Tuesday, November 17, 2026

Panid Bisaya

Malaybalay gi-activate ang IMT alang sa Oplan Kaluluwa 2026

0

Central Mindanao Newswatch - local newspaper

Share this post?

Gi-activate sa Malaybalay City ang IMT o Incident Management Team alang sa Oplan Kaluluwa
2026.

Gibutyag kini ni City Disaster Risk Reduction Management Officer Mr. Alan J. Comiso niadtong
Oktubre 30 sa Press conference kinsa nagsilbing hepe sa namugna nga IMT.
Epektibo ang paglihok sa IMT sukad sa Oktubre 30 hangtod Nobyembre 2, 2026.
Nunot niini, ang dakbayan nagpakatap sa 226 ka police personnel, BFP, TMC, CHO, ug uban pa
sa mga dagkong sam-ang.
Ingon ni Comiso, ang pagkamugna sa IMT nagtinguha nga masiguro ang kaluwasan sa mga
responder ug sa kinatibuk-ang publiko atol sa pagsaulog sa Adlaw sa mga Kalag ug Adlaw sa
mga Santos.
Dugang niya nga nagtumong sab kini sa paghatag og tabang gikan sa kapulisan, medikal nga
tabang, seguridad sa publiko, ug plano alang sa trapiko sulod sa panahon sa operasyon.
(melbmadera)

Ulitawo, namatay human naigo sa kilat sa Libona
Patay ang isa ka 19-anyos nga lalaki human naigo sa kilat samtang nag-camping uban sa iyang
uyab sa Cowboys Camp, Zone 1A, Mount Kilagas, Barangay Kiliog, Libona, Bukidnon niadtong
Oktubre 30, 2026.
Sumala sa imbestigasyon sa Libona Municipal Police Station (MPS), miabot ang biktima ug ang
iyang 18-anyos nga uyab sa maong lugar ug didto sila sa reception shelter area dihang naigo kini
sa kilat pasado alas 1:39 sa hapon.
Tungod sa kusog nga pag-igo sa kilat, natumba ang biktima, nangurog ug nawadan og panimuot.
Gidala dayon siya sa Libona Rescue Team ngadto sa Cagayan de Oro City, apan gideklarang
dead on arrival sa attending physician sa JR Borja General Hospital pasado alas 5:55 sa hapon.

Ang biktima residente sa Sitio Capas, Barangay Macanhan, Cagayan de Oro City, samtang ang
iyang kauban residente usab sa Sitio Carinugan, Barangay Balulang, sa maong siyudad.
Gimandoan ni Bukidnon Police Provincial Office Director Police Col. Oliver S. Navales ang
Libona MPS sa pagpahigayon og hingpit nga imbestigasyon kalabot sa insidente. (melbmadera)

Related Post

Nagpadayon ang kampanya sa City Government of Malaybalay batok sa mga iro nga walay tag-iya o naglatagaw sa kadalanan pinaagi sa City Veterinary Office (CVO). Gibutyag kini ni Jude Ignatius Casimero, kinsa mirepresentar kang CVO Dr. Michelle C.Micayabas atol sa press conference niadtong Oktubre 30, 2026, sa People’s Hall sa City Hall.Base sa update sa...
Duha ka managlahing operasyon sa buy-bust sa Valencia City ug Pangantucan, Bukidnon angmiresulta sa pagkadakop sa tulo ka lalaki ug pagkasakmit sa kapin ₱470,000 nga kantidad sagidudahang shabu. Sumala sa report sa kapolisan, una nga nadakpan ang duha ka lalaki atol sa hiniusang buy-bustoperation sa kapulisan sa Purok 1A, Kawayanon, Barangay Lumbo, Valencia City niadtongOktubre...
Mikabat sa 358 ka fisherfolks gikan sa 29 ka barangay sa Dakbayan sa Malaybalay angnakadawat og kinatibuk-ang ₱1 milyon nga suporta alang sa pagpalambo sa ilang tilapiaproduction pinaagi sa Tilapia Feed Support Project 2026 sa City Government of Malaybalay. Pinaagi sa City Agriculture Office–Inland Fisheries Section, matag benepisyaryo nakadawat og1,000 ka tilapia fingerlings ug duha...