonon, Bukidnon, Umayamnon, Manobo, Matigsalug, Tigwahanon ug Talaandig.

Sa maong tigum sa pitu ka tribu, gipalawom ang hisgutanan sa Indigenous People’s Rights Act (IPRA) ug ang implikasyon niini sa kinabuhi sa IP, polisiya ug disposiyon sa pagdumala sa mga ancestral domain, ingon man ang pahisgot sa gipasalig nga programa ug serbisyo alang sa ICCs/IPs aron mahimo silang lig-on, aktibo, ug manginlabot gayud sa mga butang may kalabutan sa ilang komunidad o katilingban.

Mitambong niini sila si NCIP Commissioner Northern and Western Mindanao Atty. Pinky Grace Pareja, NCIP Regional Director Atty. Leslie Mae F. Plaza, kauban ang Provincial/City/Municipal ug Barangay IPMRs nga gipangulohan ni Provincial IPMR Arbie Saway Llesis, ancestral domain (AD) representative ug IPs, ug PGO-IAD nga gipangulohan ni Stephanie Melendez, kinsa nagrepresenta usab kang Provincial Governor Rogelio Neil P. Roque. (LGU Bukidnon)

𝐇𝐈𝐍𝐀𝐍𝐀𝐋𝐈 𝐍𝐆𝐀 𝐈𝐌𝐏𝐋𝐄𝐌𝐄𝐍𝐓𝐀𝐒𝐘𝐎𝐍 𝐒𝐀 𝐔𝐇𝐂, 𝐓𝐈𝐍𝐆𝐔𝐇𝐀 𝐒𝐀 𝐏𝐆𝐁

Posted on by cmn

“Together, our overall goal is to make the application of the Universal Health Care Law as immediate as possible, given our limited resources”, tipik sa mensahe ni Provincial Governor Rogelio Neil P. Roque, sa gipahigayon nga Monthly Convocation Program, Abril 3, 2023, sa Kaamulan Open Theater, Malaybalay City, Bukidnon.

Gibutyag ni Governor Roque nga pinaagi sa UHC, ang tanang katawhan makabenepisyo sa patas, dekalidad ug barato nga serbisyo alang sa maayong panglawas, taliwala sa pinansyal nga kawad-on. Gisiguro usab niini nga pinaagi sa mga Bukidnon Provincial Hospitals (BPHs), mas mapalambo ang serbisyo alang sa katawhan, aron makabaton sila sa himsog nga panglawas ug mapanalipdan gikan sa mga balatian.

Dako usab ang paglaum ni Governor Roque nga pinaagi sa Provincial Economic Enterprises Development and Management Office (PEEDMO) ug Local Economic Development and Investment Promotion Office (LEDIPO), ang lalawigan adunay dakong potensyal nga mamahimong usa ka investment destination ug makahimo sa pagkig-alayon sa mga pribadong negosyo.

Gipahayag ni Atty. Roger L. Ligdo, OIC PEEDMO/OIC PIASO, nga taliwala sa nasinati nga health crisis tungod sa COVID-19 nga nakaapekto sa sektor sa ekonomiya ug maayong panglawas, nagpabilin ang lalawigan nga malig-on ug nagpadayon sa operasyon niini.

Gipakisayod usab sa Provincial Health Office (PHO), pinaagi sa ilang 2022 Accomplishment Report nga ang probinsya sa Bukidnon nagpabilin isip Malaria ug Filariasis Free sulod sa sobra lima na ka tuig.

Sa maong higayon, pormal usab nga gitunol sa Hedcor Group, usa ka subsidiary sa AboitizPower, ang kapin sa 2-milyones ka pesos nga community share ngadto sa PGB, gikan sa 2nd half generation sa tuig 2022 sa Manolo Fortich 1 & 2 hydro power plants. Gipanghinaot nga pinaagi sa maong tabang pinansyal, mahatagan ug kalambuan ang komunidad ilabi na ang mga Indigenous People (IP) community.

Ang Monthly Convocation sa bulan sa Abril gipasiugdahan sa mga mosunod nga sponsoring offices: PEEDMO, PHO, LEDIPO ug ang walo ka mga Bukidnon Provincial Hospitals sa probinsya. (LGU Bukidnon)