Nagmalampuson nga napahigayon ang Kaamulan Alu-Alu tribal sports 2023 kaniadtong Abril 11-12, 2023 sa Capitol grounds, Kaamulan Park, Malaybalay City, Bukidnon

Base sa pahibalo sa lokal nga panggamhanan, ang maong aktibidad gipangunahan sa Indigenous Affairs Division (IAD).

Ang mga partisipante sa maong Tribal Sports mao ang pito ka tribu (7tribes) nga nagagikan sa 20 ka munisipyo ug 2 ka syudad sa probinsya sa Bukidnon diin nagpakita sa kahanas sa lain-laing kategorya.

Aktibo usab ang mga munisipyo sa pagdala sa ilang mga “cheering squad“ pinaagi sa mga magarbo ug kaugalingon nga mga koreograpiya sa sayaw para maipadayag ang ilang suporta sa kada-iyang mga partisipante.

Ang Tribal Sports gilangkuban sa pipila ka kategorya sama sa Bag-id sa Kagtubo (firemaking), Banlak (tug of war), Duso (pestle pushing) Galing ta batu hu kamais (corn grinding) ug uban pa. (MG Mayumi B. Madera)