Wednesday, April 24, 2024

Tag: City Agriculture Office

Rice farmers sa Malaybalay gihatagan og ayuda

Posted on by cmn

Ang Department of Agriculture (DA) Region 10 mitunol sa ikaupat nga higayon og tag P 5,000.00 nga cash assistance ngadto sa matag mag-uuma sa humay sa Malaybalay

Sumala sa kasayoran sa dakbayan, ang mga benepisaryo narehistro sa Registry System for Basic Sectors in Agriculture (RSBSA) nga adunay luna nga dili molapas sa duha ka ektarya sa humayan.

 

Kini pinaagi sa Rice Competitiveness Enhancement Fund – Rice Farmers Financial Assistance sa DA.

 

Gipahigayon ang pagpasiugda pinaagi sa koordinasyon sa buhatan sa City Agriculture kabahin sa pagpang apod-apod sa tabang pinansyal ngadto sa mga benepisaryo didto sa barangay Violeta Covered Court ning dakbayan niadtong Pebrero 27, 2024.

 

Mahinumdoman nga adunay iskedyul sa distribusyon usab ang nahitabo niadtong Disyembre 1-2, 2022 ubos sa RFFA 3 ug Marso 4, 2023 ubos sa RFFA 2.

 

Kasamtangan, adunay 1,918 ka mga mag-uuma ang nalista ug na-validate alang sa RFFA basi sa DA Farmers and Fisherfolks Registry System.

 

Ang programa gitambongan nila ni Provincial Operations Head Janeth D. Lopez, Vice Mayor Estelito R. Marabe, mga konsehal nga si Alan Ryan O. Legaspi, Niko P. Aldeguer, Brian Nelson T. Flores, Zoltan Dindo D. Dinlayan, Cromwell Kiril D. Dinlayan, Erwin A. Damasco ug Christopher Lambert N. Tortola.

 

Kauban usab ang presensya ni Kapitan Efren Omallao ug Engr. Richard B. Leono, OIC sa City Agriculture Office.

 

Gipasabot ug gidasig sa nitambong nga mga opisyal ang mga mag-uuma nga gamiton ang tabang nga nadawat sa pagpalit sa farm inputs aron mapauswag ang ilang kinitaan sa pagpanguma. (Diego M. Hidalgo)

DA-10 launches upland hybrid rice demo farm in Bukidnon

Posted on by cmn

CAGAYAN DE ORO CITY – To further boost Northern Mindanao’s rice production capacity, the Department of Agriculture – Region 10 (DA-10) through Regional Executive Director Carlene C. Collado formally launched its first hybrid upland rice production technology demonstration farm in Bukidnon province

Together with the Bukidnon Tagoloanon Mulahay Ha Kabukalagan Agriculture Cooperative (BUKTAMACO), Bukidnon Provincial Agriculture Office, Malaybalay City Agriculture Office, and Seedwork Philippines, DA-10 recently held its inaugural planting of the three-hectare upland rice production technology trial demo farm in barangays Sumpong and Can-ayan, in Malaybalay City. 

 

The project is designed to undergo a trial phase before full-scale implementation of the eyed 300-hectare demonstration farm, to give way for production technology fine-tuning and area compatibility assessment. 

 

In her message, DA-10 Regional Technical Director for Research and Regulations, Cora A. Dumayaca said the project is pivotal to the DA’s goal to increase the region’s rice sufficiency by utilizing upland production areas. 

 

Using an area modeling approach, the project will optimize the potential and opportunities in developing the Ancestral Domains of Indigenous Peoples (IPs) as an upland rice production area in the region. 

 

DA-10 Deputy Director for Mindanao Inclusive Agriculture Development Project (MIADP), Joel S. Rudinas, said the project provides the base for future agricultural development. 

 

He said by employing an area-based development system, this undertaking can spin out to other commodities in the value chain and integrate other agricultural livelihood activities that can significantly address poverty situations among the IP communities. 

 

Using Seedworks Philippines’ TH-82 hybrid rice production technology, the upland rice demo farm is set to be fully established during the 2024 wet cropping season. 

