Nihatag ang National Council of Disability Affairs (NCDA) og tagsa ka desktop computers sa 20 ka lungsod ug duha ka syudad sa Probinsya sa Bukidnon
Base sa pahibalo sa DILG Bukidnon, ang mga unit gidawat sa mga City Social Welfare and Development Office (CSWDO) ug Municipal Social Welfare and Development Office (MSWDO) Persons with Disability Officers ug Focal Persons, pinaagi sa PGO-Persons with Disability Affairs Division (PDAD), niadtong Marso 14, 2023 sa Loiza’s Pavilion sa Barangay Casisang, ning syudad.
Ang mga desktop computers paga gamiton alang sa data gathering ug pagparehistro sa mga PWDs ngadto sa Philippines Registry of Persons with Disability nga gidumala sa Department of Health, aron mapadali ang pagpanghatag sa benipisyo ug mahibaluan kung pila ang PWD members sa matag lungsod ug syudad sa Bukidnon ug sa tibuok nasud. (Diego M. Hidalgo)