Tuesday, November 17, 2026

Panid Bisaya

‘Kalibotan ni Dela Rosa nagkagamay’ – Castro

0

Central Mindanao Newswatch - local newspaper

Share this post?

Nagkagamay ang kalibotan sa nagtago nga si Sen. Ronald “Bato” dela Rosa human nagtanyag
ang gobyerno pinaagi sa Department of the Interior and Local Government o DILG og ganti nga
P50 million alang sa iyang pagkasikop.

.

Isa kini sa mga gipahayag ni Palace Press Officer Claire Castro kaniadtong Oktubre 29 sa press
briefing sa Northern Bukidnon State College sa Munisipyo sa Manolo Fortich, Bukidnon
Gibutyag ni Castro nga nagpadayon ang mga operasyon aron sikopon si dela Rosa, apan dili siya
makahatag og mga detalye aron dili mabutang sa peligro ang maong mga operasyon.
Gipasabot niya nga kini tungod kay “bisan kinsa nga makakita kaniya mahimong direktang
magpahibalo sa Philippine National Police ug uban pang mga ahensya sa pagpatuman sa
balaod.”
Dugang niya nga matod usab ni NBI [National Bureau of Investigation] Director Matibag,
nakadawat siya og impormasyon bahin sa nahimutangan ni Senator dela Rosa.

Nag-isyu ang International Criminal Court (ICC) og warrant of arrest batok kang dela Rosa
tungod sa iyang papel isip hepe sa nasudnong kapulisan atol sa kampanya ni kanhi Presidente
Rodrigo Duterte batok sa ilegal nga droga gikan sa 2016 hangtod 2018.
Ginganlan siya isip isa sa mga nalambigit sa paghimo sa mga krimen, subay sa imbestigasyon sa
ICC mahitungod sa mga krimen batok sa katawhan (crimes against humanity).
Nagtago si dela Rosa human siya mipakita pag-usab sa Senado niadtong Mayo 11. (melbmadera)

Related Post

Nagpadayon ang kampanya sa City Government of Malaybalay batok sa mga iro nga walay tag-iya o naglatagaw sa kadalanan pinaagi sa City Veterinary Office (CVO). Gibutyag kini ni Jude Ignatius Casimero, kinsa mirepresentar kang CVO Dr. Michelle C.Micayabas atol sa press conference niadtong Oktubre 30, 2026, sa People’s Hall sa City Hall.Base sa update sa...
Duha ka managlahing operasyon sa buy-bust sa Valencia City ug Pangantucan, Bukidnon angmiresulta sa pagkadakop sa tulo ka lalaki ug pagkasakmit sa kapin ₱470,000 nga kantidad sagidudahang shabu. Sumala sa report sa kapolisan, una nga nadakpan ang duha ka lalaki atol sa hiniusang buy-bustoperation sa kapulisan sa Purok 1A, Kawayanon, Barangay Lumbo, Valencia City niadtongOktubre...
Mikabat sa 358 ka fisherfolks gikan sa 29 ka barangay sa Dakbayan sa Malaybalay angnakadawat og kinatibuk-ang ₱1 milyon nga suporta alang sa pagpalambo sa ilang tilapiaproduction pinaagi sa Tilapia Feed Support Project 2026 sa City Government of Malaybalay. Pinaagi sa City Agriculture Office–Inland Fisheries Section, matag benepisyaryo nakadawat og1,000 ka tilapia fingerlings ug duha...