 

Also, in attendance during the hybrid upland rice technology demo farm launching ceremony are Atty. Burt M. Estrada, BUKTAMACO General Manager, Jacqueline Julia A. Lagamon, Bukidnon Provincial Agriculturist, Engr. Richard B. Leono, Malaybalay City Agriculturist, Janet D. Lopez, DVM, DA-10 Bukidnon Provincial Operations Center chief, Lucille T. Minguez, DA-10 Regional Crops Protection Center chief. (ATT)

Pipila ka kalohokan sa Kaamulan 2024 gipangandaman sa NCIP Bukidnon

Posted on by Omar Rashid Z. Abdullah

Isa ka ground breaking ceremony ang gipahigayon sa LGU Valencia City alang sa pagtukod og Multi-Purpose Building Phase 1 sa bag-ong City Agriculture Office nga adunay Training Center niadtong Enero 25, 2024

Sumala sa kasayoran sa LGU Valencia, ang proyekto nahimutang sa Purok 1, Brgy. Pinatilan.

Ang groundbreaking ceremony isa ka pagmatuod nga pagasugdan na ang maong proyekto.

Dakong kalamposan alang kang Mayor Azucena P. Huervas ingon man ni City Agriculturist Connie Dalangan nga masugdan ang pagpatukod sa maong bag-ong opisina aron mas mapalig-on ang paghatod og serbisyo alang sa mga mag-uuma.

Pasiuna usab ang pagtukod sa maong pasilidad nga nagkantidad og muabot sa P15 milyon ubos gikan sa 20 percent Local Development Fund.

Mahimutang ang proyekto sa 14 ektaryas nga luna nga puhon pagatukuran usab og Post Harvest Facilities sama sa rice mill ug sa Techno-Demo Farm, uban sa tingoha nga mahimo ang maong dapit nga agritourism destination sa dakbayan.

Gipaabot usab ni Vice Mayor Atty. Teodoro Roteo Pepito ang pagsuporta sa 9th Sangguniang Panlungsod, diin matod niya, dako usab og ikatabang ang bag-ong opisina, sanglit aduna na kiniy Training Center nga makahatag og dugang kahibalo ug kalamboan sa mga mag-uuma.

Dako usab ang pagsalig ni Mayor Huervas sa contractor sa proyekto nga mao ang Arbul Builders and Construction Supply, sa pagpanguna ni Engr. Allen Bula, nga tumanon niini ang pagtukod sa dekalidad nga pasilidad subay sa plano nga pagkumpleto niini sulod sa walo ka bulan.

Nahimong mabungahon ang pagpahigayon sa seremonya pinaagi usab sa pagsuporta ug presensya nila City Councilor Rogelio Hera, Jr., nga mao usab ang Committee Chair on Agriculture, Councilor Cecile Mabao-Caballero, Councilor Sasang Cadigal-Recla, IPMR Bae Irene Pandian, SK Federation President John Legeil Estoquia, mga Department Heads, IP Leaders, City Events Committee, ug mga personahe sa City Agriculture Office. (Omar Rashid Z. Abdullah)

21 ka mag-uuma migraduwar sa farmers-field-school sa Organic Rice Production

Posted on by cmn

Human sa mga bulan nga mabungahon nga buluhaton, naka-graduate na ang 21 ka mga mag-uuma sa Malaybalay City sa farmers-field-school sa Organic Rice Production

Sumala sa kasayoran, ang gradwasyon gipahigayon niadtong Disyembre 12, 2023 sa Lourdes Resort, Lunokan, Miglamin, Malaybalay City.

Sa mga naka-graduate, 15 kanila mga babaye ug unom mga lalaki.

Ang graduation ceremony gipangunahan ni City Mayor Atty. Jay Warren R. Pabillaran.

