Ang populasyon sa Bukidnon as of July 1, 2024, niabot na sa 1,601,902 base sa 2024 Census of Population sa Philippine Statistics Authority (PSA)

Sumala sa datos, nanguna ang Valencia City nga adunay 223,620 sa 22 ka local government units. Ang kalakip sa Valencia sa 4th District nga Pangantucan adunay 60,162, samtang ang Kalilangan adunay 44,108.

Samtang ang ikaduha nga adunay pinakadako nga populasyon mao ang Malaybalay City nga adunay 195,046, nga anaa sa 2nd District. Ang mga kauban niini sa distrito nga Lantapan adunay 68,777, San Fernando – 65,494, Impasug-ong – 55,901, ug Cabanglasan – 38,365.

Ang Manolo Fortich ang adunay pinakadako nga populasyon sa 1st District nga niabot sa 118,075. Gisundan kini sa Talakag – 81,932, Libona – 51,555, Baungon – 39,151, Sumilao – 31,094, ug Malitbog – 28,666.

Ug sa 3rd District, ang Quezon ang adunay pinakataas nga 114,521. Gisundan sa Maramag – 109,864, Don Carlos – 73,592, Kitaotao – 57,364, Kibawe – 43,491, Damulog – 38,564, Kadingilan – 35,432, ug Dangcagan – 27,128.

Ang populasyon sa nasud sa 2024 misaka og 3.69 milyon, gikan sa 109.04 milyon niadtong 2020 ngadto sa 112.73 milyon.

Ang tinuig nga pagtubo sa populasyon sa Pilipinas nikunhod ngadto sa 0.80 porsyento gikan sa 2020 hangtod 2024, itandi sa 1.63 porsyentong pagtubo gikan sa 2015 hangtod 2020. (melbmadera)