MALAYBALAY CITY, Bukidnon – Isa ka lokal nga artist gikan sa Cabanglasan, Bukidnon, ug sakop sa tribong Umayamnon ang mipatigbabaw isip kampeon sa unang Soil Painting Competition sa probinsya

Sumala sa kasayoran, giila si Phel Salmasan isip nagdaog sa unang ganti nga nagkantidad og P100,000 atol sa kalihokan nga gipahigayon niadtong Marso 21, 2026, sa Bukidnon Center for Culture and the Arts sa Barangay Laguitas.

Ang iyang obra naglarawan sa kinabuhi sa uma, diin ang mais maoy sentrong simbolo sa iyang piraso—usa ka hulagway nga nag-ugat sa iyang personal nga kasinatian isip “manghagdaway.”

Pinaagi sa maong buhat, gipakita ni Salmasan ang kahulogan sa pagkamalahutayon, kakugi, ug ang buhi nga realidad sa mga Lumad ug komunidad sa panguma sa Bukidnon.

Samtang, gidayeg ni Juan Miguel Zubiri ang mga artista nga miapil sa eksibit, nga matod pa niya, nagpakita og detalyado ug makapahayag nga mga obra nga nagdala sa istorya ug kultura sa probinsya. (melbmadera)