Diha sab sila Konsehal Alan Ryann O. Legaspi, chairperson sa committee on agriculture, Dr. Janeth Lopez, provincial operations center head sa DA Region X, Mr. Mark Anthony Lagamon, organic program coordinator, Vic Ian T. Alcontin, CAgO field operations division chief, Ms. Blecy Grace Mahilum kinsa representante ni Barangay Captain Alfonso A. Inocando, Barangay Kagawad Remy Castañares ug MAFSWISA Chairman Roland Ripoledon.

Mipaambit si Dr. Lopez sa iyang mensahe sa kamahinungdanon sa organic practices lakip na ang land health management, pest and disease control, ug organic fertilization nga makapaminos sa epekto sa kinaiyahan, makapalambo sa water and land conservation, ug ingon man sa biodiversity sa mga umahan.

Gipaabot niya nga sa umaabot ang organikong teknolohiya nga gitudlo magamit ug matudlo sa ubang mga mag-uuma.

Samtang si Lagamon miila sa inisyatiba sa City Government of Malaybalay sa pagpalambo sa Organic Agriculture ug nanghinaut nga ang mga partisipante mapasalamaton niini. Iyang giawhag nga magpraktis og organic farming kay anaa kanunay ang gobyerno nga mosuporta.

Si Mayor Pabillaran sa iyang mensahe naghisgot mahitungod sa environmental concerns nga
maporma ngadto sa isa ka palisiya sama sa mga yuta nga 18 porsyento sa bakilid o labaw pa nga gideklarar na nga alienable ug disposable ibalik sa klasipikasyon sa mga yuta sa kalasangan, aron maporma, bahin sa mga reserba sa kalasangan, gawas kon sila nasakop na sa kasamtangan nga mga titulo nga giaprobahan nga aplikasyon sa publikong yuta.

Nahisgutan usab niya sa mga partisipante kung asa nahitabo ang pagbaha sa barangay aron iyang matubag pinaagi sa pagpaambit sa kamahinungdanon sa pagpraktis sa organic farming.

Iyang gihagit ang mga partisipante sa paggamit sa ilang nakat-unan aron makatabang sa ilang komunidad.

Sumala pa ni Konsehal Legaspi nga ang lima ka Participatory Guarantee System Organic
Farmers makadawat na og PhP 200,000 matag isa ug nahisgutan usab ang mga hinabang nga
ihatag sa CAgO. Gipahinumdoman niya ang mga partisipante nga padayon ang pagkat-on ug
matudloan usab ang mga silingan sa kahibalo nga ilang naangkon.

Gipasiugdahan sa City Agriculture Office (CAgO) ang farmers-field-school (FFS) on Organic
Rice Production.

Kini gilunsad niadtong Hulyo 12, 2023 ug nagsugod sa pag-transplant niadtong Hulyo 24, 2023 sa Sitio Maranhog, Miglamin Malaybalay City. Kini adunay gilapdon nga 0.5 ka ektarya nga gipanag-iya sa FFS Cooperator nga si Mr. Joereni L. Calfoforo.

Gibahin ang pagtuon sa upat ka grupo aron adunay pagtandi sa abot. Atol sa pag-ani niadtong
Nobyembre 8, 2023, ang Group 2 nagpakita sa pinakataas nga average sa crop cut yield component nga adunay 4.6 kg, sunod ang Group 1 nga adunay 4.4 kg, sunod ang Group 3 nga adunay 3.6 kg, ug Group 4 nga adunay 3.3 kg.

Nakakuha ang demonstrasyon og kita nga PhP78,000.00 ug gikuhaan og Php 33,725.00 nga gasto. Nagresulta kini sa net income nga PhP44,275 o katugbang sa 131 percent nga pagbalik sa puhunan.

Kung itandi ang data sa crop cut sa isa ka ektarya, makita nga moabot ang produksyon niini sa 7
tonelada.

