Nahatagan og katumanan sa Kaamulan 2023 ang 14 ka paresan nga nag-isa pinaagi sa tribal wedding, niadtong Abril 14, 2023, sa Centennial Stage, Kaamulan Park, Malaybalay City, Bukidnon
Sumala sa pahibalo sa Provincial Government sa Bukidnon, nag gikan sa mga tribu sa Bukidnon ang maong mga magtiayon, nga gibendisyonan nila solemnizing officers Bae “Inatlawan” Adelina Tarino-Bukidnon, Datu Adolino Saway-Talaandig, Datu Julito Penaso-Manobo, Datu Alvaro Salahag-Umayamnon, Datu Crispino Linsagan-Tigwahanon, ug Datu Rhufo Inanod-Higaonon.
Ang seremonyas naglakip sa pag-ampo pinaagi sa awit o chant sa mga Baylan ug ang paghalad sa mga manok, baboy ug uban pa nagsimbolo sa kabalaan sa ilang mga panaad sa magtiayon. Gisugdan sa isa ka pamalas nga ritual ug natapos sa panampulot kauban ang mga ninong ug ninang sa mga magtiayon. (MG Mayumi B. Madera)
