Namatay ang isa ka lalaki sa gituohang insidente sa suicide sa Maramag, Bukidnon niadtong
hapon sa Hulyo 18, 2026.

Sumala sa report sa Bukidnon Police Provincial Office (BukPPO), nakadawat og tawag ang
Maramag Municipal Police Station gikan sa Rescue Maramag mahitungod sa nahitabong
insidente sa overpass sa Central Mindanao University (CMU) sa Purok 19, Barangay Dologon.
Gilayon nga miresponde ang mga kapolisan aron beripikahon ang maong report.
Sa pag-abot sa mga otoridad, nadala na ang biktima ngadto sa Bukidnon Provincial
Hospital–Maramag aron matambalan. Apan, gideklarar siya nga dead on arrival (DOA) sa nag-
atiman nga doktor.
Base sa inisyal nga imbestigasyon, ang biktima nakaangkon og grabeng samad sa ulo nga maoy
gituohang hinungdan sa iyang kamatayon.
Matud sa pamilya sa biktima, dugay na kining nag-atubang og depresyon, nga ilang gituohang
adunay kalabotan sa nahitabong insidente.
Giklaro usab sa kapolisan nga wala silay namatikdan nga timailhan sa foul play sa lawas sa
biktima. Padayon ang ilang imbestigasyon aron makompleto ang dokumentasyon sa maong
insidente. (melbmadera)