Tuesday, December 17, 2024

Tag: Malaybalay City Police Station

3 minors suspek sa pagpangdunggab sa Malaybalay

Posted on by Diego M. Hidalgo

Tulo ka minor de edad nga lalaki ang gitudlong suspek sa pagpangdunggab patay sa isa 43-anyos nga lalaki sa Zone 7, Brgy. 1, Malaybalay City

Sumala kini sa report ni Police Lt. Col. Julius Clark Prisco Macariola IV, OIC sa Malaybalay City Police Station (MCPS).

Bisan pa sa pagdala sa Bukidnon Provincial Medical Center, gideklarar sa nag-atiman nga mananambal nga namatay ang biktima wala madugay sa pag-abot.

Sa imbestigasyon, nasuta nga mga alas 11:30 sa gabii niadtong Enero 12, 2024, ang biktima kinsa gituhuang hubog ang anaa sa gawas sa iyang pinuy-anan.

Giingon nga ang tulo ka mga menor de edad ang miatubang kaniya sa walay igong rason ug gidunggab siya sa tuong bahin sa iyang liog.

Human sa hitabo, daling misibat ang mga suspek paingon sa wala masayring direksiyon, samtang ang biktima nakadagan pa paingon sa iyang balay aron magpatabang.

Ang Malaybalay CPS mihimo dayon og hot pursuit operation aron masikop ang mga suspek apan wala pay kasayoran sa kalamboan niini sa paghimo ning balita.

Padayon pa nga giimbestigahan sa MCPS ang motibo sa maong pagpanunggab. (Diego M. Hidalgo)

7 angol sa road mishap sa Malaybalay

Posted on by cmn

Gidala sa ospital ang pito ka mga biktima sa nahitabong pagkarambola sa tulo ka mga sakyanan sa Sayre Highway, Purok 5, Barangay San Jose, Malaybalay City, Bukidnon

Sumala sa taho, ang insidente nahitabo niadtong Nobyembre 13, 2023.

Ang mga nalambigit nga mga sakyanan gilangkuban sa duha ka Hilux Pick-up Truck ug isa ka pamasaheroang Multicab.

Matod sa taho ni Police Lt. Col. Julius Clark Prisco M. Macariola IV, OIC sa Malaybalay City Police Station nga ang mga biktima nag-edad og 26-51 anyos.

Ni-respondi sa dapit ang Malaybalay Emergency Rescue Unit (MERU) ug ang mga biktima gidala sa Bukidnon Provincial Medical Center (BPMC) sa Malaybalay.

Ang mga drayber uban ang ilang mga sakyanan gidala sa buhatan sa kapolisan alang sa tukmang aksyon. (MG Mayumi B. Madera)

Bukidnon cops heighten alert, warn bomb pranksters

Posted on by cmn

CAGAYAN DE ORO CITY – The Bukidnon Provincial Police Office (BPPO) is on high alert following online bomb threats

In a statement on November 6, BPPO’s Provincial Explosive Ordnance Disposal and Canine Unit (PECU) said a purported Philippine National Police memorandum circulating over social media about bomb threats on populous locations in Bukidnon remains unverified “but shouldn’t be ignored.”

“The alleged (bombing) threats were sent solely for the PNP personnel for verification, validation, and investigation,” BPPO-PECU said.

BPPO-PECU urged the public not to share the spurious document so as not to create panic and confusion.

The Malaybalay City Police Station (MCPS) said it managed to trace a “person of interest” who allegedly forwarded the document via Facebook, which caused public concern.

In a radio interview, Executive Master Sgt. Alexander Calma, the MCPS focal person, said the person’s parents claimed that he has mental problems and was asked to provide a medical certificate.

Failure to provide proof of the person’s mental condition may lead to the filing of appropriate charges, Calma said.

Presidential Decree No. 1727, otherwise known as the anti-bomb joke law, penalizes offenders for the malicious dissemination of false information about any threat concerning bombs, explosives, or any similar device. (Nef Luczon/PNA)

Ulitawo nakorner sa drug buy-bust operation

Posted on by cmn

Isa ka ulitawo ang nakorner sa drug buy-bust nga gipahigayon sa kapolisan niadtong Agosto 31, 2023

Nitaho si Police Lt. Col. Julius Clark Prisco M. Macariola IV sa Malaybalay City Police Station nga ang suspek nasikop sa Purok 4, Aglayan, ning dakbayan.

Ang suspek giila nga si Darvalent Tangkilan y Soria, 30, ulitawo, ug residente sa Purok 6, Bantuanon, Lantapan, Bukidnon.

Si Tangkilan isa ka newly identified nga seller ug drug courier sa dakbayan sa Malaybalay.

