Naghatag og dugang cash incentive ang City Government of Valencia sa representante sa dakbayan sa Laga ta Bukidnon 2026 nga nahimong Grand Winner, si Ross Saguilan Lungayan, atol sa courtesy visit sa city mayor niadtong Abril 13, 2026

Nakadawat usab og dugang insentibo ang representante sa Malaki ta Bukidnon 2026 nga nahimong first runner-up, si Christian Dave Layahon.

Sumala sa kasayoran, ubos sa liderato ni Mayor Amie G. Galario ug Greizl Galario-Fernandez, naghatag ang lokal nga panggamhanan og P20,000 kang Lungayan samtang P15,000 kang Layahon.

Matod sa city government, ang maong inisyatiba dili lamang pagpasidungog sa ilang kahusayan, kondili pag-ila usab sa importansya sa kultura, tradisyon, ug identidad sa komunidad.

Padayon usab nga ginapalig-on sa lokal nga panggamhanan ang suporta sa mga kalihokan nga nagpasidungog sa kontribusyon sa lain-laing sektor alang sa panaghiusa ug kalamboan sa dakbayan. (melbmadera)