Nagapadayon ang Provincial Government of Bukidnon (PGB) pinaagi sa PGO–Real Estate Housing and Development Division sa pagpasiugda sa upat ka housing projects sa Bukidnon – partikular sa Manolo Fortich nga adunay duha ka proyekto, ug tag-usa ang Sumilao ug Maramag

Sigun sa Facebook post sa LGU Bukidnon, gipakisayud ni Engr. Walter V. Borres, REHDD Head, nga target mahuman ang 143 housing units sa tuig 2026 alang sa pagpalig-on sa pasalig nga paghatag og luwas, desente, ug barato nga kapuy-an.

Ang 143 housing units makita kini sa mosunod: sa Manolo Fortich, ang pagpanday sa 25 houses nga adunay kapin sa ₱5.8-M nga proyekto nga adunay 25 percent accomplishment, ug ang construction sa 22 houses nga adunay kapin sa ₱11.7-M nga pondo nga adunay five percent accomplishment; sa Sumilao – ang padayon nga pagpanday sa 35 housing units nga adunay pondo nga kapin sa ₱13-M; samtang sa Maramag – ang pagpanday sa 61 houses nga adunay kapin sa ₱22.8-M pondo diin 11.23 percent na ang accomplishment.

Mahinumduman nga malampuson nang natunol ni Governor Rogelio Neil P. Roque niadtong Hunyo 23, 2025, ang ₱16.5-M worth nga 50 houses ngadto sa mga benepisyaryo niini sa Kadingilan Paglaum Village, ubos sa pakigtimbayayong sa LGU–Kadingilan. (melbmadera)