Thursday, May 09, 2024

Tag: Valencia National High School

Unang LEPT sa Valencia nagmalampuson

Posted on by cmn

Malampuson nga napahigayon sa dakbayan sa Valencia ang Licensure Examination for Professional Teachers (LEPT)

Mao kini ang labing una nga LEPT sa dakbayan, matod sa pahibalo sa City Government of Valencia.

Gitaho nga adunay 1,622 ka examinees ang nag-exam niadtong Setyembre 24, 2023.

Dakong garbo alang sa dakbayan nga mahimong testing center sa maong exam diin nahimo kini pinaagi usab sa pakigtambayayong sa lokal nga pangagamhanan sa Valencia City, Professional Regulation Commission, ingon man sa tunghaan sa San Agustin Institute of Technology ug Valencia National High School. (MG Mayumi B. Madera)

Civil Service Exam gipahigayon sa Valencia

Posted on by cmn

Gipahigayon kanidtong Agosto 20, 2023 ang Civil Service Examination didto sa dakbayan sa Valencia

Sumala sa Pahibalo sa Local Government Unit sa Valencia, ang maong eksaminasyonal gipahigayon sa tunghaan sa San Agustin Institute of Technology (SAIT) ug Valencia National High School (VNHS).

Mapasalamaton ang LGU Valencia City sa Civil Service Commission (CSE) ingon man sa tunghaan sa SAIT ug VNHS sa ilang pakigtambayayong ug makanunayong pagsuporta nga mapahigayon ang maong exam.

Sa dugang nga kasayuran, giingon nga miabot sa 3,075 ang nagparehistro para sa maong eksaminasyon. (MG Mayumi B. Madera)

Kadiwa ng Pangulo, Diskwento Caravan gipahigayon sa Valencia

Posted on by Diego M. Hidalgo

Malampusong napahigayon sa dakbayan sa Valencia ang Kadiwa ng Pangulo ug Diskwento Caravan Balik Eskwela Edition

Base sa pahibalo sa Provincial Government of Bukidnon, gipahigayon niadtong Agosto 22-23, 2023.

Gipahigayon ang “Katuwang sa Diwa at Gawa Para sa Masaganang Ani at Mataas na Kita

(KADIWA) ng Pangulo” ug Diskwento Caravan sa Valencia National High School Covered

Court, sa dakbayan sa Valencia.

Adunay mga barato ug swak sa budget nga mga produkto sama sa school supplies, grocery items, utanon, ug uba pa ang mapalit sa maong caravan nga gikan sa lokal nga mga mag-uuma, mangingisda ug micro-enterprises sa probinsya. (Diego M. Hidalgo)