Nakonpiska gikan sa suspek ang mga pakete sa gidudahang shabu nga adunay gibug-aton nga 4 gramo ug gibana-bana nga nagkantidad og Php 27,200.00.

Ang suspek uban sa nasakmit nga mga ebidensiya gidala sa Malaybalay CPS alang sa tukmang disposasyon ug gi-turn over sa Bukidnon Forensic Unit alang sa Laboratory Examination.

Kasong kalapasan sa R.A. 9165 ang giandam alang sa Inquest Proceeding batok sa suspek. (MG Mayumi B. Madera)

Motorsiklo nabalintong; isa patay, isa angol

Posted on by cmn

Isa ang patay ug isa ang na-angol human nabalintong ang motorsiklo nga ilang gisakyan sa Fortich Street, Purok-3, Barangay-7, Malaybalay City

Si Police Julius Clark Prisco M. Macariola IV, OIC sa Malaybalay City Police Station, nitaho nga ang insidente nahitabo niadtong August 27, 2023 sa ala 1:40 sa kadlawon.

Ang mga biktima giila nga si Ernesto Joseph Baterna y Batoon (driver), 25, ulitawo, ug residente sa Purok-4, Barangay Dalwangan, Malaybalay City, ug si Faith Beb Gamot y Acasio (angkas), 24, dalaga ug residente sa Kubayan, Barangay Casisang, Malaybalay City.

Gitaho nga ang nasangpit nga motorsiklo nagsubay sa Fortich Street paingon sa south direction ug pag-abot sa atubangan sa San Roque auto repair shop, nawad-an og kontrol ang drayber sa gimanehong motorsiklo ug niliko sa sementadong dalan.

Tungod niini, ang drayber ug ang iyang back rider nakaangkon og physical injuries.

Ang mga biktima gidala sa Bukidnon Provincial Medical Center (BPMC) alang sa pagtambal. Apan, ang angkas, gideklera nga dead on arrival. (MG Mayumi B. Madera)

Patayng lawas sa babae napalgan sa kamaisan

Posted on by cmn

Isa ka patayng lawas sa isa ka babae ang napalgan sa isa ka kamaisan sa Purok-2, Brgy. Silae, Malaybalay City, Bukidnon

Ang biktima giila nga si Evelyn Cabusan Vellesco, 44, minyo, ug residente sa Purok-9, Brgy. Silae, Malaybalay City, Bukidnon.

Matod sa taho ni Police Lt. Col. Julius Clark Prisco M. Macariola, OIC sa Malaybalay City Police Station, ang patayng lawas sa biktima nakita niadtong Agosto 13, 2023 sa alas 4:10 sa hapon.

Ang biktima napalgan nga naligo sa iyang kaugalingong dugo gikan sa iyang mga samad dingunggaban sa lain-laing parte sa iyang lawas.

Gikataho nga ang biktima naay sling bag nga adunay Php8,000.00 nga sulod, apan wala na kini makita.

Matod sa pamilya sa biktima, ulahi nila kining nakita niadtong Agosto 12, 2023 sa ala 1:00 sa hapon.

Ang kapolisan gimandoan sa paghimo sa hingpit nga imbestigasyon sa insidente ug sa posibleng pag-ila sa mga sad-an. (MG Mayumi B. Madera)

Sakyanan midasmag sa balay, buntis patay

Posted on by cmn

Patay ang isa ka buntis human madasmagi sa isa ka truck ang ilang fruit stand nga gi-ukopa sa Diversion Road, P-17, Landing, Casisang, Malaybalay City

Sumala sa report ni Police Lt. Col. Julius Clark Prisco M. Macariola IV, nahitabo ang aksidente pasado alas 7:10 sa buntag.

Ang biktima naila nga si Helen Robisquillo.

Sumala ni Macariola, ang biktima gidala sa ospital apan gideklarang dead on arrival.

Gawas sa biktima, naangol usab ang iyang pares nga si Melchor Epan y Papasin, 29.

Lakip sa mga naangol ang mga residente sa maong lugar nga si Sherly Arcilles, ug iyang duha ka menor de edad nga anak nga lalaki ug babaye.

Gitaho nga nawad-an og preno ang cargo truck hinungdan nga nabanggan niini ang duha ka balay uban sa fruit stand.

Ang giingon sakyanan gipanag-iyahan sa Sonic Steel Satelite Company sa Casinlot, Tagoloan, Mis. Or. ug gi-drayban ni Bevencio Narciso y Feliciano, 41, minyo, ug residente sa of P-2A, Gusa, Cagayan de Oro City.

