Panid Bisaya
Truck helper gipatay sa Pangantucan
0
Share this post?
Isa ka truck helper ang gipusil patay sa wala mailang suspek sa Purok 1, Brgy. Bacusanon, Pangantucan, Bukidnon gabii sa Pebrero 28.
Si Police Col. Jun Mark J. Lagare, provincial director sa Bukidnon Police Provincial Office (BPPO), niila sa biktima nga si Isabelo apa-ap, 39, ulitawo, truck helper ug residente sa dapit.
Gideklarang patay na sa wala pa mahiabot sa hospital ang bitkima gumikan sa grabing samad pinusilan sa agtang.
Sumala sa imbestigasyon sa kapolisan sa Pangantucan, ang biktima uban sa laing mga drayber ug helper sa truck, ang adunay drinking spree ug nanan-aw sa movies sa ilang selpon. Kalit lang nilanog ang buto sa armas ug nahagsa sa lamesa. Gumikan niini, nagkatibulaag ang mga kauban sa biktima.
Padayon pa ang imbestigasyon sa kapolisan sa Pangantucan aron pag-ila sa nisibat nga suspek ug pagsuta sa motibo sa krimen.
Latest Article
Related Post
Nakadawat og kinatibuk-ang P710,000.00 nga hinanali nga cash aid ug livelihood support packages ang 14 ka kanhi myembro sa New People’s Army nga karon gitawag nga Friends Rescued (FRs), gikan sa gobyerno Natigayon ang maong distribusyon atol sa release sa DILG-Administered Package Assistance ubos sa Enhanced Comprehensive Local Integration Program niadtong Abril 8, 2026, sa...
Malampusong narekober sa all-female-led Special Forces Team 16 “MAYA” ang mga armas atol sa Bukidnon Jungle Operation, sumala sa kasayoran sa Philippine Army 403rd Brigade Matod pa, upat ka high-powered firearms ug usa ka spare barrel sa M16A1 ang nakuha atol sa precision operation niadtong Abril 7, 2026, sa Sityo Bendum, Barangay Busdi, Malaybalay City....
Nagpasigarbo ang Malaybalay City human nakab-ot sa ilang mga representante ang dagkong kadaugan sa Laga daw Malaki ta Bukidnon 2026 Si Rodren Jay Sumbongan sa Tribu Higaonon giproklamar nga Grand Winner sa Malaki ta Bukidnon 2026, nga nagtimaan sa sunod-sunod nga kadaugan sa dakbayan. Nadawat usab niya ang Malaki ta MLhuillier ug Best in Malaki...