Gipahigayon kaniadtong Enero 15, 2026 ang blessing ug turnover ceremony sa kapin P8,538,500.00 nga kantidad sa mga kagamitang pang-uma sa New City Hall Grounds, Malaybalay City, Bukidnon

Ang kalihokan gipangulohan ni Mayor Jay Warren R. Pabillaran isip bahin sa suporta sa lokal nga pangagamhanan sa mga mag-uuma ug irrigators sa siyudad.

Nadawat sa Malaybalay City Federation of Irrigators’ Association ang usa ka Pro Rice Combine Harvester nga nagkantidad og P2,185,000.00 ug usa ka four-wheel drive farm tractor nga P1,885,000.00. Ang Managok Small Water Irrigation System Association nakadawat usab og usa ka Pro Rice Combine Harvester (P2,185,000.00) ug usa ka four-wheel drive farm tractor (P1,885,000.00).

Samtang, ang Miglamin Farmer Irrigators Association ug Maranhog Farmers Small Water Irrigation System Association matag usa nakadawat og Yamada Floating Tiller nga nagkantidad og P99,500.00, ug ang Sinanglanan Communal Irrigators Association nakadawat og usa ka Grain Collector nga nagkantidad og P199,500.00. (melbmadera)