Thursday, November 19, 2026

Panid Bisaya

DILG Bukidnon mipagawas og ₱600,000 ECLIP aid sa 10 ka kanhing NPA

0

Central Mindanao Newswatch - local newspaper

Share this post?

Napulo ka kanhing myembro sa New People’s Army (NPA) ang nakadawat og kinatibuk-ang
₱600,000 nga assistance ubos sa Enhanced Comprehensive Local Integration Program (ECLIP)
nga gipadagan sa Department of the Interior and Local Government o DILG-Bukidnon.

Sumala sa DILG Bukidnon, gipahigayon ang pagpagawas sa ika-upat ug ika-lima nga batch sa
assistance niadtong Sept. 15 ug 16, 2026, sa DILG Bukidnon Provincial Office sulod sa
Provincial Capitol.
Ang assistance naglangkob sa Immediate Assistance ug Livelihood Assistance nga gitumong sa
pagtabang sa mga benepisyaryo sa pagsugod pag-usab sa ilang kinabuhi ug pagtukod og
malungtarong panginabuhian alang sa ilang mga pamilya.
Mitambong usab sa kalihokan ang mga handling unit sa mga benepisyaryo gikan sa 88th Infantry
Battalion, 1st Special Forces Battalion ug 89th Infantry Battalion.
Dugang nga suporta ang gihatag sa Provincial Government of Bukidnon pinaagi sa Provincial
Social Welfare and Development Office o PSWDO, nga mipagawas og 10 ka food packages
alang sa mga benepisyaryo.
Matud sa DILG-Bukidnon, padayon nilang suportahan ang mga kanhing rebelde sa ilang
pagbalik sa komunidad ug pagtukod pag-usab sa malinawon ug produktibong panginabuhi
pinaagi sa ECLIP.

Ang maong programa nagpakita usab sa padayong koordinasyon tali sa DILG, Provincial
Government of Bukidnon ug Armed Forces of the Philippines alang sa pagpalig-on sa kalinaw
ug kalamboan sa mga komunidad sa probinsya. (melbmadera)

Related Post

Patay ang isa ka 45-anyos nga lalaki human dunggaba og makadaghang higayon sa likod sa isaka 33-anyos nga lalaki sa Purok 2, Sitio Patpat, Barangay Salimbalan, Baungon, Bukidnon, alas5:30 sa buntag niadtong Oktubre 30, 2026. Sumala sa inisyal nga imbestigasyon sa Baungon Municipal Police Station (MPS), naghulat nakuno ang suspek sa daplin sa karsada dihang...
Nadakpan sa kapulisan ang ikatulo sa mga most wanted person sa provincial level sa Bukidnonatol sa operasyon sa Zone 3, Barangay Lunocan, Manolo Fortich, niadtong Nobyembre 11. Giila sa kapulisan ang dinakpan nga si Alvin Ochate Pagar, 27 anyos, minyo ug residente saZone 13, Barangay Damilag, Manolo Fortich.Gipahigayon ang operasyon alas-9:15 sa buntag sa mga...
Patay ang 53-anyos nga drayber sa motorsiklo human mabanggaan sa isa ka Toyota Hilux pick-up sa National Highway, Purok 1, Camp 1, Maramag, Bukidnon, alas-4:20 sa hapon niadtongNobyembre 4, 2026. Base sa imbestigasyon sa Maramag Municipal Police Station (MMPS), padulong sa Don Carlosang pick-up nga gimaneho sa 28-anyos nga lalaki dihang kalit nga mitabok sa...