Tuesday, December 24, 2024

Tag: Valencia City

Shabu nasakmit sa drug buy-bust sa Valencia

Posted on by Diego M. Hidalgo

Isa ka ulitawo ang nakuhaan og droga sa gipahigayon nga drug-bust operation sa kapolisan sa Purok 1, Barobo, Valencia City, Bukidnon kaniadtong Pebrero 6, 2023

Ang suspek giila nga si Warlyn Betacura y Gamayon, 22, newly identified, ug residente sa Purok 4, Guinoyuran, Valencia City, Bukidnon.

Nakuha gikan sa iyang posesyon ang 4 gramo sa gidudahang shabu nga adunay estimated street value nga Php 27,200.00.

Si Police Lt. Col. Edward T. Agpalza, oic sa Valencia City Police Station, nitaho nga kasong paglapas sa Article II, Sections 5 of RA 9165 ang giandam batok sa suspek. (Diego M. Hidalgo)

Tree growing activity gipahigayon sa Valencia

Posted on by Omar Rashid Z. Abdullah

Malampusong napahigayon sa City Disaster Risk Reduction and Management Office ug City Environment and Natural Resources Office ang tree planting activity sa dakbayan sa Valencia

Base sa pahibalo sa lokal nga panggamhanan, ang tree planting gipahigayon sa Malingon Creek kaniadtong Pebrero 2, 2023 ug sa Twin Hills sa Barangay San Carlos kaniadtong Pebrero 3, 2023.

Ang tree planting sa Malingon Creek gipahigayon atol sa pagsaulog sa World Wetlands Day.

Samtang ang tree planting sa Twin Hills gipahigayon subay sa ika-upat nga tuig sa programang “1 million tree growing project” nga nagatumong sa pagkonserba sa kinaiyahan ug sa pakigbatok sa climate change. (Omar Rashid Z. Abdullah)

PRPD capacitates LGUs on the citizens’ monitoring team for Bukidnon sub-projects

Posted on by cmn

VALENCIA CITY – The Department of Agriculture – Philippine Rural Development Project 10 (DA-PRDP 10), together with the Project Support Office Mindanao (PSO Mindanao) conducts the Citizens Monitoring Team (CMT) training for the local government units (LGUs) in Bukidnon with ongoing PRDP subprojects (SPs) on January 31 to February 3, 2023, in this city

Joseph Rico, PSO Mindanao monitoring and evaluation unit head said that the training aims to enable the involved LGUs, including the citizens and beneficiaries of different SPs to learn the process and mechanisms of monitoring them.

Rico stressed that the CMT training will ensure proper subproject implementation in accordance with the policies and guidelines set by the World Bank.

Meanwhile, DA-Regional Project Coordination Office 10 headed by OIC-Regional Executive Director Carlene C. Collado encouraged the attendees to exercise their roles as watchdogs of SPs.

“Being the co-owner of SPs, it is your responsibility to monitor the construction which should be aligned to the World Bank policies and guidelines and ensure its quality, durability, and sustainability.”

The participants are expected to be equipped with skills in monitoring the phases of SPs and to recommend corrective actions, should there be any.

Present are representatives from the LGUs of Manolo Fortich, Lantapan, and Valencia City, Bukidnon. (DA RFO-10)

Ayuda alang sa rice farmers sa Valencia giapod-apod

Posted on by Diego M. Hidalgo

Ang Department of Agriculture Regional Field Office 10 (DA RFO-X) inubanan sa LGU Valencia nagpahigayon og pangapod-apod og cash assistance sa mga rice farmers sa dakbayan kaniadtong Enero 24-25, 2023 sa Valencia City Hall covered court

Ang lokal nga panggamhanan nitaho nga ang pagpangapod-apod ubos sa Rice Competitiveness Enhancement Fund-Rice Farmers Financial Assistance (RCEF-RFFA) Program.

Gitaho nga adunay 2,318 ka mga mag-uuma nag nakadawat sa maong ayuda sa unang batch.

Ang maong mga rice farmers rehistrado sa Registry System for Basic Sectors in Agriculture (RSBSA) ug adunay humayan nga dili mulapas 2 ka ektarya. (Diego M. Hidalgo)

PWASOH isip Force Multiplier sa Smoke Free Ordinance, giduso sa SP

Posted on by Omar Rashid Z. Abdullah

Giduso sa 27th Sangguniang Panlalawigan (SP) nga mag-indorso sa Philippine Wide Anti-Smoking Operation for Health Inc. (PWASOH) isip force multipliers ug pagpagahum kanila sa pagdakop ug pag-isyu sa citation ticket sa paglapas sa smoke free ordinance sa probinsya sa Bukidnon.

