Saturday, August 02, 2025

Panid Bisaya

27th SP walay pagsupak sa giduso nga House Bill no. 5999 ni Cong. Zubiri

0

Central Mindanao Newswatch - local newspaper

Share this post?

Nagpadayag nga walay pagsupak ang mga miyembro sa 27th Sangguniang Panlalawigan (SP) sa House Bill No. 5999 nga giduso ni 3rd District Congressman Jose Ma. R. Zubiri, Jr., pinaagi sa Resolution No. 2023-986 (27th SP) nga giulohan ni Board Member Nemesio B. Beltran, Jr., pinetsahan Enero 10, 2023, atol sa ika-23 nga regular session sa 27th SP

Mahinumduman nga una nang nagpalabang ang 27th SP sa Resolution No. 2022-476 nga nagsugyot ngadto sa House of Representatives ug Senate of the Philippines nga dugangan ug usa ka distrito ang probinsya, nga pagalangkuban sa mga LGUs gikan sa ika-tulong distrito.

Sa re-districting version ni Cong. Zubiri, nagpabilin ang mga LGUs nga maglangkob sa 1st District, aduna lamang kausaban sa komposisyon sa mga LGUs alang sa ika-duha hangtud sa ika-lima nga distrito, apan gisuguro nga makab-ot ang constitutional requirement nga 250,000 population matag distrito, subay sa data sa PSA as of May 1, 2020.

1st District – Baungon – 37,111; Libona- 48,965; Malitbog- 26,741; Manolo Fortich- 113,200; Sumilao- 29,531; Talakag- 77,027. Total population: 332,575.

2nd District – Impasugong- 53,863; Lantapan-65,974; City of Malaybalay- 190,712. Total population: 310,549.

3rd District – Kalilangan- 43,711; Maramag- 108,293; Pangantucan- 56,580; Quezon- 109,624. Total population: 318,208.

4th District – Cabanglasan- 36,286; City of Valencia- 216,546; San Fernando- 63,045. Total population: 315,877.

5th District – Damulog- 39,322; Dangcagan- 26,076; Don Carlos- 69,273; Kadingilan- 33,735; Kibawe- 41,897; Kitaotao- 53,796. Total population: 264,099

Gilantaw sa 27th SP nga ang maong sugyot, magresulta sa mas paspas nga kalambuan sa matag distrito alang sa kaayuhan sa katawhan. Samtang, ang kopya sa maong resolusyon ipasa ngadto sa tanang district representatives sa Bukidnon, Senate President Juan Miguel F. Zubiri, House Speaker Ferdinand Martin G. Romualdez, Governor Rogelio Neil P. Roque, tanang mga mayores ug sanggunian sa probinsya, alang sa ilang kasayuran ug basihan. (PR)

Related Post

Giransak sa wala mailhing suspek ang One B Lending Office sa Purok 3, Brgy. Poblacion Norte, Don Carlos, Bukidnon Sumala sa report ni Police Major Al-Nico R. Raman, OIC sa Don Carlos Municipal Police Station, nadiskobre sa babayeng account officer sa establisemento ang hitabo pasado alas 6:40 sa buntag niadtong Hulyo 28, 2025.   Nasuta...
Isa ka 75-anyos nga babayeng balo ang gipatay ug gisunog pa sa Purok 2, Brgy. Labuagon, Kibawe, Bukidnon buntag sa Hulyo 26, 2025 Sumala sa report sa kapolisan, ang lalaking suspetsado nailhan nga 37-anyos, kinsa residente sab sa dapit.   Siya boluntaryong nitahan pasado alas 11:45 sa buntag pagkasunod adlaw human kini nangayo og tabang...
Gihatagan og livelihood starter kit ang 16 ka dwarfism-persons with disabilities (PWDs) sa probinsya Sumala sa Facebook post sa LGU Bukidnon, ang kit sa panginabuhian gikan sa Department of Health – Drug Abuse Treatment and Rehabilitation Center (DOH-DATRC).   Gipatuman kini pinaagi sa pakigtimbayayong sa Provincial Government of Bukidnon (PGB), nga gipasayon sa Provincial Persons...