Mibisita sa 403rd Infantry “Peacemaker” Brigade si Major General Adonis Ariel G. Orio, commander sa Eastern Mindanao Command (EASTMINCOM) sa Headquarters sa Camp Osito D. Bahian, Malaybalay City, Bukidnon kaniadtong Disyembre 06, 2025

Sumala sa press release sa 403rd Brigade, sa iyang pag-abot, gihatagan si Orio og tradisyunal nga military honors ug gidawat ni Brigadier General Seigfred C. Tubalado, commander sa 403Bde, kauban ang key staff officers ug personnel.

Mitambong usab sa pagdawat kay Orio si Bukidnon Governor Rogelio Neil P. Roque.

Atol sa iyang pagbisita, gitagaan si Major General Orio og operational briefing nga nagpunting sa nagpadayong mga kalihokan sa seguridad, mga nahimo, ug mga inisyatiba sa brigade sa ilang area of responsibility.

Nakapokus ang panaghisgot sa pagpadayon sa peace and security operations, pagpalig-on sa kooperasyon uban sa local government units ug tribu communities, ug pagpauswag sa suporta sa mga developmental programs sa Northern Mindanao.

Gidayeg ni Major General Orio ang tinguha ug paglaum sa brigade ug iyang gipadayag ang padayong suporta sa EASTMINCOM aron masiguro ang kalampusan sa peace-building initiatives ug pagmintinar sa kalinaw ug kahapsay sa rehiyon.

Natapos ang kalihokan pinaagi sa Talk to Troops diin naka-engage siya sa mga Opisyales ug Enlisted Personnel sa unit, ug gipadayag ni Major General Orio ang iyang pagpasalamat sa ilang serbisyo ug dedikasyon sa katungdanan. (melbmadera)