Friday, November 20, 2026

Panid Bisaya

3 ka mitahan nga mga NPA gipresentar sa media

0

Central Mindanao Newswatch - local newspaper

Share this post?

Tulo ka kanhi miyembro sa Sub-Regional Committee (SRC) 1, North Central Mindanao Regional Committee (NCMRC) sa New People’s Army (NPA) ang gipresentar sa media human boluntaryong mitahan sa gobyerno

Ang presentation ug press conference gipahigayon kaniadtong Pebrero 4, 2026, sa Conference Room sa Headquarters sa 403rd Infantry Brigade sa Barangay 10, Malaybalay City, Bukidnon.  

 

Ang kalihokan gipangulohan ni Bukidnon Governor Rogelio Neil P. Roque, kauban si Major General Michele B. Anayron Jr., commander sa 4th Infantry Division sa Philippine Army; Brigadier General Siegfred C. Tubalado, commander sa 403rd Infantry Brigade; ug Lt. Col. Jeorge R. Jallorina, commanding officer sa 8th Infantry Battalion. Mitambong usab ang pipila ka mga miyembro sa media gikan sa Bukidnon ug Cagayan de Oro City.  

 

Ang mga mitahan mao ang magtiayon nga sila Marren Ayuma Manseguiao @Richard/Makong, finance officer sa SRC 1, NCMRC; Nora Lamumay Manseguiao @Ensi, finance officer/SO sa SRC 1, NCMRC; ug Micheal L. Fernandez @Pax, miyembro sa Squad 2, RSDG, Compaq, NCMRC.  

 

Isip kabahin sa ilang pagsurender, gitunol sa mga mitahan ang duha ka M16 rifles, duha ka M14 rifles, usa ka rocket-propelled grenade, usa ka AR-18 rifle, ug usa ka M1 Garand rifle. (melbmadera)

Gipresenta sa pamunuan sa militar sa Bukidnon kaniadtong Pebrero 4, 2026 ang mga armas nga gitunol sa tulo ka nisurender nga miyembro sa New People’s Army (NPA) ngadto kang Governor Rogelio Neil P. Roque. (8IB)

Related Post

Patay ang isa ka 45-anyos nga lalaki human dunggaba og makadaghang higayon sa likod sa isaka 33-anyos nga lalaki sa Purok 2, Sitio Patpat, Barangay Salimbalan, Baungon, Bukidnon, alas5:30 sa buntag niadtong Oktubre 30, 2026. Sumala sa inisyal nga imbestigasyon sa Baungon Municipal Police Station (MPS), naghulat nakuno ang suspek sa daplin sa karsada dihang...
Nadakpan sa kapulisan ang ikatulo sa mga most wanted person sa provincial level sa Bukidnonatol sa operasyon sa Zone 3, Barangay Lunocan, Manolo Fortich, niadtong Nobyembre 11. Giila sa kapulisan ang dinakpan nga si Alvin Ochate Pagar, 27 anyos, minyo ug residente saZone 13, Barangay Damilag, Manolo Fortich.Gipahigayon ang operasyon alas-9:15 sa buntag sa mga...
Patay ang 53-anyos nga drayber sa motorsiklo human mabanggaan sa isa ka Toyota Hilux pick-up sa National Highway, Purok 1, Camp 1, Maramag, Bukidnon, alas-4:20 sa hapon niadtongNobyembre 4, 2026. Base sa imbestigasyon sa Maramag Municipal Police Station (MMPS), padulong sa Don Carlosang pick-up nga gimaneho sa 28-anyos nga lalaki dihang kalit nga mitabok sa...