Lakip sa mga Agricultural Extension Officers nga nagpahigayon sa maong FFS mao sila si Mr.
Marvin L. Zamora, Ms. Rajane R. Paurom, Ms. Jenalyn C. Avergonzado, Mr. Niño Jan M.
Pabillaran, Mr. France Guiller R. Buquiran, ug Ms. Darylene R. Tuala. (Gecel Quinquiño-Ocon, Agri-NADA/melbmadera)

P11.2M Dairy processing plant gitukod sa Bukidnon

Posted on by cmn

Isa ka Dairy processing plant nga adunay kinatibuk-ang balor nga PhP11,224,221.10 ang gitukod sa Bukidnon

Gipahigayon ang Product Launching ug Turn-over sa Dairy Processing Plant (DPP) sa Brgy. Dalwangan, Malaybalay City niadtong Nobyembre 30, 2023.

Ang proyekto gihimo alang sa Dalwangan Malaybalay United Dairy Agrarian Reform Cooperative (DAMAUDARC).

Mitambong sa kalihokan ang gikan sa National Dairy Authority- Northern Mindanao nga gipangunahan ni Department Manager Mr. Jester John P. Jadap, DOST-X Regional Director Engr. Romela N. Ratilla, Engr. Arlene P. Almo gikan sa POC Bukidnon, ug Ms. Jacqueline Julia Lagamon, acting Provincial Agriculturist.

Diha usab si City Mayor Jay Warren R. Pabillaran ug pipila ka mga miyembro sa 9th Sanggunian, City Agriculture Office-OIC Engr. Richard B. Leono, City Nutritionist Ms. Eza
Canonigo, CAFC Chairperson Mr. Leonard O. Leyros, DAMAUDARC BODs, Punong
Barangay sa Dalwangan nga si Royville G. Pasco, department heads, mga stakeholders, ug ni
former city agriculturist Ms. Remedios R. Sarzuelo.

Si Leono mi-presentar og isa ka video presentation mahitungod sa estado sa DPP.

Nasayran nga ang DPP mibalor sa PhP11,224,221.10.

Ang PhP1,640,000.00 sa pondo gikan sa Department of Science and Technology (DOST), PhP 4,080,000.00 ang gikan sa Department of Agriculture BUB Fund, ug PhP 5,504,221.10 nga kantidad ang gikan sa Local Government Unit (LGU) sa dakbayan.

Gihagit ni Pabillaran sa iyang mensahe ang organisasyon nga lig-onon nila ang ilahang kooperasyon aron malungtaron ang maong proyekto.

Dugang niya nga importante ang pag-tinabangay sa matag-usa ug importante usab ang pinansyal nga aspeto sa grupo nga mamaayo ang pagdumala niini.

Kini, ingon ni Pabillaran, isa sa mga mamahimong hinungdan sa kalamposan sa DPP.

Ang kanhi city agriculturist nga si Sarzuelo mipaambit usab ug isa ka background kung giunsa pagsugod og mugna ang DPP.

Mihatag siya sa dakong pasigarbo nga human sa isa ka dekada nga pagproseso sa mga papeles sa maong proyekto nahuman na kini.

Ingon niya nga nabati na gyud ang kalampusan ug natukod na ang maong pasilidad uban niini ang mga makinarya ug gamit sa pagproseso sa gatas. (Chloe Jean B. Beronilla/melbmadera)

DSWD-10 grants P8.1-M livelihood projects to 23 SLPAs in Malaybalay

Posted on by cmn

MALAYBALAY CITY, Bukidnon – The Department of Social Welfare and Development (DSWD) in Region 10, together with partner organizations and local government officials, conducted a turnover ceremony for Social Livelihood Program (SLP) grants on October 26, 2023

The turnover, held at the City Agriculture Office Conference Room, has distributed of a total of PhP8,100,000.00 to 23 Social Livelihood Program Associations (SLPAs).

The initiative aims to empower poor, vulnerable, and marginalized households and communities, facilitating socio-economic improvement through access to necessary assets for establishing and sustaining thriving livelihoods.

Representing the DSWD at the event were Ronald Ryan Cui, Assistant Regional Director Officer (ARDO), and Glen Inovero, the SLP Provincial Coordinator. Additionally, Mayor Jay Warren R. Pabillaran and Councilor Cromwell Kiril Dinlayan, along with partner organizations, Engr. Richard B. Leono of City Agriculture and Rey Valdez of City Social Welfare and Development Office attended the turnover ceremony.