Base sa taho sa lokal nga panggamhanan, ang PWASOH isa ka SEC registered nga Civic organization, kansang adbokasiya gipahinungod sa pagpalambo sa isa ka himsog nga palibot, himsog nga pagkinabuhi ug himsog nga katawhan, pinaagi sa hingpit nga pagpatuman sa Executive Order nga giulohan “Providing for the establishment of smoke-free environments in public and enclosed places.”

Nauna na nga gipagahum ang PWASOH sa syudad sa Valencia ug Malaybalay isip force multipliers sa pagpatuman sa mga lagda ug regulasyon sa ilang anti-smoking ordinances ug sila napamatud-an nga dakong instrumento sa epektibo ug episyente nga pagpatuman sa balaod. (Omar Rashid Z. Abdullah)

No. 9 most wanted sa R-10, ug uban pa nakorner

Posted on by Diego M. Hidalgo

Nakorner sa hiniusang pwersa sa kapolisan ang top 9 most wanted person sa Region 10 sa gipahigayon nga search warrant operation sa Purok 1, Central Poblacion, Kalilangan, Bukidnon niadtong Enero 23, 2023

Sa report ni Police Maj. Merlin M. Macawili, oic sa Kalilangan MPS, ang nakorner naila nga si Van Malanhay Vicerra, Top 9 most wanted person sa Region 10, 51, adunay kapuyo ug si Yolany Bongabong Fiola, 45, adunay kapuyo.

Nakuha sa ilang posesyon ang 12 gramo sa gidudahang shabu nga adunay estimated standard drug price nga Php 81,600.00.

Kasong paglapas sa Section 11 ug 12, Article II of RA 9165 ang gi andam batok nila.

Sa laing bahin, nadakpan usab sa kapolisan ang top 9 ug top 10 most wanted person sa Bukidnon kaniadtong Enero 23, 2023 sa managlahing lugar.

Sa report nga nahipos sa Bukidnon Police Provincial Office, ang duha giila nga si Romulo Quirino Y Ragandang, 42, minyo, dicer ug residente sa Purok-3, Batangan, Valencia City, Bukidnon ug si Jojo Martil y Man-Umpong, 33, minyo ug residente sa Purok 1, Kipaypayon, Quezon, Bukidnon.

Si Quirino, gidakop sa kasong Statutory Rape didto sa Purok-3, Batangan, Valencia City, Bukidnon.

Samtang si Martil gisikop sa kasong Frustrated Murder didto sa Purok 1, Kipayayon, Quezon, Bukidnon.

Si Quirino anaa na ubos sa kustodiya sa Valencia CPS ug si Martil sa Quezon MPS alang sa hustong disposasyon. (Diego M. Hidalgo)

RPMES Training-Workshop sa Valencia nagmalampuson

Posted on by Omar Rashid Z. Abdullah

Nagmalampuson nga napahigayon pinaagi sa suporta sa National Economic and Development Authority (NEDA) Region 10 kauban ang City Planning and Development Office ang refresher training ug workshop sa Regional Project Monitoring and Evaluation System (RPMES) sa dakbayan sa Valencia, niadtong Enero 23-24, 2023

Base sa pahibalo sa lokal nga panggamhanan, ang mga nisalmot sa maong training mao ang mga miyembro sa Local Project Monitoring Committee, punong barangay, ahensiya, ug department ug division heads sa syudad.

Tinguha sa maong training nga mapalapad ang mga pamaagi ug kapasidad sa matag buhatan ug implementing units sa pagmonitor ug pag-ebalwar sa mga nahimong proyekto ug programa sa lokalidad aron masiguro ang malamposon nga implementasyon niini. (Omar Rahid Z. Abdullah)

9 ka asosayon sa ‘ex-NPA rebels’ nakadawat og P900K gikan sa Valencia LGU

Posted on by Omar Rashid Z. Abdullah

Siyam ka rehistradong ‘peoples organization sa kanhi mga rebelde sa New Peoples Army 9NPA) ang nakadawat og P900,000 gikan sa lokal nga kagamhanan sa Valencia City, Bukidnon, niadtong Enero 11

Ang Philippine Information Agency nitaho nga alayon kini sa pag-pursige ug kadasig sa mga kanhi rebelde aron mo-asenso ug mo-uswag ang ilang panginabuhi human sila mibiya sa Komunistang grupo.

