Saturday, March 22, 2025

Tag: VCPS

P2M shabu nasakmit sa Valencia City

Posted on by Diego M. Hidalgo

Nibalor og Php 2,041,360.00 ang gidudahang shabu nga nasakmit sa hiniusang puwersa sa kapolisan atol sa usa ka buy-bust operation sa Purok 1, Barangay Lumbo, Valencia City niadtong hapon sa Marso 1, 2025

Nasikop usab ang lalaking suspek nga si Alyas “Jason,” nga gikonsiderang high-value individual, 25-anyos, ug residente sa Purok 2B, Barangay San Miguel, Maramag, Bukidnon.


Sumala sa report sa kapolisan, ang suspek nakorner sa mga miyembro sa Valencia City Police Station (VCPS), Regional Police Drug Enforcement Unit (RPDEU) 10, ug Bukidnon Police Intelligence Unit (PIU).


Sa pagkutlo ning balita, gihikay na sa Valencia CPS ang mga kaso batok sa suspek kalabot sa kalapasan sa R.A. 9165 o Comprehensive Dangerous Drugs Act of 2002.


(Diego M. Hidalgo)

Reward gitanyag sa makatudlo sa lain pang responsable sa paglugos-patay sa 5-anyos nga batang babaye sa Valencia

Posted on by Melchor Madera

Ang Bukidnon Police Provincial Office (BPPO) nagtanyag og P50,000.00 nga reward sa makatudlo sa lain pang person-of-interest sa paglugos-patay sa 5-anyos nga batang babaye sa Valencia City

Ang kasayoran gipaskil sa Facebook page sa Valencia City Police Station (VCPS).


Ang patay’ng lawas sa biktima nakaplagan sa katubhan likod sa Robinson Place Valencia nga nahimutang sa Purok 17, Barangay Bagontaas, Valencia City, Bukidnon niadtong Enero 11, 2025.


Isa ka 30-anyos nga person-of-interest sa kaso, si Marlon Pantonial, taga Barangay Banlag, Valencia City, ang nasikop sa kapolisan.


Gikatahong nangilog kini og armas sa pulis sa Valencia ug nagpusil sa liog sulod sa VCPS.


Ang suspek dali nga gidala sa Polymedic Hospital apan gideklara kining dead on arrival sa doktor nga niatiman kaniya.


Taliwala niini, ang pamunoan sa kapolisan nagtuo nga dili nag-inusara ang namatay nga suspek sa krimen, hinungdan gitanyag ang cash reward.


Kung kinsa man ang adunay kasayuran o impormasyon, mamahimong magtext o mutawag sa VCPS sa ilang Hotline #s: 09171180210 / 09177189191. (melbmadera)

Pagpangawat natala sa Valencia

Posted on by cmn

Ang Happy Feet Shoes and Apparel nga nahimutang sa atubangan sa Valencia City Gym,
Sa Aguilar St., Purok 16, Poblacion, Valencia City ang gikatahong giransak sa wala mailing suspek

Sumala sa report ni Police Lt. Col. Mitchel Clemencio, OIC sa Valencia City Police Station (VCPS), ang insidente nahitabo niadtong Disyembre 12, 2023.

Giingon nga nalimas sa suspek ang Php400,000.00 cash lakip ang transparent cellophane bag nga sulod ang mga sinsilyo nga mobalor sa PhP4,000.00 nga gibutang sa cashier’s table.

Sa inisyal nga imbestigasyon nagpakita nga ang suspek nakasaka sa ilang konkretong firewall nga koral nga nahimutang sa luyo nga bahin sa ilang establisemento ug giguba ang ilang plywood wall.

Human sa insidente, temporaryo lang kining gitabunan sa isa ka piraso sa hardy flex board.

Dugang pa, ang pag-abli sa maong bungbong nagpadulong sa ilawom sa kitchen sink cabinet sa ilang tindahan, ug sa dihang nakasulod na, ang suspek nakahigayon sa pagkawat sa mga halin nga gibutang sa ilang cashier’s cabinet.

Sa pagtan-aw sa CCTV footage sa nasangpit nga establisemento, nasayran nga isa ka lalaki nga suspek ang nakit-an nga misulod sa nasangpit nga edipisyo ug gikuha ang maong cash ug sinsilyo.

Human sa hitabo, nakaikyas ang suspek gamit ang samang lungag ilawom sa lababo nga iyang gihimo, diin siya nisulod kaniadto.

Dugang pa, ang Valencia CPS nagpahigayon og hot pursuit operation alang sa pagkasikop sa suspek alang sa posibleng pagpasaka og kaso. (melbmadera)