The 69 representatives from the 23 SLPAs were not only recipients of the grants but also participants in a comprehensive capability-building program.

The program included training sessions on financial literacy and microenterprise development to equip them to undertake group projects using the capital extended by the DSWD.

The recipients of the SLP programs and their respective grant amounts are as follows: Shine Miglamin SLPA (PhP255K), Uswag Dalwangan SLPA (PhP450K), Biotifull SLPA (Sinanglanan) – PhP360K, Budakan SLPA (Caburacanan) – PhP450K, Golden Chick SLPA (Sinanglanan) – PhP360K, Impaquebel SLPA (Linabo) – PhP435K, Kahulogan SLPA (Magsaysay) – PhP405K, Mt. Pinulutan SLPA (Mapulo) – PhP405K, Paiwaig SLPA (Linabo) – PhP165K, Romuk-at Tayo SLPA (Simaya) – PhP435K, Livelihood Dreamers SLPA (Apo Macote) – PHp375K, Bangcud Small Business Association – PhP435K, Maligaya Dumayas Bagong Silang – PhP390K, Sagan Ka Bukid Saint Peter SLPA – PhP345K, Santo Niño Mabuligon SLPA – PhP360K, Zamboanguita Rising Farmers SLPA – PhP375K, Kulaman EO 70 SLPA – PhP300K, Mapulo EO 70 SLPA – PhP300K, Nalumusan Agri-Supply EO70 SLPA – PhP300K, Pigbuligaan San Jose EO70 SLPA – PhP300K, Can-ayan Pamana SLPA – PhP300K, Kibalabag Pamana SLPA – PhP300K, and Manalog Pamana SLPA – PhP300K.

The grants will be subject to ongoing monitoring by the DSWD in collaboration with Project Development Officers and Monitoring Staff, ensuring the effective utilization of funds for their intended purposes. (CSWDO-NADA/melbmadera)

Rice Farmers Day gisaulog

Posted on by cmn

Gipangunahan sa City Agriculture Office ang pagpahigayon sa Rice Farmers Day atol sa Farmer’s Month Celebration, Oktubre 24, 2023

Patugbaw sa maong kasaulogan ang mga aktibidades sama sa rice technology forum, agri-product display, manual rice milling ug winnowing contest, ug agri-raffle nga aktibong gipartisiparan sa mga rice farmers sa kabarangayan.

Padayon ang kalingawan atol sa kasaulogan sa 10th Farmers’ Month sa Dakbayan sa Valencia niadtong Oktubre 25, 2023, ang Corn Farmers Day.

Pipila ka mga aktibidad ang gihan-ay sa maong kalihokan sama sa Corn Technology Forum, Manual Corn Shelling Contest, ug Coconut Husking & Grinding Contest. Gibida usab ang nagkalain-laing produkto sa pang-agrikultura sama sa mga utanon ug kakanin nga pwedeng mapalit ug nakadisplay sa City Hall covered court.

Laing mga aktibidades usab ang ipahigayon ugma, Oktubre 26, diin adlaw kini alang sa atong mga mangingisda. Lakip sa ipahigayon ang HVCC & fishery Forum, Best Hito ug Tilapia Recipe Contest ug uban pa.

Ginasaulog sa Dakbayan sa Valencia matag bulan sa Oktubre ang Farmers’ Month pinasubay sa City Ordinance No. 54-2011 isip pagpahinungod sa importansiya ug kaabag sa tanang mag-uuma sa pagkab-ot sa kalamboan sa dakbayan. (LGU Valencia)

21st AFC Congress: Tapok Mag-uuma 2023 gipahigayon

Posted on by cmn

Ang City Agriculture Office (CAgO) sa pakigtambayayong sa City Agriculture and Fishery Council (CAFC) nagsaulog sa ika-21 ka tuig sa AFC congress niadtong Oktubre 18, 2023 sa Kaamulan Folk Arts Theatre, Malaybalay City

Ang kalihokan nagdala sa tema “Saka Ta Agri-preneurs.”

