Wednesday, February 26, 2025
Panid Bisaya
2 centenarians sa Malaybalay nakadawat og incentives
0
Share this post?
Duha ka centenarian ang nakadawat og tag P100,000.00 nga cash incentives gikan sa City Government sa Malaybalay niadtong Mayo 17, 2024
Sumala sa kasayoran sa LGU Malaybalay, ang duha mao sila Mrs. Yaga Sarino Molhay ug Mrs. Porfita Sario Libanda nga parehong residente sa Brgy. Manalog.
Si Molhay natawo niadtong Mayo 20, 1920, samtang si Libanda natawo niadtong Nobyembre 4, 1921.
Giila sila pinasubay sa Republic Act 10868, the Centenarian Act of 2016, nga nag-ila sa mga Pilipino nga moabot og 100 anyos.
Si City Mayor Jay Warren R. Pabillaran, inubanan sa Barangay Manalog Council sa pagpangulo ni Barangay Chairman Roney Lagunday, 9th Sanguniang Panglungsod, Office of the Senior Citizens Affairs (OSCA) ug City Social Welfare and Development Office (CSWDO) personnel, ang nitunol sa tseke mismo sa panimalay sa mga benepisaryo sa Brgy. Manalog.
Subay sa City Ordinance No. 988, series of 2021, ang Syudad sa Malaybalay mihatag sa matag centenarian og isa ka higayon nga insentibo nga P100,000.00, uban ang cake ug bouquet sa mga bulak.
Sila ang ikaduha ug ikatulo nga centenarian nga nakadawat sa maong mga insentibo gikan sa City Government sukad naaprobahan ang lokal nga ordinansa. (melbmadera)
Latest Article
Related Post
Kaniadtong Pebrero 5, 2025, hugyaw nga gisugdan sa Private Schools Athletic Association (PRISAA) ang pag-abli sa 2025 Regional Games diin napili ang Dakbayan sa Valencia isip sentro sa panagtigom sa mga manunula nga nagagikan sa nagkalain-laing tulunghaan sa Rehiyon 10. Sumala sa kasayuran sa city government sa Valencia, gisalmotan kini sa 24 ka tulunghaan gikan...
Kaniadtong Pebrero 7, 2025, gitugyan na ang usa ka Level II Gravity Fed water system project sa Purok 3, Brgy. Kisolon, Sumilao, Bukidnon Ang seremonya natigayon sa Barangay Covered Court sa Barangay Kisolon.Ang proyekto ubos sa Department of Social Welfare and Development (DSWD) Kapit-Bisig Laban sa Kahirapan Comprehensive and Integrated Delivery of Social Services (KALAHI-CIDSS)...
Isa ka anti-terrorism forum nga gipangunahan sa 48th Infantry Battalion sa 7th Infantry Division ang gipahigayon sa Maramag Municipal Hall kaniadtong Pebrero 10, 2025.Katambayayong sa kalihokan ang lokal nga kagamhanan sa Maramag Sumala sa kasayuran sa LGU Maramag, ang forum nagpundok sa sektor sa negosyo aron matubag ang mga nagpilit nga isyu bahin sa kalinaw,...