Malampuson nga napahigayon sa City Economic Enterprise Development and Management Office (CEEDMO) ang grand opening sa Malaybalay Market Square niadtong Sept. 04, 2023
Base sa report sa Philippine Information Agency-Bukidnon, gipahigayon ang aktibidad sa Multi-purpose Building A sa Malaybalay City Public Market.
Ang ribbon cutting gipangulohan ni Mayor Jay Warren R. Pabillaran ug CEEDMO chief Romeo R. Lapeciros, Jr.
Sa tagline nga “Kalimpyo, Kahapsay, ug Kabibo”, ang CEEDMO Malaybalay nagpadayag sa Market Square nga nag-feauture sa 16 ka local cuisines ug delicacies stalls.
Ang Market Square mag-abli sugod alas 9:00 sa buntag ngadto sa alas 11:00 sa gabie, kada Lunes ngadto Miyerkules. (Omar Rashid Z. Abdullah)
