Nasikop sa hiniusang operasyon sa kapolisan ang usa ka lalaki nga giila isip Top 1 High Value Individual (HVI) sa Bukidnon atol sa buy-bust operation nga gihimo sa Purok 18, Barangay Poblacion, Valencia City, sa gabii sa Mayo 18, 2026

Sumala sa report sa Valencia City Police Station (VCPS), ang nadakpan giilang si alyas “Jufel,”
42 anyos, ug residente sa Purok 20 sa maong barangay.
Mokabat sa 6.1 gramos ang kinatibuk-ang gibug-aton sa gituohang shabu nga nasakmit gikan sa
suspek, nga adunay standard drug price nga mokabat sa PhP 41,280.
Gawas sa illegal nga droga, narekober usab gikan sa iyang posesyon ang PhP 500 nga buy-bust
money, usa ka selpon, motorsiklo, ug uban pang personal nga mga butang nga posibleng may
kalabutan sa ilegal nga kalihokan.
Human sa operasyon, gidala si “Jufel” ug ang tanang nasakmit nga ebidensya ngadto sa Valencia
City Police Station alang sa hustong dokumentasyon ug disposisyon. Samtang ang mga
nakumpiskang drug items gisumite sa Provincial Forensic Unit sa Malaybalay City, Bukidnon,
aron ipaubos sa qualitative ug quantitative examinations.
Giandam na usab sa kapolisan ang kasong paglapas sa R.A. 9165 kon Comprehensive Dangerous
Drugs Act of 2002 batok sa suspek alang sa pagpasaka niini sa korte. (melbmadera)