Ang mga mag-uuma sa Malaybalay nagpasalamat sa suporta nga nadawat gikan sa lokal nga gobyerno sa seremonyal nga pagpanghatag sa 2025 City Agricultural and Fishery Production Support Projects kaniadtong Setyembre 30, 2025, sa Barangay Casisang Covered Court

Ang proyekto, gipondohan sa 20-percent Development Fund, naglangkob sa Inland Fishery, Crops Production, High Value Crop Production, Organic Agriculture, ug City Agriculture Office Infrastructure Projects, nga nagtumong sa pagpalambo sa produksyon sa agrikultura ug kabuhayan sa mga mag-uuma sa dakbayan.

Ang tibuok pondo nga ₱60.63 milyon adunay aktuwal nga gasto nga ₱51.2 milyon ug nakatigom og ₱9.43 milyon pinaagi sa epektibong pagdumala ug bidding.

Ang mga benepisyaryo nakadawat og fishery feeds, farm machinery, hybrid seeds, fertilizers, garden tools, ug uban pang kagamitan alang sa pagpasiugda sa sustainable ug organikong panguma.

Si City Agriculturist Engr. Richard B. Leono ug ang mga konsehal, lakip si Mayor Jay Warren R. Pabillaran, nagpahinumdom sa mga mag-uuma sa husto nga paggamit sa mga input ug nag-awhag sa padayon nga pagpalambo sa agrikultura ug kabuhayan sa komunidad. (melbmadera)