Giabrihan pinaagi sa ritual ang tinuig nga selebrasyon sa Indigenous Peoples (IP) Month sa probinsya sa Bukidnon

Sumala sa post sa social media sa Provincial Government of Bukidnon, ning tuiga ang kalihokan nagdala sa tema nga “Weaving Culture, Enriching Future: Empowering Indigenous Communities as Bedrock of Sustainable Development.”

Ang selebrasyon nag-uban usab sa 28th IPRA Law Commemoration, nga gipahigayon niadtong Oktubre 1, 2025, sa Centennial Stage, Kaamulan Park, Malaybalay City, Bukidnon.

Nagkatigum ang mga partisipante sa pagpanguna sa PGO–Indigenous Affairs Division, kauban ang kadagkuan sa National Commission on Indigenous Peoples (NCIP) Region X ug Bukidnon, Provincial/City/Municipal/Barangay IPMRs, IP Youth, ug council of elders.

Ang mga kasaulogan gilangkuban aron pasidunggan ang kultura, tradisyon, ug kontribusyon sa matag tribu, ug aron ilhon ang ilang katungod ug proteksyon.

Samtang ang selebrasyon nagpadayon, daghang kalihukan ang nakahan-ay sa tibuok bulan sa Oktubre, lakip na ang IP Youth Summit, Outreach Program for the Integrated IP School, pagpasundayag sa ethnic attires sa 9 ICCs/IPs sa Region 10, cultural show, IP Summit with IAD & NCIP, ug ang 1st IP Summit–Mindanao Cluster, uban pa. (melbmadera)