Ang 4th Division (Mentor) Training School (4DTS) sa 4th Infantry (Diamond) Division pormal nga nag-install sa bag-ong commandant sa Change of Command Ceremony sa Camp Osito D. Bahian sa Impalambong, Brgy. 10, Malaybalay City, Bukidnon, kaniadtong Nobyembre 3, 2025

Sumala sa press release, si Lt. Col. Albert M. Batingga ang mihulip ni Col. Jerold H. Jale, kinsa training commandant sukad Agusto 2024.

Si Lt. Col. Batingga kanhi commanding officer sa 30th Infantry Battalion nga nakabase sa Gigaquit, Surigao del Norte.

Misaad siya nga padayon nga palamboon ug pausbawon pa ang mga programa sa training school subay sa tumong sa Philippine Army nga mahimong usa ka world-class, multi-mission ready, ug cross-domain capable nga pwersa.

Ang seremonya gipangulohan ni Major General Michele B. Anayron Jr., commander sa 4ID, ug gitambongan sa mga opisyal, enlisted personnel, mga pamilya, ug mga stakeholders sa 4ID — nga nagsimbolo sa panaghiusa ug tinabangay nga komitment sa misyon sa dibisyon alang sa serbisyo, seguridad, ug kalambuan sa iyang area of responsibility. (melbmadera)