Nasakmit ang gidudahang shabu nga nagbalor og ₱6,800 gikan sa 49-anyos nga lalaki nga giingong suspek sa extortion

Nasikop sa entrapment operation ang suspek sa Shell Gasoline Station sa Purok 5, Brgy. Casisang, Malaybalay City, Bukidnon, hapon sa Setyembre 23, 2025.

Gawas sa gidudahang shabu, nakuha sab gikan sa posisyon sa suspek ang ₱7,300 cash, isa ka coin purse, drug paraphernalia, selpon, ug motorsiklo.

Ang pisikal nga imbentaryo sa nakumpiskar nga ebidensya gihimo sa lugar sa pagdakop, atubangan sa nadakpan ug gisaksihan sa Kapitan sa Barangay Casisang ug usa ka media representative.

Ang nadakpan uban sa ebidensya gidala sa Malaybalay CPS alang sa dokumentasyon ug hustong disposisyon, samtang ang drug evidence i-turn over ngadto sa Bukidnon Provincial Forensic Unit sa Malaybalay City para sa eksaminasyon.

Isa ka kaso sa paglapas sa R.A. 9165 kon Comprehensive Dangerous Drugs Act of 2002 ang giandam na alang sa inquest proceedings. (Omar Rashid Z. Abdullah)