Thursday, December 07, 2023
Panid Bisaya
138K ka mga bata sa Bukidnon target mabakunahan
0
Share this post?
MALAYBALAY CITY – Target sa Department of Health (DOH) nga mabakunahan ang 95% sa kapin 138,000 nga populasyon sa mga kabataan sa Bukidnon
Base sa pinakaulahing record sa DOH-Bukidnon, 42% na ang nabakunahan sa Measles ug Rubella, samtang 48% usab ang bakunado sa Polio sukad gilunsad ang “Chikiting Ligtas” niadtong Mayo 2.
Nanawagan si DOH-Bukidnon Chief Dr. Vincent Raguro nga pahimuslan kini nga higayon tungod kay kada tulo ka tuig lang ginapahigayon kini nga immunization program.
Sumala ni Raguro, niadtong tuig 2020 pa ulahing nagpahigayon og “Chikiting Ligtas” program. Ninety-seven percent (97%) sa populasyon ang ilang nabakunahan sa tuig 2020, diin nilapas sila sa 95% nga target.
Busa padayon ang panawagan sa DOH, sa tanang mga ginikanan nga dunay mga anak nga nag-edad zero hangtud 59 ka bulan nga magpabakuna aron dili sila dali madutlan sa mga sakit sama sa Tipdas, Rubella ug Polio. (BGE/PIA Bukidnon)
Latest Article
Related Post
Tingkagol sa selda sa kapolisan sa dakbayan sa Malaybalay ang tulo ka mga suspek sa pagpangawat sa Bides residence sa San Isidro St. Ext., Purok 2, Brgy. 9, Malaybalay City, Bukidnon Sila giingon nga nasapon sa biktima uban sa mga silingan pasado alas 8:00 sa gabii niadtong Nobyembre 16. Sumala sa report sa kapolisan, ang...
Naugdaw ang lima ka mga balay sa nahitabong sunog sa Purok 3A, Brgy. San Isidro, Valencia City, Bukidnon gabii sa Nobyembre 17 sa sunog ang Valencia City Bureau Fire Protection ug napalong nila ang kalayo. Giingon nga ang kalayo nagsugod sa panimalay sa isa ka Romeo Tongal. Walay natalang namatay o nasamdan sa hitabo apan...
Gilungkab sa kanhi empleyado ang isa ka Hardware and Construction supply sa Purok 2, Dologon, Maramag, Bukidnon sayong buntag sa Nobyembre 20 Sumala sa report sa kapolisan, pasado alas 6:12 ang takna sa buntag sa dihang nadiskubri sa tag- iiyaang hitabo. Nasuta sa report ni Police Major Erwin R. Naelga, OIC sa Maramag Municipal Police...