Tuesday, January 21, 2025

Tag: shabu

Ulitawo nakorner sa drug buy-bust operation

Posted on by cmn

Isa ka ulitawo ang nakorner sa drug buy-bust nga gipahigayon sa kapolisan niadtong Agosto 31, 2023

Nitaho si Police Lt. Col. Julius Clark Prisco M. Macariola IV sa Malaybalay City Police Station nga ang suspek nasikop sa Purok 4, Aglayan, ning dakbayan.

Ang suspek giila nga si Darvalent Tangkilan y Soria, 30, ulitawo, ug residente sa Purok 6, Bantuanon, Lantapan, Bukidnon.

Si Tangkilan isa ka newly identified nga seller ug drug courier sa dakbayan sa Malaybalay.

Nakonpiska gikan sa suspek ang mga pakete sa gidudahang shabu nga adunay gibug-aton nga 4 gramo ug gibana-bana nga nagkantidad og Php 27,200.00.

Ang suspek uban sa nasakmit nga mga ebidensiya gidala sa Malaybalay CPS alang sa tukmang disposasyon ug gi-turn over sa Bukidnon Forensic Unit alang sa Laboratory Examination.

Kasong kalapasan sa R.A. 9165 ang giandam alang sa Inquest Proceeding batok sa suspek. (MG Mayumi B. Madera)

Php707k shabu, nasakmit sa Kalilangan

Posted on by cmn

Nagkantidad og Php 707,200.00 sa gidudahang shabu ang nasakmit sa hiniusang pwersa sa kapolisan sa gipahigayon nga drug buy-bust operation niadtong Agosto 15, 2023

Si Police Maj. Christian D. Serdeńa, OIC sa Kalilangan Municipal Police Station sa iyang report nisulti nga ang drug buy-bust nahigayon sa P-1, Brgy. West Poblacion, Kalilangan, Bukidnon sa alas 3:58 sa hapon.

Ang suspek giila nga si Johnmar Baylosis Benimelee alyas “Johnmar Benimelee”, newly identified, 38, adunay kapuyo ug residente sa Brgy Bongabong, Pantucan, Davao de Oro.

Si Baylosis gikonsidera sab nga High Value Individual (HVI).

Nasakmit gikan kaniya ang dili mominos sa 104 gramo sa gikatahong droga.

Ang arestado gidala sa Kalilangan MPS alang sa hustong disposasyon ug kasong paglapas sa RA 9165 ang giandam na batok kaniya. (MG Mayumi B. Madera)

Php340K ilegal nga droga nasakmit sa Valencia

Posted on by cmn

Mikabat sa Php340,000.00 ang kantidad sa illegal nga droga ang nasakmit sa drug buy-bust operation nga gipahigayon sa hiniusang pwersa sa kapolisan

Base sa report nga nahipos sa Bukidnon Police Provincial Office (BukPPO), ang operasyon gipahigayon sa Purok 3, Batangan, Valencia City, Bukidnon kaniadtong Hulyo 31, 2023.

Ang suspek giila nga si Dennis Lloren, 33, ulitawo, merchandiser, High-Value Individual (HVI), ug residente sa Barangay 1, Malaybalay City, Bukidnon.

Nasakmit gikan kaniya ang gibana-bana nga 50gramo sa gidudahang shabu.

Ang suspek uban sa nasakmit nga ebidensya gidala sa Valencia City Police Station alang sa hustong disposasyon.

Kasong paglapas sa RA 9165 ang giandam batok sa suspek. (MG Mayumi B. Madera)

2 top HVI PNP/PDEA sa Bukidnon, nakorner

Posted on by cmn

Nakorner sa kapolisan ang duha ka HVI PNP/PDEA top target sa Bukidnon sa managlahing higayon

Ang Top 6, giila nga si Roger Cabrera y Macapobre, laborer, 51, adunay kapuyo, ug residente sa 4A, Barangay Aglayan, Malaybalay City, Bukidnon.

Nadakpan uban kaniya ang iyang kapuyo nga si Mejires y Dacyo, 32, housewife, ug residente sa Purok 6, Barangay Maligaya, Malaybalay City, Bukidnon.

