Gipahigayon sa Provincial Government of Bukidnon ang Open Tatluhan and Individual Chess Tournament kaniadtong Abril 1-2, 2023 sa Folk Arts Theater, Malaybalay City, Bukidnon
Base sa pahibalo sa lokal nga panggamhanan, ang maong kompetisyon gipahigayon alayon sa selebrasyon sa Kaamulan 2023. Ang kompitisyon adunay tulo ka kategoriya: mao ang Open Chess Team Tournament o Tatluhan, Individual Rapid Chess Tournament ug Kiddies Rapid Chess Tournament. Sa Open Chess Team, ang mga mananaug nakadawat sa premyo nga Php1,000 ngadto sa Php20,000 ug Php500 alang sa special awardees. Samtang ang mga mananaog sa Kiddies Rapid Chess Tournament adunay premyo nga nagkantidad gikan Php200 ngadto sa Php1,000. Ug ang mananaog sa Individual Rapid Chess Tournament nakadawat sa Php500 ngadto Php3,000 nga premyo ug adunay Php300 alang sa special awards. (MG Mayumi B. Madera)