Ang mga biktima gidala sa Bukidnon Provincial Medical Center ug Malaybalay Polymedic General Hospital alang sa pagtambal.

Ang drayber ug ang iyang helper nga si Ben Jack Vallejos y Vallero, hingkod, ug residente Brgy. Benitinan, Balingasag, Mis. Or. lakip sab sa na-angol.

Ang drayber gidala sa Malaybalay City Police Station alang sa hustong disposasyon. (MG Mayumi B. Madera)

Patayng lawas napalgan sa Malaybalay

Posted on by cmn

Isa ka patayng lawas sa isa ka lalaki ang napalgan sa P-6, Santo Niño, Malaybalay City niadtong Hulyo 30, 2023

Ang biktima naila nga si Higinio Tabio Tuya, 53, ulitawo, mag-uuma, ug residente sa P-6, Santo Niño, Malaybalay City, Bukidnon.

Matod sa isa ka witness, ang biktima nalambigit sa isa ka aksidente sa motosiklo tungod sa kahubog niini.

Human, nakita sa gawas sa balay sa witness ang biktima nga naghigda.

Ang witness daling mitawag sa 117 emergency hotline ug ang biktima nadala sa Bukidnon Provincial Medical Hospital (BPMC) apan gideklara kini nga Dead on Arrival.

Si Police Lt. Col. Julius Clark Prisco M. Macariola IV, OIC sa Malaybalay City Police Station, nisulti sa iyang report nga adunay follow-up nga imbestigasyon ang gipahigayon aron masuta ang hinungdan sa kamatayon sa biktima. (MG Mayumi B. Madera)

2 top HVI PNP/PDEA sa Bukidnon, nakorner

Posted on by cmn

Nakorner sa kapolisan ang duha ka HVI PNP/PDEA top target sa Bukidnon sa managlahing higayon

Ang Top 6, giila nga si Roger Cabrera y Macapobre, laborer, 51, adunay kapuyo, ug residente sa 4A, Barangay Aglayan, Malaybalay City, Bukidnon.

Nadakpan uban kaniya ang iyang kapuyo nga si Mejires y Dacyo, 32, housewife, ug residente sa Purok 6, Barangay Maligaya, Malaybalay City, Bukidnon.

Si Police Lt. Col. Julius Clark Prisco M. Macariola IV, OIC sa Malaybalay City Police Station nitaho sa iyang report nga nadakpan ang mga suspek niadtong Hulyo 16, 2023.

Si Cabrera una nang nasikop tungod sa paglapas sa R.A. 9165 ug nakonbikto pinaagi sa PLEA Bargaining Agreement.

Nasakmit gikan kanila ang gibana bana nga 20 gramos sa gidudahang shabu nga mikabat sa Php 136,000.00.

Ang mga nasikop gidala ubos sa kustodiya sa Malaybalay CPS ug kasong paglapas sa RA 9165 ang giandam batok kanila.

Sa laing bahin, nadakpan usab sa kapolisan ang Top 8 nga si Jhonnie Sunlayan y Padojelaga, 27, ulitawo, ug residente sa Balangay 3, Poblacion, Quezon, Bukidnon.

Si Police Maj. Jayvee G. Babaan, OIC sa Quezon MPS nitaho nga suspek nasikop niadtong Hulyo 13, 2023 sa Balangay 9 Poblacion, Quezon, Bukidnon.

Gisikop si Sunlayan subay sa warrant of arrest sa kasong paglapas sa RA 9165.

Ang suspek kasamtangang gidala sa Quezon MPS alang sa hustong disposasyon. (MG Mayumi B. Madera)

Top 4 PNP-PDEA HVI nasikop sa Malaybalay

Posted on by Omar Rashid Z. Abdullah

Nasikop sa kapolisan ang Top 4 HVI PNP-PDEA Target Listed sa Bukidnon sa gipahigayon nga drug buy-bust operation nga gipahigayon niadtong Hunyo 17, 2023

Ang suspek giila nga si Abel Naybe y Palasan Jr., 30, Backhoe operator, minyo, ug residente sa Purok -1, Barangay
Kalasungay, Malaybalay City, Bukidnon.
Base kini sa taho ni Police Lt. Col. Julius Clark Prisco M. Macariola IV, OIC sa Malaybalay City Police Station.
Nasakmit gikan sa suspek ang gibana-bana nga 2 gramo sa gidudahang shabu nga adunay estimated market value nga Php 13,600.00.
Ang suspek gidala na sa Malaybalay CPS para sa hustong disposasyon.
Kasong paglapas sa Article II, Sections 05 ug 11 of R.A. 9165 ang giandam na batok sa suspek. (Omar Rashid Z. Abdullah)