Ang tinuig nga kalihokan mihatag og dungog ug pag-ila sa mga paningkamot ug bililhong kontribusyon sa mga mag-uuma sa dakbayan. Mao usab kini ang higayon nga maipakita sa Malaybalay Agri-preneurs ang ilang produkto ug negosyo.

Ang Tapok Mag-uuma 2023 gisugdan sa isa ka motorkada ug gisalmotan sa 459 ka partisipante nga gilangkuban sa BAFC Chairperson matag barangay, duha ka miyembro matag sektor, ug mga empleyado sa CAgO.

Gisalmotan usab sa uban pang ahensya sa gobyerno nga direktang nalambigit sa pagpalambo sa agrikultura sa dakbayan sama sa Department of Agriculture (DA), Department of Science and Technology (DOST), Provincial Agriculture Office (PAO), Department of Trade and Industry (DTI), Bureau of Fisheries and Aquatic Resources (BFAR), Philippine Fiber Industry Development Authority (PhilFIDA), Philippine Coconut Authority (PCA), National Dairy Authority (NDA), Regional Agriculture and Fishery Council (RAFC) ug lain-laing buhatan sa Lokal nga Pangagamhanan sa Malaybalay.

Atol sa maong programa, si CAgO -OIC Engr. Richard B. Leono miabi-abi sa mga halangdong bisita alang sa ilang hingpit nga suporta.

Sumala pa ni Leono, pinaagi sa pagtinabangay, ang CAgO nakab-ot sukad niadtong Septyembre 2023 sa kinatibuk-ang 33,409 metriko tonelada alang sa produksyon sa humay, 85,330.31 metriko tonelada alang sa produksyon sa mais, 318,592.96 metriko tonelada alang sa produksyon sa high value commercial crops, 49.50 metriko tonelada alang sa produksyon sa tilapia, ug 49.50 metriko tonelada alang sa produksyon sa hito.

Dugang pa, iyang gipresentar ang usa ka video gamit ang kabag-ohan sa teknolohiya nga nagpakita sa lain-laing mga programa, proyekto, ug mga kalihokan nga gipahigayon sa CAgO nga nakatampo sa maong mga kalampusan.

Ang keynote speaker nga si Dir. Famelah Racquel D. Villanueva sa DTI nipaambit og mensahe pinaagi sa usa ka panultihon nga nagkanayon “Begin with the end in mind”. Gihatagan niya og gibug-aton ang kahulogan niini nga may kalabutan sa tema sa kalihokan nga konektado usab sa Micro, Small and Medium-sized Enterprises (MSMEs) Week nga naay tema nga “Upgrade, Upskill, ug Upsize MSMEs.”

Gidasig niya ang mga mag-uuma aron kini magmalampuson. Gipaambit niya nga ang kalampusan mahimong makab-ot pinaagi sa pag-adopt sa teknolohiya, pagpadayon sa edukasyon ug pag-uswag, market diversification, financial accessibility, sustainable practices, kolaborasyon ug networking, ug needs analysis. Gitapos niya ang iyang mensahe pinaagi sa pagpaambit usab sa usa ka kinutlo nga nag-ingon “Ang katuyoan nga wala’y plano usa ra ka pangandoy.”

Si City Councilor Alan Ryann O. Legaspi isip Committee chair sa Agriculture nipaambit sa iyang mensahe nga nakasumite na og tulo ka ordinansa alang sa machineries profiling, organic-certified farmers, ug livestock registration. Iyang giawhag ang Rural Improvement Clubs (RICs) ug 4H Youth Clubs nga mosumiter og project proposal aron siya makagahin og pundo alang kanila.

Samtang si Acting Assistant Provincial Agriculturist Ma. Lilith M. Turan nagpahibalo sa mga programa, proyekto ug aktibidad nga giabag sa Provincial Agriculture Office para sa dakbayan karong tuiga sama sa Bahay Kubo Project, Organic Farmers Assistance, Kadiwa, dugang Php 2.00 nga umento sa presyo sa humay, Young Farmers Challenge, ug Sustainable Land Management.

