Gihatagan og livelihood starter kit ang 16 ka dwarfism-person with disabilities (PWDs) sa probinsya

Sumala sa Facebook post sa LGU Bukidnon, ang kit sa panginabuhian gikan sa Department of Health – Drug Abuse Treatment and Rehabilitation Center (DOH-DATRC).

Gipatuman kini pinaagi sa pakigtimbayayong sa Provincial Government of Bukidnon (PGB), nga gipasayon sa Provincial Persons with Disability Affairs Office (PPDAO).

Ang kalihokan gipahigayon kaniadtong Hulyo 18, 2025, sa PPDO Conference Room, Kaamulan Park, Malaybalay City, Bukidnon.

Sulod sa maong kit ang mga siomai, steamer, ug mugs nga maoy pagagamiton sa pagsugod sa ilang mga negosyo.

Kini nga lakang nahisubay sa kasaulogan sa 47th National Disability Rights Week, nga nagtangag sa tema, “Innovation for Inclusion: Building Inclusive Communities Together.”

(melbmadera)