Friday, November 15, 2024

Tag: SSS

Bukidnon mu-host sa Bagong Pilipinas Serbisyo Fair

Posted on by Diego M. Hidalgo

Ang Bukidnon gikatakdang mu-host sa Bagong Pilipinas Serbisyo Fair (BPSF) sa petsa 11-12 ning bulan sa Nobyembre

Kini base sa kasayuran gikan sa PIA website nga napatik niadtong Oktubre 31, 2023.

Ang opisina ni Bukidnon 2nd District Congressman Atty. Jonathan Keith T. Flores nagpahigayon og coordinating meeting niadtong Oktubre 11 isip pagpangandam sa pag-host sa aktibidad.

Gitaho nga tumong sa BPSF nga maserbisyohan sa gobyerno ang katawhan sa 83 ka mga probinsya sa tibuok nasud.

Kini nga mga serbisyo naglakip sa Kadiwa ng Pangulo, Passport on wheels, ug Driver’s license registration o assistance.

Magtanyag usab og mga serbisyo ang nagkalain-laing ahensya sa gobyerno, sama sa Department of Health, Department of Social Welfare and Development, Philhealth, PagIBIG, Social Security System, ug uban pa.

Matod pa, ang mga serbisyo nga ihatag sa gobyerno walay bayad.

Gi-awhag ni Atty. Flores ang katawhan sa probinsya nga pahimuslan ang duha ka adlaw nga programa. (Diego M. Hidalgo)

SSS nanawagan sa mga non-compliant employers sa Bukidnon

Posted on by Diego M. Hidalgo

Nanawagan ang Social Security System (SSS) sa mga delingkwenteng employers atol sa Run After Contribution Evaders (RACE) campaign niadtong Abril 26, 2023

Ang SSS-10 mipahibalo nga tumong niini nga mahusay ang ilang legal nga obligasyon ug segurohon ang social security protection sa 210 ka mga empleyado nga naapektuhan sa ilang mga kalapasan.

Kini nga kampanya subay sa direktiba ni SSS President ug Chief Executive Officer Rolando Ledesma-Macasait, ug sa koordinasyon sa Local Government Unit sa Malaybalay City.

Atol sa aktuwal nga pagbisita, 10 ka mga establisemento ang nakadawat og sinulat nga pahibalo tungod sa dili pag-remit sa mga kontribusyon sa SSS nga adunay kinatibuk-ang kantidad nga Php1.92M, lakip ang mga silot. (Diego M. Hidalgo)

DSWD mipahigayon og community forum sa SLP sa Malaybalay

Posted on by Diego M. Hidalgo

Ang Department of Social Welfare and Development (DSWD) inubanan sa Building Resources Across Communities (BRAC), Asian Development Bank (ADB), ug Australian Aid malampusong nipahigayon sa isa ka community forum kabahin sa Padayon Sustainable Livelihood Program (SLP) niadtong Enero 17, 2023

Ang lokal nga panggamhanan nisaysay nga tumong sa maong kalihokan nga mapaabot ngadto sa mga gitumbok nga 3rd level o graduating 4Ps beneficiaries ning dakbayan ang mga programa sa ubang ahensiya sama sa Department of Agriculture, City Veterinary Office (CVO), Philippine Crop Insurance Corporation (PCIC), Social Security System (SSS), ug PhilHealth, nga makatabang sa pagpalambo sa livelihood assistance nga ilang nadawatan ubos sa Padayon SLP.

Gihanyag usab sa mga lending institutions sama sa Center for Agriculture and Rural Development (CARD) Incorporated, ASA Philippines, ug Cebuana Lhuillier ang ilang mga serbisyo nga makasuporta sa pagpadagan sa nagkadaiyang panginabuhian sa mga benepisyaryo. (Diego M. Hidalgo)