Si Police Lt. Col. Julius Clark Prisco M. Macariola IV, OIC sa Malaybalay City Police Station nitaho sa iyang report nga nadakpan ang mga suspek niadtong Hulyo 16, 2023.

Si Cabrera una nang nasikop tungod sa paglapas sa R.A. 9165 ug nakonbikto pinaagi sa PLEA Bargaining Agreement.

Nasakmit gikan kanila ang gibana bana nga 20 gramos sa gidudahang shabu nga mikabat sa Php 136,000.00.

Ang mga nasikop gidala ubos sa kustodiya sa Malaybalay CPS ug kasong paglapas sa RA 9165 ang giandam batok kanila.

Sa laing bahin, nadakpan usab sa kapolisan ang Top 8 nga si Jhonnie Sunlayan y Padojelaga, 27, ulitawo, ug residente sa Balangay 3, Poblacion, Quezon, Bukidnon.

Si Police Maj. Jayvee G. Babaan, OIC sa Quezon MPS nitaho nga suspek nasikop niadtong Hulyo 13, 2023 sa Balangay 9 Poblacion, Quezon, Bukidnon.

Gisikop si Sunlayan subay sa warrant of arrest sa kasong paglapas sa RA 9165.

Ang suspek kasamtangang gidala sa Quezon MPS alang sa hustong disposasyon. (MG Mayumi B. Madera)

Tattoo Artist nakuhaag droga sa Don Carlos

Posted on by cmn

Isa ka tattoo artist ang nakuhaag droga sa mga kapolisan sa gipahigayon nga drug buy-bust operation sa P-8, Poblacion Sur, Don Carlos, Bukidnon niadtong Hulyo 12, 2023

Ang suspek giila nga si Ricky Absuelo y Arbuez, target listed, 35, minyo, ug residente sa Sitio Quimtras, Brgy Butong, Quezon, Bukidnon.

Nakuha gikan kaniya ang 4.0735 gramo sa gidudahang shabu nga nagkantidad og Php27,700.00.

Si Police Maj. Patrick D. Castro, OIC sa Don Carlos Municpal Police Station nitaho nga ang suspek anaa na sa kustodiya sa kapolisan ug kasong paglapas sa RA 9165 ang giandam na batok kaniya. (MG Mayumi B. Madera)

340K kantidad sa shabu nasakmit sa Malaybalay

Posted on by cmn

Mikabat sa Php 340,000.00. nga kantidad sa gidudahang shabu ang nasakmit sa mga kapolisan sa Malaybalay niadtong Hunyo 26, 2023 sa alas 9:19 sa buntag

Nasakmit ang maong droga sa gipahigayon nga drug buy-bust operation sa kapolisan sa Purok 6, Barangay Casisang, Malaybalay City, Bukidnon.
Si Police Lt. Col. Julius Clark Prisco M. Macariola IV, sa iyang report nisulti nga ang suspek naila nga si Voltaire Martinez y Capacio, High Value Individual (HVI), minyo, ug residente sa Purok-7, Landing, Barangay Casisang, Malaybalay City, Bukidnon.
Nasakmit gikan kaniya ang upat ka pakete sa gidudahang shabu nga adunay gibug-aton nga 50 gramo.
Ang suspek gidala sa Malaybalay CPS ug kasong paglapas sa RA 9165 ang giandam batok kaniya. (MG Mayumi B. Madera)

2 drug suspek tingkagol sa selda

Posted on by cmn

Duha ka mga tawo ang kasamtangan nga anaa sa selda sa kapolisan sa Don Carlos ug Malaybalay human nakorner sa nahigayon nga drug buy-bust operation sa managlahi nga higayon

Sumala sa report ni Police Lt. Col. Julius Clark Prisco Macariola, OIC sa Malaybalay City Police Station.

Nasikop si Rexon Rudas y Rabanal, isa ka newly identified drug

personality, 26, ulitawo, Job Order sa LGU Malaybalay, ug residente sa Purok 21, Barangay Casisang, Malaybalay City, Bukidnon.

Siya nasikop niadtong Hunyo 13, 2023.

