Miabot sa 1,456 ka motorela drivers sa Bukidnon ang nakadawat og pinansyal nga tabang gikan sa Department of Social Welfare and Development (DSWD) isip kabahin sa cash relief program alang sa sektor sa transportasyon

Sa maong gidaghanon, 596 ang nahatagan sa Malaybalay City, samtang ang nahibilin sa Valencia City.

Sumala sa taho, gipahigayon ang distribusyon sa duha ka dakbayan, diin ang matag benepisyaryo nakadawat og P5,000 aron makatabang sa ilang adlaw-adlaw nga galastohan taliwala sa padayon nga pagsaka sa presyo sa petrolyo.

Tumong sa programa nga mapagaan ang epekto sa pagtaas sa presyo sa lana sa panginabuhian sa mga drayber nga naapektuhan sa taas nga gasto sa operasyon. (melbmadera)