Panid Bisaya
0

Share this post?
Mikabat sa 358 ka fisherfolks gikan sa 29 ka barangay sa Dakbayan sa Malaybalay ang
nakadawat og kinatibuk-ang ₱1 milyon nga suporta alang sa pagpalambo sa ilang tilapia
production pinaagi sa Tilapia Feed Support Project 2026 sa City Government of Malaybalay.
Pinaagi sa City Agriculture Office–Inland Fisheries Section, matag benepisyaryo nakadawat og
1,000 ka tilapia fingerlings ug duha ka sako sa feeds nga naglangkob sa isa ka sako sa starter
pellets ug isa ka sako sa grower pellets.
Sumala sa kasayoran sa city government, sa kinatibuk-an, mikabat sa 358,000 ka tilapia
fingerlings ug 716 ka sako sa feeds ang giapod-apod sa mga benepisyaryo. Ang mga fingerling
gihatag pinaagi sa pakigtambayayong sa Bureau of Fisheries and Aquatic Resources
(BFAR)–Kisolon.
Sa mensahe atol sa pag-apod-apod, gidasig ni City Councilor Alan Ryann O. Legaspi, City
Agriculturist Richard B. Leono ug City Agriculture and Fisheries Council Chairperson Leonard
O. Leyros ang mga fisherfolk nga gamiton sa husto ug responsable ang nadawat nga suporta aron
mapalambo ang ilang panginabuhian, madugangan ang produksyon ug mosaka ang kita.
Gipasalamatan usab sa mga opisyal ang aktibong partisipasyon ug padayon nga suporta sa mga
fisherfolk sa mga programa sa pangisdaan sa dakbayan.
Kabahin kini sa paningkamot sa administrasyon ni City Mayor Jay Warren R. Pabillaran nga
palig-onon ang sektor sa pangisdaan ug mapalambo ang malungtarong produksyon sa tilapia sa
Malaybalay. (melbmadera)
Latest Article