Nasakmit gikan niya ang 4 gramo sa gidudahang shabu nga mokabat sa Php27,200.00.

Samtang ang isa giila nga si Erlinger Sasutil y Arabis, alyas “Minggoy”, watch listed, 31, adunay kapuyo, ug residente sa P-2, Brgy. Pualas, Don Carlos, Bukidnon.

Base sa report ni Police Major Patrick D. Castro, OIC sa Don Carlos Municipal Police Station, ang suspetsado nasikop niadtong Hunyo 11, 2023 sa lugar sa iyang pinuy-anan.

Ingon ni Major Castro, mikabat sa 15.3675 gramo sa gidudahang shabu ang nasakmit gikan kaniya ug kini mibalor sa Php104,500.00.

Ang mga suspek anaa na ubos sa kustodiya sa kapolisan ug kasong paglapas sa R.A. 9165 ang giandam na batok kanila. (MG Mayumi B. Madera)

Top 3, Top 5 HVI sa Bukidnon, nakorner

Posted on by cmn

Nakorner sa hiniusang pwersa sa kapolisan pinaagi sa drug buy-bust operation ang Top3 ug Top 5 High Value Individual (HVI) sa Bukidnon

Ang Top 3 giila nga si Joseph Prejoles y Sordilla, 33, Utility Worker sa Bukidnon Provincial Hospital, minyo, ug residente sa Purok 4 Romagook, Kibawe, Bukidnon.

Nasikop siya niadtong Hunyo 13, 2023 sa iyang pinuy-anan.

Nasakmit gikan kaniya ang duha ka gramo sa gidudahang shabu nga adunay estimated market value nga PHP 13,600.00.

Sa laing bahin, ang Top 5 mao si Ian Roldan y Solas, 24, ulitawo, ug residente sa Brgy. Lampanusan, Kalilangan, Bukidnon.

Si Roldan nasikop sa P-1, Barangay Lampanusan, Kalilangan, Bukidnon kaniadtong Hunyo 9, 2023.

Nakuha gika kaniya ang 5.6 gramo sa gidudahang shabu nga mukantidad og Php38,080.00.

Sa report nga nahipos sa Bukidnon Police Provincial Office, gitaho nga ang mga suspek giandaman na sa kasong paglapas sa Section 5 & Section 11, Article II of RA 9165. (MG Mayumi B. Madera)

Php27k shabu, nasakmit sa Maramag

Posted on by cmn

Nikabat sa Php 27,200.00 nga kantidad sa gidudahang shabu ang nasakmit sa mga kapolisan sa Purok 5, South Poblacion, Maramag, Bukidnon niadtong Hunyo 6, 2023

Ang suspek gila nga si Manilyn Cahansa y Espirito, 36, dalaga, ug residente sa maong dapit.

Sumala sa nahipos nga report sa Bukidnon Police Provincial Office, 12 ka pekete sa maong droga nga adunay gibug-aton nga 4gramo ang nasakmit gikan sa suspek.

Kasong paglapas sa R.A. 9165 ang giandam batok sa suspek. (MG Mayumi B. Madera)

Php74k kantidad sa droga nasakmit sa Don Carlos

Posted on by cmn

Mukabat sa Php74,800.00 ang kantidad sa gidudahang droga ang nasakmit sa kapolisan sa gipahigayong drug buy-bust operation sa P-10, Poblacion Sur, Don Carlos, Bukidnon niadtong Mayo 25, 2023

Ang Don Carlos Municipal Police Station nitaho nga ang droga nasakmit gikan sa duha ka watch-listed nga indibidwal.

Ang mga suspek giila nga si Meshail Abenion y Anislag alyas “Misael Abinion”, 30, minyo, mag-uuma; ug si Clark Angelou Abenion y Anislag, 21, ulitawo, ug estudyante ug parehong residente sa maong dapit.

Nasakmit gikan sa mga suspek ang duha ka pakete sa gidudahang shabu nga adunay gibana-bana nga gibug-aton nga 11 gramos.

Ang mga suspek gidala na hingtungdan sa kapolisan ug kasong paglapas sa R.A. 9165 ang giandam na batok kanila. (MG Mayumi B. Madera)