Highlight sa “Tapok Mag-uuma 2023” mao ang presentasyon sa 22 ka mga resolusyon nga i-endorso sa CAFC gipangulohan ni Chairperson Leonard O. Leyros. Lakip sa resolusyon mao ang abaca isip flagship program sa Lokal nga Pangagamhanan ug alang sa paghatag og inputs sa lain-laing ahensya alang sa nasangpit nga tanom.

Gisumite usab ang mga resolusyon alang sa Malaybalay City Agri-preneurs Association, Malaybalay City Corn Growers Association (MCCGA), Malaybalay City Fisherfolks Association (MCFA), Malaybalay City Rural Improvement Club (MCFRIC), ug Agri-based Cooperatives.

Ang paghatag ug Plaque of Appreciation ug Recognition sa Active Rural Based Organization gihatag dayon ngadto sa lain-laing mga mag-uuma ug organisasyon matag kategorya. Ang mga awardees mao ang mosunod: Mr. Cerilo Arocha alang sa Rice Farmer Category (Barangay Linabo), Ms. April B. Malatamban alang sa Organic Agriculture Category (Simaya), Ms. Lourdes Limbu alang sa High Value Commercial Crops Category (Miglamin), ug Ms. Anna Paula Chiong alang sa Agri-preneur Category (Barangay 1).

Gidunol ang award sa Outstanding Rural Women nga sila si Ms. Maria Celsa G. Embudo sa Barangay Bangcud, Ms. Vicenta P. Tejada sa Barangay Managok, ug Ms. Francis B. Malatamban sa Barangay Simaya.

Giila ang mga kabatan-onan kinsa mao ang 4H Club scholars sa Agricultural Training Institute (ATI) nga sila si: Ms. Careen C. Elloren (BS-Agriculture, CMU), Ms. Jenerose D. Callejas (BS-Agriculture, CMU), ug Mr. John Chris Ramirez (BS-AgEcon, CMU).

Nahimong awardee ang 4H Youth Interns gikan sa Taiwan nga sila si: Mr. Jason Gonzales sa Barangay Linabo ug Mr. Randy Donque sa Barangay Imbayao.

Pasidungog ang naangkon gikan sa atong certified organic farmers nga sila si: Ms. Francis B. Malatamban sa Anpas Farm, Simaya, Ms. Everly G. Ampalaya sa Green Wonder Farm, Sinanglanan, ug Mr. Reynaldo Gil G. Lomarda sa Umanika Farm, Barangay 10.

Dungan nga kompetisyon ang napahigayon para sa 4H ug RIC. Ang 4H winners mao sila si Mr. Khiersten Abyin Calderon sa Barangay Bangcud alang sa Poster Making Contest, Mr. Greggy Amarga sa Barangay Bangcud alang sa Dish Gardening, ug Dalwangan National High School alang sa Mini Blog. Para sa RIC, ang mga mananaog mao sila si: Ms. Delia Lizada sa Barangay Bangcud ug Ms. Veronica Gargar sa Barangay 1 alang sa Dish Gardening, RIC Kulaman alang sa Exhibit ug display sa mga produkto, RIC Casisang alang sa Cooking Contest, ug Barangay Aglayan RIC alang sa ang presentasyon sa video.

Ang presentasyon sa lain-laing mga ahensya gipasiugdahan sa hapon sa DOST, NDA, PCA, PHILFIDA, ug BFAR diin ang mga partisipante nagpadayag sa lain-laing mga pangutana. Gisundan kini sa Search for Ms. 4H 2023 ug Ginang RIC 2023. Nahimong Ms. 4H 2023 si Ms. Kathrina Delos Reyes sa Barangay Managok ug Ginang RIC 2023 si Ms. Juvelyn L. Revisado sa Barangay Sumpong.

Ang kalihokan gitapos sa 4H Youth Club Candle Lighting Ceremony nga nagsimbolo sa mga paglaum, ug pangandoy sa kabatan-onan alang sa kalamboan sa tibuok nasud. (LGU Malaybalay)