Ang matag isa sa siyam ka organisasyon gihatagan og tag P100,000.

Ang siyam ka asosasyon mao ang Farmers Revival Association; Domago-ok Farmers Association; Samahan ng mga Balik-Loob Association; Pag-asa Womens Association Pig Dispersal; Barangay Mabuhay Farmers Association; Samahan ng mga Kababaihan ng Laligan; Bulacao Riders Organization; Laligan Curvada Spring Association; ug Laligan Farmers Association.

Si Legal Officer Atty. Marlowe Selecios niingon nga giseguro ni Valencia City Mayor Azucena Huervas nga gahinan sa pundo ang siyam ka asosasyon aron magsilbing ‘start-up capital’ sa ex-rebels nga nibalik sa gobyerno. (Omar Rashid Z. Abdullah)

“Saludo sa Batang Valenciano” Awarding Ceremony nagmalampuson

Posted on by Omar Rashid Z. Abdullah

Gitagaan og pagpasidungog ang mga young achievers sa dakbayan sa Valencia pinaagi sa Valencia City Youth Development Office sa napahigayon nga “Saludo sa Batang Valenciano” Year 8 Awarding Ceremony sa Robinson’s Place Valencia, niadtong Enero 10, 2023.

Base sa pahibalo sa lokal nga panggamhanan, sa maong seremonya, adunay 136 ka mga kabatan-onan sa natad sa sports, 16 sa education, ug 35 sa culture and arts ang gitagaag pasidungog.

Sila gipasidunggan bahin sa ilang mga kalamposan nga nakabot sukad Enero 2022 hangtod Enero 2023 sa internasyonal, nasyonal, ug rehiyonal nga lebel. (Omar Rashid Z. Abdullah)

105 ka FRs sa Valencia City miyembro na sa PhilHealth

Posted on by cmn

VALENCIA CITY, Bukidnon (PIA)–Siyento singko (105) ka mga kanhi rebelde sa New People’s Army sa syudad sa Valencia, Bukidnon ang miyembro na sa PhilHealth dihang nakadawat sila sa ilang Member’s Data Records (MDRs) ug ID cards niadtong Enero 11.

Si Regional Vice President Delio A. Aseron sa PhilHealth Northern Mindanao miingon nga gusto sa gobyerno nga ipakita ang patas nga serbisyo sa tanang Pilipino.

“Kayo po aming mga kapatid na mga ‘former rebels’ ang importanteng bisita ngayon dahil dito po nais ipakita ng ating pamahalaan na tayo ay iisa—pantay-pantay po tayo. Dahil kung tayo ay magkakasakit pantay tayong makalatag sa banig ng karamdaman,” matud ni Aseron.

Gipasabot ni Aseron sa mga kanhi rebelde nga dako kaayo kini nga tabang tungod kay matud niya “Napakahirap magkasakit. Magkaproblema tayo sa gastusin at diyan po papasok ang tulong pinansyal ng PhilHealth. Bagamat bawat sakit ay may corresponding na halaga, ang importante po ay wala na tayong mga kababayan na mangamba na pumunta sa hospital dahil may programa ang PhilHealth. May katuwang na kayo sa gastusin.”

Samtang si Romulo Lapuz Jr, ang Chief sa PhilHealth Bukidnon, miingon nga ang tanang Pilipino mahimong miyembro sa PhilHealth. Busa gidasig niya ang ubang pang mga kanhi rebelde nga wala pa makaparehistro nga dili magduha-duha sa pag-adto sa ilang buhatan tungod kay andam ang PhilHealth nga mo-giya ug motabang kanila sa pagpa-enrol aron mahimong miyembro sa PhilHealth.

Dako ang pasalamat ni Marestela Bitago ngadto sa PhilHealth. Miingon siya nga makapatambal na sila sa lain-laing hospital gamit ang ilang PhilHealth ID cards.

“Nalipay ko’g dako kay sulod sa pito ka tuig sa akong pagka-aktibista, karon nako napamatud-an nga naa gyud ang tabang sa gobyerno, labi na sa mga kabus. PhilHealth member na ko karon. Dako kaayo ni ug ikatabang sa akong pamilya. Busa nagpasalamat ko’g dako sa Philhealth,” dugang ni Bitago. (BGE/PIA 10-Bukidnon)