Sa usa ka hugot nga pagpamatuod sa iyang paningkamot nga tapuson ang lokal nga armadong panagbangi sa mga komunista, pormal nga gipahayag sa Valencia City ang Communist Party of the Philippines–New People’s Army (CPP-NPA) isip persona non grata

Sumala sa Facebook post sa 89th Infantry “Makatao” Battalion sa 10th Infantry “Agila” Division sa Philippine Army, gihimo ang seremonya sa Brgy. Sugod kaniadtong Setyembre 22, 2025.

Gipangulohan ni 1st Lt. John Andrew S. Gloriani, commanding officer sa Alpha Company sa 89IB, ang deklarasyon uban sa mga lokal nga opisyal ug mga lider sa komunidad.

Gipasiugda sa kalihokan ang simbolikong pagsunog sa bandera sa CPP-NPA, nga nagrepresentar sa panaghiusa batok sa terorismo, rebelyon, ug pagpanghilabot.

Si City Legal Officer Atty. Francesco Manuel R. Valdez nagrepresentar kang Mayor Amie G. Galario.

Nasayran nga nasang-at ni Liga ng mga Barangay President Louie John Naiz ang Resolution No. 154-2025, nga nagdeklarar sa CPP-NPA isip persona non grata sa dakbayan.

Giaprobahan kini sa Sangguniang Panlungsod sa Valencia atol sa ika-9 nga Regular Session niadtong Setyembre 15, 2025. (melbmadera)