Ang Bukidnon State University (BukSU) College of Nursing gipasidunggan pinaagi sa paghatag og plaque of recognition alang sa ilang talagsaong kalampusan
Base sa pahibalo sa City Government of Malaybalay, ang pasidungog gitunol atol sa binuwan nga convocation program nga gipahigayon sa City Hall niadtong Hunyo 19, 2023.
Ang pag-ila nagsilbi nga tribute sa pasalig sa unibersidad sa excellence ug sa ilang talagsaong kalampusan sa pagranggo nga first sa Pilipinas atol sa Philippine nursing licensure examination nga gipahigayon niadtong Mayo.
Ang College of Nursing nakab-ot ang isa ka talagsaon nga kalampusan, nga gipasigarbo ang isa ka 100% nga passing rate, nga nagdala og dakong dungog dili lamang sa institusyon kon dili sa Lungsod sa Malaybalay. (MG Mayumi B. Madera)
