Saturday, November 14, 2026

Panid Bisaya

3 CTG members mitahan sa Bukidnon

0

Central Mindanao Newswatch - local newspaper

Share this post?

Tulo ka nahibilin nga miyembro sa Communist Terrorist Group (CTG) ang boluntaryong misurender sa mga awtoridad sa 1003rd Maneuver Company, Regional Mobile Force Battalion 10 Headquarters, nga nahimutang sa Sitio Colon, Brgy. Halapitan, San Fernando, Bukidnon, niadtong Nobyembre 3, 2025

Ang misurender nailhan pinaagi sa ilang mga alyas nga “Sano,” Baking Team Leader, 34 anyos, minyo; “Leta,” 32 anyos, minyo, nga parehas nga miyembro sa Guerilla Front MALAYAG; ug “Jing-jing,” 25 anyos, usa ka medic sa SRSDG PEDDLER (Platoon HAMMER).

 

Matod sa press release, sila tanan sakop sa Sub-Regional Committee 2 (SRC2) sa North Central Mindanao Regional Committee (NCMRC) sa New People’s Army (NPA).

 

Ilang gitunol ang duha ka homemade .38 caliber revolver pistols, usa ka homemade shotgun, ug tulo ka 12-gauge shotgun shells.

 

Ang mga misurender nga indibidwal, uban sa ilang mga armas ug bala, anaa na karon sa kustodiya sa 1003rd Maneuver Company, RMFB 10 Headquarters, alang sa dokumentasyon ug hustong pagproseso.

 

Si Police Brig. Gen. Christopher N. Abrahano, acting regional director sa PRO10, mipasidungog sa panaghiusang paningkamot sa mga nag-operate nga yunit.

 

“Ang PRO10, uban ang AFP, magpadayon sa pagpabakod sa intelligence-driven ug community-based nga mga pamaagi aron mapadayon ang kalinaw ug seguridad sa Northern Mindanao. Gihangyo ko ang nahibilin nga mga miyembro sa CTG nga mosurender na sa balaod. Abli kanunay ang among mga pultahan,” matud pa niya.

 

Nahimo kining pagsurender pinaagi sa panagsamang paningkamot sa mga personahe sa S2 RMFB 10; 1004th Maneuver Company, RMFB 10; San Fernando Municipal Police Station; 1st ug 2nd Bukidnon Provincial Mobile Force Companies; Bukidnon Provincial Intelligence Unit; RPSB San Fernando ug Cabanglasan Bukidnon Cluster; BUK-PIT; RIU 10; 15th Special Action Company, 1st Special Action Battalion, PNP-SAF; Davao CIT-RIU 11; DI TOG 11; ODI TOWEASTMIN, Philippine Air Force; NICA 10; DI MAPIO; IG-ISOD; 89th Infantry Battalion, Philippine Army; ug 3rd Special Forces Company, 1st Special Forces Battalion. (melbmadera)

Related Post

Duha ka drayber sa motorsiklo ang namatay human magbanggaay ang ilang gimanehong mgamotorsiklo sa Barangay Puntian, Quezon, Bukidnon, alas-7 sa buntag niadtong Oktubre 22,2026. Base sa report sa Quezon Municipal Police Station (MPS), ang aksidente naglambigit sa isa kaKeeway nga motorsiklo nga padulong sa Davao City gikan sa Cagayan de Oro City ug usa kaSuzuki...
Nasikop ang isa ka 27-anyos nga babaye nga giila sa alyas nga Jaijai sa operasyon batok sa ilegalnga droga sa Purok 2, Barangay Poblacion, Valencia City, sa gabii sa Oktubre 15. Sumala sa report ni Police Lt. Col. Hope Mark L. Orbuda, officer-in-charge sa Valencia CityPolice Station, nahitabo ang operasyon mga alas 10:55 sa gabii...
Nakit-ang patay ang isa ka 42-anyos nga security guard samtang anaa sa duyan sulod sa iyanggipuy-ang lawak sa isa ka bunkhouse sa Alcovar Farm, Purok 3, Barangay Dalwangan,Malaybalay City, Bukidnon buntag sa Oktubre 17. Sumala sa Bukidnon Police Provincial Office (BPPO), nadiskobrehan ang lawas sa biktima mgaalas 11:30 sa buntag human gitaho sa barangay kapitan...